يَا إرتِوائي بعّد السنِين العِجاف

P17

.
.
إبتسم نايف وبضحكة : وش فيك جدي عناد؟
عناد خزه وبصوت يكاد ينسمع: انت حالف تجيب نهايتك على أيديني اليوم ؟
ضحك نايف بقوة وتوجه للسيارة استقر بمكانه كان يقلب بتويتر ينتظر العيال وعناد يمشون ...
_____
في بيت راشد الفهد تحديدا بجناح نجوان كانت تجمع أغراضها المهمه وأخذت اثباتها تنهدت بعمق وهي تمسح على اسمها مرات كثيره وبهدوء: انت مب مجرد اسم وراح يتغير انت ماضي مليان بالسواد والألم راح امحي وجوده
ميسره شدت على كتفها وبهدوء: وش مضايق صاحبة الوجه الملائكي؟
نجوان وقفت وصارت تتأمل ملامحها كانت تتأمل عيونها الوساع ورموشها الكثيفة ولون عيونها الملفت بغرابته وبشكل خشمها  وشفاتها وكيف كأن ملامحها متقنة وبصوت موجوع: كنت راح اقول بشاعة وجهي السبب في كرهه ونبذه لي بس شوفي ميسره مافيه شيء يحدهم يكرهون ملامحي ؟ او حتى اي شيء فيني ؛ نزلت دموعها بكثافة وفشلت في اخفائها هالمره
ميسره مسحت دموعها بهدوء وضمتها بحنية وبهدوء: بس أنتِ تشبهين امك كثير وكأنها انتِ
نجوان بألم اردفت بحزن شديد: بس اما ما قلت لها اتركيني لأبوي وزوجته ما قلت لها عيشي حياتك وارميني انا جزء منها ومن رحمها تركتني لقساوة الايام ولجلافة القدر
ميسره ضمتها لها وبحنية: مصيره راشد يحن لك صدقيني.. " طبعا ميسره لها فوق ال 40 سنه بالسعودية ولذلك كلامها سعودي"
نجوان وقفت على حيلها وبهدوء: ميسره أنا بكره ببدأ بأول خطوه في تغير مستقبلنا بكره دوامي بس شلون راح نصرف اللي اسمها ساره؟
ميسره فكرت وبحماس: راح نصحى الصبح ونسوي نفس الواجبات اللي علينا يوميا بس راح نحط فاونديشن اصفر المهم وجهك يكون اصفر وراح تطيحين بوقت دخولها للمطبخ
نجوان ضحكت واردفت بخوف: بس ماكأنها راح تألمني الطيحة؟
ميسره بتفكير: بس هالشيء الوحيد اللي راح ينفعنا حاليا عندك شيء آخر؟
نجوان هزت رأسها بالنفي..
____
عند اميره بدأت تراجع أوراق قضية سياف من البداية إلى النهاية لقت كم عثره وأخذت الجوال واتصلت بمنال
منال ردت واردفت بتوتر: بشريني ؟
اميره ابتسمت آلى ان بانت غمازتها وبرقه: أبشرك اخوك راح نطلعه قريب قدمي جلسة استئناف  اقرب جلسة ونتلاقى بالمكتب الأحد أن شاء الله الأهم لا تتوترين ولا تلفتين نظر رجال راشد ولأن قضية اخوك احتيال ونصب راح تأخذ ست أشهر إلى اربع أشهر في جلسة الإستئناف واحتاج بعد كل الأوراق اللي تخص محلاته التجارية وكشف حساباته كل شيء ممكن يفيدنا
منال اردفت بإمتنان : شكرا استاذه اميره ان رجعت حقوقنا واملاكنا ماراح أقصر معك
اميره بإبتسامه رقيقة: استاذه منال ماهو بينا الأهم يطلع لك بسلامته ولا ابي منك الا إنك تكونين بخير وتنتبهي على حالك
منال تنهدت واردفت بهدوء: الله يكتب أجرك ودعتك الله
____
بسيارة العيال كان عمار مشغل عراقي ومنطرب اما صهيب شوي ويدفنه
