يَا إرتِوائي بعّد السنِين العِجاف

P15

.
.
ليت الشُعور يروح مثل ما راحو أحبابة .
.
.
ام عبدالعزيز ضحكت وبسرعه: اسفة يا بنيّتي كملي
الجوري بسخرية: اي الموضوع تافه عندكم بس شلون اداوم كذا يمه!!!
عناد كان مار على جناح الجوري دق الباب يستأذن الدخول واول مادخل أبتسم ابتسامه واسعة: شلونك جو.. صباح الخير يالغالية " باس رأس امه وضم الجوري وجلس جمبها: وش عندنا قالبين خلقتنا مع هالصبح؟
الجوري بهدوء: مافيه شيء
عناد ضرب جبهتها وبهدوء: تكفين ابتسمي لا يشوفك عزيز كذا صدقيني راح يحطها بعمار ابو راس مربع
جوري توسعت عيونها وضحكت وبسرعه: لو سمعك عمار صاح علينا
ام عبدالعزيز شبكت حواجبها وبهدوء: الا وليّدي وشفيكم يالمتنمرين
عناد شمق وبجدية: دامه الموضوع وصل لهنا اجل لازم نعرس ونترك المكان لعمار وغيره
جوري ابتسمت على عتاب عناد لأمه بهالطريقة وبسرعه: ماما نوره لازم نخطب له دام عزم
عناد توسعت عيونه ورمى الاير دروب عليها وبسرعه: يمه ما يصير نمزح وانتِ يالشيطانه مب واضح عليك كيدهم
جوري تنحنحت وبإبتسامه رقيقة: والله تقدر تقول انه الكيد موجود عند كل أنثى ؛ قطع حوارهم رنين جوال ام عبدالعزيز
ام عبدالعزيز ابتسمت وردت بترحيب: السلام عليكم والرحمة وين الناس ووين هالغيبة
ام اميره برحابة: عليكم السلام والرحمة هلا بالغالية والله مشاغل الدنيا ومن راح ابو اميره الله يرحمه ماعدنا مستقرين بالرياض نقلنا كم مكان وتونا قبل شهرين رجعنا
ام عبدالعزيز بإبتسامه واسعه: بين أهلكم وناسكم وش علومكم وش علوم اميره عساها خلصت دراسة؟
ام اميره بإبتسامه رقيقة: والله بخير جعلكم بخير والله حبيت اتصل واعزمك بكره انتِ وريمان
ام عبدالعزيز بإبتسامه: بإذن الله خير استودعتك الله
ام اميره بإبتسامه: الله يحميك بكره لقانا لا تنسين
ام عبدالعزيز ابتسمت بعد ما قفلت وبرحابة : الله يحمي هالانسانة صدق ما جابت الدنيا منها اثنين
بهالوقت عناد كان يبتسم وصحى على حالة وبتوتر:استأذنكم..
ام عبدالعزيز ناظرت جوري بعدم مبالاه وبهدوء: وش فيه لا يكون طق فيه عرق الغباء
جوري ضحكت وبسرعه: طلع عمار مب مبتعد
ام عبدالعزيز ضحكت بسخرية وبهدوء: مره يضحك اجهزي وذا لا تقولين كذا عن عمار
جوري غمزت لها وبسرعة: يمه بيني وبينك بتخطبين له؟
ام عبدالعزيز ابتسمت برقة ووقف بإعتدال: راح يوضح كل شيء اليوم ما انسى جوجو بنّيتي اي حركة من إيلاف اليوم لا تبالين لها اوك؟
جوري وقفت وضمتها وبإمتنان: لا تخافين يمه دامك انتِ وانواري موجودين ماعلي خلاف
ام عبدالعزيز شدت عليها وباست رأسها وبحنية: بعد روحي يلا خل اشوف ابو عزيز
جوري ابتعدت عنها ووقفت تسوي شعرها وبتأفف: وانتِ حضرتك ليه مو راضيه تكونين مع اخواتك وتهجدين لازم تطيرين؟
عبدالله ضحك بصدمه وبذهول: تكفين جوري صاحية انتِ تكلمين شعرك؟
جوري أحمر وجهها من الخجل: وانت ليه ما تطق الباب قبل تدخل عيب يا بابا الدفاشة هذي مب لنا كبنات
عبدالله جلس وبجدية: جوري بسألك فاضية اليوم بعد ما يطلعوا اعمامي  عيالهم
جوري تركت فرشة الشعر وابتسمت برضى لشكلها ووقفت مقابله له ومسكت ايدينه وابتسمت برقة: عبيد انت تامر امر لو تبي الحين ولو تبي باي وقت تدري انك مب اخوي بس انت امي واختي وابوي وصديقي اللي ماراح اكون صديقة لغيره الا لشخص واحد
عمار رفع حواجبه وبغضب: اوه مالكم اخ يعني ولا صح انتم لاقيني عند بابب المسجد؟
جوري وعبدالله ضموه وبهدوء: انت روحنا مب بس اخونا ؛ جوري بإبتسامه رقيقة يخالطها حنية: انت صديقي الثاني والأخير انتم قطعة من روحي والله اني ما اشوفكم اخوان فقط
عبدالله بإمتنان باس رأسها بحنية: الله يقدرني واكون قد الامانه
جوري بفضول : وش هالامانه؟
عبدالله ابتعد عنهم وضرب جبهتها بخفه وبسرعه: يامجنونه شوفي كم صارت الساعة شكلي بلقم تأخير وانتِ بعد
جوري لبست عباتها بسرعه وحطت الشيلة على رأسها وبسرعه: والله ماتروح كشختي على الفاضي وانا بنت عزيز
ابتسم عمار وبسرعه: جوري لا تنسين ادعي لي
جوري باست كتفه وطلعت ركض وراء عبدالله ؛ في هالاثناء كان نايف ينتظر عناد بالحديقة وهو لابس لبس الدوام
نايف، كنت انتظر عناد واضح انه مبطي وش حادني انتظره تأففت ولكن وقفت بإعتدال اول ماشفت المخلوق اللطيف اللي يتوقف عقلي بس ينجاب طارية تنهدت وابتسمت لعبدالله واردفت: صباح الرضى
عبدالله وقف يناظره وتجمعت الدموع بعينه وبهدوء: عساه أخر الاوجاع يارب ،وضمه له..