صهيب شد على الطاره وقفل الصوت  بهدوء: أستاذ عمار ممكن تفكنا من جو العاشق الولهان
عمار توسعت عيونه وضحك واردف بصدمه: ياغبي وش عاشق انا حزين ما تسمعه وش هو يرطن
صهيب ناظره بحده واردف: خل يحكي زين بعدين افهم وش هو يرطن
عقيق شبك حواجبه ببعضهم وبهدوء: وانتم وراكم !! يا مطاقق يا هواش!؟ بتهجدون ولا اتصل على عبيد ياخذك يابزر؟
صهيب لبق على جمب وبصراخ: انكتموا كلكم لا اسمع صوت خلاص استاذ عقيق؟
عم الصمت في المكان وصار صهيب يقلب في الأغاني
بعد مدة وصلوا العيال قبل عناد وعبدالله وعزام
اخذ عقيق جواله واتصل على عناد بس مارد رجع اتصل على جوال غسق
غسق ردت بهدوء واردفت بهدوء: أمر؟
عقيق بهدوء:اعطي الجوال لعناد
غسق مدت الجوال لجوري واردفت بهدوء: اعطيه عناد
جوري توسعت عيونها بذهول واردفت بثبات : هذا عناد قدامك انا شكو؟
عناد ضحك وبهدوء: علامكم تتهاوشون امريني غسق؟
غسق اعطت الجوال لعناد وناظرت جوري بمعنى اوريك
ضحكت الجوري وبهدوء : طيب انا شكو انتِ جمبي؟
غسق أشارت بعيونها على نايف وسكتت جوري فهمت عليها وسكتت..
نتركهم شوي..
_____
في بيت ام عبدالعزيز
أنوار كانت جالسه بالصالة تنتظر عبدالرحمن اردفت لخالتها بإبتسامه: يمه ارقي نامي وانا بتصل على السواق اذا هو مطول
ام عبدالعزيز ابتسمت برقة واردفت بحنية: شدعوه يمه راح انتظر إلى أن يجي ؛ وبفضول: وش صار معك انتِ وعبدالرحمن
تنهدت أنوار واعتدلت بجلستها واردفت بثبات: شوفي يمه انا عند موقفي بدور على هيام إلى أن الاقيها حسمت هالنقطة بالنسبة لي
ام عبدالعزيز تنهدت واردفت بإسترسال: بس يمه هو ماعاد يبيها ولا اي شيء لو يبيها ما كان ظل معك وما كان صار في حياتكم نايف ونادر
أنوار تنهدت بعمق وسكتت لثواني واردفت بهدوء:يمه بقول لك شيء هالشيء طبعا كلمت نايف فيه كثير وعبدالرحمن بس ماحد استمع لي منهم
ام عبدالعزيز اعتدلت وبثبات: امريني يمه ؟
ام نايف بتردد: يمه انا ابي الجوري لنايف صح عمرهم ماهو مقارب لبعض وهي أصغر منه بس يمه الجوري بنتي وبنت أريام قبل كل شيء وتعرفين وش تعني لي أريام و وش تعني لي الجوري وجوري بنتي يمه
ام عبدالعزيز بتفكير: طيب نايف ليه ماجاء؟ دامك تزنين على راسه في موضوعها
ام نايف بتردد : مادري يمه بس انا اعطيك رأي والشور لكم بالاخير وانتِ تعرفين نايف يمه ماحد يفهم عقليته بس الأهم انا ابي الجوري قريبة مني وبخليها جوات عيوني ؛ قاطعهم رنين جوال أنوار رفعت الجوال وبإبتسامه جانبية: استودعتك الله يمه جاء ابو نايف وبطلع
طلعت وتركت ام عبدالعزيز بحيرتها وهواجيسها..
____
نرجع لعند عناد والبنات كانوا توهم واصلين بعد العشاء بشوي نزلوا واستقروا البنات بمكانهم والعيال بمكانهم ..
جوري كانت لابسه فستان حريري باللون البني ورافعه شعرها بعشوائية وطايح على وجهها زادت ملامحها رقة بسبب شكل شعرها المبعثر..
اما غسق كانت لابسة فستان قصير مخصر باللون الاسود ومسوية شعرها ويفي كان شكلها انثوي
جوري بإبتسامه واسعه أردفت بحماس: اي أستاذه غسق وش الموقف اللي قبل شوي
غسق ضحكت بسخرية وبهدوء: والله مب مني توترت وضعها دايم اوبن مايند مع عناد وحده ووش جاب هالقرد اليوم
ضحكت الجوري بقوة واردفت بسرعه: تخيلت شكل خالتي أنوار تسمعك وانتِ تذمين إنتاجها
غسق ضحكت بوهقة واردفت بتردد: امزح لا تشدينها
ضحكت الجوري من قلبها وطاحت عينها على ساعتها وبإنزعاج: جاء وقت نومي عاد اعتذر منكم بنات اشوفكم الفجر لا تنسون خلونا ننام وبكره نطب المسبح من الصبح
غسق بإبتسامه رقيقة: هالله هالله ماخذه دور مديرتنا ؟
ضحكت الجوري وبسرعه: انا ماقلت شيء ومشت للغرفة اخذ شاور ومجرد ما طلعت غطت بنومه عميقة
سُلاف كانت تسبح ومنبسطه وديانا ودينا معها ديالا ودجى اتجهوا لغسق وكانوا يتصلون على عناد يجيهم
اول ماجاء عناد كانوا ثلاثتهم بالصالة يسولفون ويتابعون Emily in Paris
دجى بحماس : عناد وش رأيك بما انه حن جايين ننبسط نسوي حفلة باربيكيو بس طبعا عليكم انتم العيال نب احنا البنات
عناد ضحك بقوة واردف بسرعة: لان ماجو المساعدات ماتبون تشتغلون؟
البنات بوهقة : افا عناد مب لهالدرجة رفلات
عناد بتساؤل: عساكم منبسطين؟
دجى بإبتسامه واسعه: جدا الله يسعدك عناد من زمان ما طلعنا كذا بدون قيود وكبار ورسميات اخيرا حن وحدنا
إبتسم عناد بإرتياح وبإبتسامه: ابشروا راح نصير كل شهر نطلع وبما ان الفاينل قرب راح نسافر قريبا ان شاءالله وحدنا بعد
ديالا بحماس: شكرا عناد ماتدري وش هالفعاليات تسعدنا مره ثانكس
إبتسم عناد براحه وبإستفسار: وينها جوري
دجى بإبتسامه جانبية: اظنها نايمه تبي انبهها لك؟
عناد بإرتياح: لا بقول لعبدالله انها نايمه ؛ وبتفكير : دام الجوري نايمه لان تحسس من روائح الباربيكيو ذي ممكن تضبط فكرتكم بس ما اودعكم استأذن منهم ورجع لقسم العيال..
نايف كان متملل وجالس يكتب مواصفات الرجال اللي أصابه ومواصفات راشد كان يكتب كل اللي يجي بباله جلس جمبه صهيب وبهدوء: بديت تتعقبهم؟
توسعت عيون نايف وبتوتر: وانت وش يدريك؟
تنهد صهيب وسكت لمدة ثواني وبهدوء: عندي جواسيس يتعقبونك ، ضرب كتفه بخفة وبحنية: شدعوه اعرفك ماكأن حن من زمان مع بعض غير كذا وقتنا كله بوجه بعض
إبتسم نايف بإرتياح وبسرعه: احد يدري غيرك؟
صهيب ناظره وجلس يتأمل السماء وكمل: ماحد يدري بس لو تخبي هالشيء الكل بيعرف من تصرفاتك المرتابه خصوصا عناد
تنهد نايف بإرتياح وأردف بهدوء: ماراح يصير الا كل خير ان شاء الله صح صهيب فيه وحده محامية مرت المكتبة يوم كنت في اجازه انت اللي سفت وش هي تبي او عناد او من؟
صهيب حاول يتذكر وبهدوء: اي اي عناد اللي شاف لها
إبتسم نايف واكتفى بالصمت ؛ لمحهم عناد وجاء قربهم وبإبتسامه جانبية: لا تقولون تحكون عن الشغل
ضحك نايف بوهقه وهز رأسه بالايجاب؛ صهيب ناظره بإشمئزاز وبسرعه: اجل وش تبينا نحكي مقابل وجه بعض اربع وعشرين ساعة وحتى بالويكند مقابل وجهي
إبتسم عناد وتنهد واردف بحب: عقبال ماياخذنا الحب منكم من غير شر
نايف رفع حواجبه وبفضول: ومنو اللي امها داعية عليها عشان تأخذك
ضحك صهيب وغمز لنايف واردف بطقطقة: يومها اسود ياروحي
عناد ضرب راسه وبحده: على اساس أهلكم داعين لهم نسيت ماضيك الاقشر استاذ صهيب انت وعقلك التنكه وانت نايف خلني ساكت لا اكب عفشك..