نايف بادله ضمته وكان يناظرها اللي ماهي حولهم اصلا وابعد عنه وبإمتنان: يابعد راسي مايجيك يارب امين
عبدالله بحذر وبصوت شبه مسموع: اليوم لقائي مع ولد راشد راح نشوف يعرف رجال بمواصفات هذاك الرجال أو شيء
نايف بجدية شد على كفة وبحرص : ياخوك مالها داعي خل هالشيء علينا كل ماله يرتكب حماقات تقربنا له ..
عبدالله بإهتمام: اهم شيء انتم انتبهوا لكم الباقي ربنا يسهله ، وبسرعه: العصر لقانا قريب
نايف ابتسم بهدوء وبحرص: ودعتكم الله ..
عبدالله اتجه لها وبصوت عالي: آنسة مرايا ماودك تداومين جازت لك الحياة بالغيابات
جوري بتفكير وبرقة : صدقت اجل وش رأيك نمر انواري انت رح لدوامك وانا واياها نطلع نتسوق وكذا..
عبدالله بملل وبصوت عالي: نايف وش رأيك تأخذ آنسه مرايا وتعطيها امي أنوار تسكنها عندكم
نايف توسعت عيونه وحس بحراره وبعدم تصديق: عبدالله واعي وش تقول انت!!
جوري ضربت عبدالله بالجوال وبغضب: انقلع وصلني المدرسة وبعدين سلعة عندك انا تعرضني للخلق
عناد من وراهم وبضحكة: وش فيه آنسة ملعقة راح يعطيك لمين ؟
عبدالله بقلة صبر: لا دقو حنك وانا طالع اخذ شنطة الجوري ورماها على عناد نفس ماهي اختي هي بمقام بنتك تأخرت والله
عناد توسعت عيونه ورمش بعدم تصديق : حن مب متضايقين يلا الله يستر عليك سيو
جوري رمقت عبدالله بغضب وبحده: طيب سيد ملاحظات أوريك بإذن الله اوهقك بهذاك الموضوع
عبدالله توسعت عيونه وبهدوء: اوكِ آنسه مرايا لا رجعت تفاهمنا آنسة نشبه ازعجتني تكفين... قرب لعناد وهمس له : تكفى يا أستاذ بطيخ خذ لها ماتشا هي وانسة مرايا اثنين
عناد شبك حواجبه بعدم فهم وبهدوء: لا تخاف عندي، مسك كف جوري واسند رأسه على رأسها وبهدوء: طلتي ماشاءالله
جوري ابتسمت: الله يسعدك ياخي شكرا والله انها اطلع من كلمة احبك
عناد ابتسم بحنية وناظر نايف وبهدوء : هات الطاره استاذ نايف..
نايف أعطاه المفتاح وابتسم له بإمتنان: حاس ماودي اسوق ؟
عناد ابتسم وناظر لجوري وبهدوء: جوجو سُلاف و دينا وانتِ كلكم ماتشا؟
جوري بحماس متناسية وجود نايف : دودي نسيت صديقة سلاف ودك انها تذبحني يعني؟ ، ميلت فمها بخجل ورجعت مكانها
ابتسم نايف لتصرفاتها وتنحنح وبهدوء: وانا الصراحة مالي تواجد هنا شكلي شجرة
ضحك عناد وبسرعه: انت الكل بالكل شلون تنسى؟ اكيد V60
نايف ارسل له بوسه وبسرعه: اموت على اللي يفهمني ياشيخ
جوري بقرف: يععع
عناد شبك حواجبه ولف لها: نعم آنسه ملعقة تبين اسطرك
نايف بحده: تخسي وبعدين ضحك بوهقه
جوري ناظرت عناد وبهدوء: ماقلت شيء انا المهم يلا عناد بتأخر
______
سُلاف اول مادخلت المدرسه شافت الجازي وابتسمت ابتسامة واسعه: هلا بالخوي اللي مايخلي خوية
الجازي ضمتها وبهدوء: أعجبك لا تخافين
دينا من وراهم : اي اي انا شجرة عندكم مالي وجود
ضمتها الجازي وبإبتسامه: انتِ بخلقتي كل يوم والخميس والجمعة عاد فل تايم مقابل وجهي يعني ما احس اني اشتاق لك
دينا مسكت خصرها وايدها الثانية على فمها وبصدمة: والله ما كنت ادري مزعجينك لهالدرجة عاد!!
الجازي وسُلاف ضحكوا من قلب ، سُلاف: ماكأنها الجوري ابطت ؟
دينا ضربت جبهتها بخفه واردفت: ياعيني على هالشيء ترحموا علي لولي اذا ذبحتني احرقي جوالي وملابسي تبرعي فيهم
سُلاف رمت القلم عليها وبحده: اقضبي الشر وش له هالطاري ياثور ؟
دينا لبست شيلتها وبسرعه: بيجيبها عناد بس جايبه ماتشا لنا وتبي اساعدها تعرفين آنسة ملعقة الشخصنة تو ماتش عندها
سُلاف بسرعه: يالله روحي تكفين لا تشخصنها على الاقلام والاحرف اليوم
الجازي ضحكت وبهدوء: ياخي حرام عليكم والله انها لطيفة ...
سُلاف بهدوء: وراك ماشفتي اللي نشوفه ؛ لفت بحماس وبسرعه: وش رأيك اكلم خالتي ضوى اقول لها تجين معنا اليوم؟
الجازي بحماس: تخيلي توافق عاد جوييي
الجوري بحماس: سُلاافففففيييي وحشتيني يالدب؟ ، تعبانه هالاسبوع ولا اشوفك
سُلاف ضمتها وبلهفة: تدرين هالاسبوع وش عندي ياروح اختك ولا مستحيل اسحب كذا
الجوري بزعل: اي مره بصدق
سُلاف دمعت عيونها وبحزن: كله بسبب الزق اللي اسمه تحصيلي
الجوري ضحكت وجلست مقابلتها وبحنية: احب الرقيقين واحب سواياهم مسحت دموعها وجلست تنظف آثار الماسكرا وبحنية: هالعسليات مايلوق الحزن عليهم والله لو بإيديني ان اعطيك رضى هالكون
دينا بإبتسامه رقيقة: يابعد هالكون كلها كم شهر وتخلصين على خير تذكري حلمك بتكونين اول المقبولين فيه
الجازي بإبتسامه رقيقة: لالا انتم ناوين تخلصون الدموع من الصبح؟
جوري قامت لها وضمتها وبهدوء:وشلون نخلصهم وانتِ عندنا حاصل لنا يعني؟؟؟
دق الجرس يعلن بداية يومهم الدراسي توجهوا على صفوفهم بهدوء...
____
بمكتب اميره دخلت امرأه في منتصف عمرها تصيح وتبي اميره ...
شادن سكرتيرة اميره: استاده اميره فيه وحده تبيك
اميره شبكت حواجبها ببعضهم: بس شادن ماعندي موعد لبعد ساعتين؟
شادن بتوتر: والله ادري بس شكلها مريب ومنهاره
اميره تركت الأوراق اللي بإيديها وبتعجب: دخليها
سناء اول مادخلت بصوت متقطع: تكفي...ن انا ماع...ندي احد يساعدني غيرك
اميره جلست مقابلها وكانت تحاول تهديها: اهدي اشربي ماي وراح اسمعك بس اهدي الله يرضى عليك..
سناء بصوت متقطع: قامت تحكي مشكلتها نتركهم "راح نعرف وش سالفتها مع البارتات الجاية" ... بعد ساعتين
اميره خلصت أخر عميل عندها اخذت كوب قهوتها وراح لرغد .. اميره بحزن: يوه رغد ماتوقعت توصل هالمواصيل في هالادمي
رغد شدت كتفها وجلست جمبها : اهخ اميره تدرين الأرض دايم ما تتحمل الناس الطيبة وتاخذهم بدري عكس الناس المنافقة
اميره مسحت دموعها وبإبتسامه زائفة : تدرين شيهانتي راح تذبحني صدقيني ، باستها في الهواء وأخذت شنطتها وطلعت..بعد نصف ساعة وصلت البيت اول مادخلت شيهانه: كنتي نامي بالمكتب متأخره نصف ساعة
اميره بإبتسامه باست خدها واول مادخلت رمت نفسها على الاريكه وبتعب: اخيرا انتهى هالاسبوع
ام اميره جلست جمبها وكانت تلعب بشعرها وبحنية: ليه بكيتي؟
اميره بإبتسامه رقيقة يخالطها دموع: وانتِ شلون ما تخفى عليك هالدموع؟
ام اميره باستها بين عيونها وبهدوء: انتِ صديقتي وامي وعيوني شلون ما الاحظ؟