ضحك نايف بوهقه وطالع ساعته بهدوء وبسرعه: دقت ساعة النوم لدي اعتذر منكم سوف اخلد إلى النوم
عناد رغم انه معصب وشياطين الأرض بوجهه وادرف بحرص شديد: عشى دقايق ان شفت خلقتك بوجهي راح تطب المسبح من غير سابق إنذار
ضحك نايف ودخل للغرفة بأسرع ماعنده جلس يقلب في التيك والانستا قبل ينام نزل بوست انستا وكان حاط الكومنت " ‏ستظلّين ليلي وسأظل أسهرك ". وقفل الجوال ونام
عند العيال شوو وتعشوا وشغلوا مسلسل أجنبي
عبدالله بملل: وش هالرخص من جدكم تتابعون هالغثى ابفهم وين الرومانسية بالضبط!!
عمار وعيونه قلوب تنهد وبإبتسامه: وين حلالي بس
عناد وعبدالله لفوا لعمار وبإشمئزاز وبنفس الوقت: ناسيين روميو عندنا ياعيال احد بيتصرف؟
عمار ضحك بوهقة وصار وجهه أحمر وبسرعه: حلالي وش فيها ام عيالي؟
صهيب رمى دبة المويا عليه وبسرعه: اقول صحصح لا اتوطاك
ضحك عبدالله وغمز لصهيب وقفلوا الشاشة
صقر تنهد وبصراخ: صهيب متى توقف مبزرتك ما أعجبك المسلسل تفضل نام وكملوا هواشهم
_____
اما قسم البنات كانوا مجتمعين ويشوفون موفي رعب
سُلاف كانت ماسكه دموعها وبصوت متباكي: تكفون بنات اقفلوه خل تمضي هالليلة على خير
دجى ضمتها وتسمي عليها وبضحكة: ترا كلها مؤثرات ياماما وش فيك يا صياحه؟
ديانا كانت تدعي القوة وبصوت ثابت: افا سُلافي ماهقيتها منك
ديالا ضربت رأسها بخفه وبصوت يكاد ينسمع: لا تسوين جدة زمانها نقطة وتذوبين من الخوف اصه
دجى بحماس وبسرعه: تخيلوا تطفى الكهرب ويجي ورانا صوت ماندري لمين ويطلع هالمخيم مسكون
غسق توترت وبسرعه: انكتمي الله لا ياخذ العدو عاد جدتي انتِ اي شيء تقولينه يصير Shut up ماهي ثواني قليلة الا ويطفى الكهرب
غسق بنبره باكية: بقعاء الا نعم خير دجى تكفين يابومه قولي الكهرب بيطلع
سُلاف حست بشيء يتحرك على ايدها وصاحت بكل ما أوتيت من قوة
ديالا بسرعه: بسم الله وش فيه وش صار
سُلاف نقطة وتتوفى من الخوف: فيه شيء يمشي على ايدي
دجى كانت نقطة وتصيح بس كانت متماسكه: بنات خن نطلع الحديقة فيها ضوء اما هنا مافيه شيء ؛ اخذ جوالها وشغلت الكشاف وضربت ايدين بخفة وبوهقهة: ماغير الشاحن مو انبتر صوتها
غسق قفلت فمها بإيديها وبصوت مهزوز من كثر التوتر: ما نبي شيء ثاني خلونا نطلع الحديقة
،،،،
في قسم الرجال عمار وعناد سمعوا صوت الصراخ وراحوا ركض لقسم النساء عبالهم صاير شيء
اول ماطلع عمار الحديقة لمح زول غسق لف لعناد وبإبتسامه غبية : ماهو صاير شيء ؛ وكمل مشي لعندهم
عناد اول ماشاف البنات جالسين استوعب ان عمار واقف جمبه واردف بحده تامه: لا تفضل معهم انقلع لداخل شف وش صاير
عمار استوعب وتمنى الأرض تنشق وتبلعه وبنفس الوقت قام يدور الجوري وما لاقاها واردف من غير شعور: وين الجوري!!!