يَا إرتِوائي بعّد السنِين العِجاف

P14

.
.
إنتِ المُنَى والأمَانِي
‏وإنتِ أحلَى الأغَانِي..
.
.
___
اول ما صار هدوء عند عناد بدأ يتذكر ملامحها وصوتها ورقتها إبتسم ابتسامة واسعه وخلص طلع وبدأ يدندن انفتح الباب بسرعه وتصنم مكانه
عمار أحمر وجهه واردف بخجل: وانت ورا ما تستحي البس زين
عناد خزه وكمل تجفيف شعره وبعدم مبالاه: وانت ورا ماتدق الباب نفس خلق الله وتستأذن تدخل غرفة اي أحد!
عمار ضحك بوهقه ورمى عليه عطر ديور سوفاج كان اقرب عطر لعمار وبعدم مبالاه: وش ورانا ندندن الظهرية وغمز له
عناد تصنم مكانه وشبك حواجبه بغضب وبحده: انت شايف وش كسرت؟
عمار طالع للعطر وضحك بخفة: ترا كلها عطر ياغبي
عناد قام يستغفر ورمى المجفف من ايديه وناظر للعطر بقهر وبغضب : أقسم بالله ان اخلص اعد وانت باقي واقف قدامي الله اللي خلقك وانا اللي باخذك
عمار اردف بسرعه: نايف يبيك تحت ، وقفل الباب بسرعه ونزل لنايف ..
عناد بدل ملابسه وراح لجناح الجوري استأذن الدخول وابتسم بخفه وبحنية: هلا بأمي وشلونك؟
الجوري بإبتسامه هادية: الحمدلله شلونك انت
عناد بنفس الإبتسامه وبحماس: والله زانت أوضاعي دام صرتم قريبين لنا ؛ تذكر الموقف اللي قبل شوي وكشر وبسرعه: بس لو انكم بدون عمار الهطف كان ازين
الجوري ضحكت وبسرعه: وش العيد اللي بدع فيه لحين؟
عناد تنهد بقل صبر وبسرعه: هذا وهو دارس هندسه وغبائه تخطى الكره الارضيه وشلون لو انه دارس عربي
جوري صارت تدمع من الضحك وبنفس متقطع: تكفى عناد بس أعوذ بالله من ذباتك هههههههههههههههه
عناد بضحكه: خلاص ابشري وتجهز عشان صرتم جزء لا يتجزأ من بيتنا ويمكن تكثر هواشتنا وما نصير نمون على بعض ؛ غمز وكمل بضحكة: خلينا نطلع كوفي وناخذ عطر لي بدل اللي كسره الهطف
جوري بحماس وبسرعه : لحظه لحظه قبل تطلع من اللي ماخذ عقلك؟ شايفتك متغير من كم يوم عسى ماشر
ابتسم عناد من قلبه وعفس شعرها وبحنية: موضوع مايخصك الأهم العصر وانتِ جاهزه سيو
إبتسمت الجوري إبتسامه واسعه وقامت تخلص ترتيب ملابسها واغراضها" الجوري وعبدالله وعمار كل منهم عنده جناح مسبق التجهيز من بداية وفاة امهم ولكن ماكانوا مستقرين فيها"..
.
.
__
في المستشفى عند عبدالله وعزام ..
تنهد عبدالله واسند رأسه وبهدوء : وش اقول لك عزام او وشو اخبي؟ كيف اشرح لك باختصار مادري
عزام بهدوء شد على كفه وبحنية: عادي احكي اللي يجي ببالك انت مب ملزوم تبرر او تشرح قل اللي يجي في بالك اهم شيء لا تسكت ولا تكتم
عبدالله تنهد بعمق واردف: حن نقلنا لبيت ابوي عزام صح مافيها شيء وابوي خلاص قرر هالشيء بسبب نفسية الجوري وبسبب انشغالي انا واياه بس مادري شلون نترك البيت اللي قضينا فيه فتره طفولتنا شلون نترك طيفها ؟ شلون نتخلى عن ذكرياتها هالشعور صعب صعب جدا والله بعد هالمده وفجأه كذا
عزام تنهد بعمق وشد على كتفه وبحينة: مادري ايش اقول لك بس كان مصيركم تتركونه انت شايف وجه عمي عزيز؟ شايف كيف هالاته واصله لركبة او حتى هواجيسه اللي ماتنتهي؟ واضح على وجهه وعادي انتم تغيرون جو وتعطون أنفسكم فرصه تخيلوا لو انكم ناقلين ديره ثانية ادري كلامي قاسي على قلبك بس ماعليه..
عبدالله تنهد بعمق وابتسم لكلامه: صح قاسي بس ما يمت للخيال مثقال ذرة صلة واقعي مليون بالمئة
ابتسم عزام رغم احساسة بالذنب وقسوة كلامة وضرب كتفه وبسرعه: يلا مشينا عاد غداك اليوم علي وش قلت ؟
ابتسم عبدالله بخبث وبحماس: بس على ذوقي ؟
عزام عفس وجهه وبإنصياع لعبدالله: عاد امرنا لله وش نسوي كله عشان نرضي وحامك هههههههههههههههه
عبدالله توسعت عيونه وضربه على راسه بكل ما أعطاه الله قوة: ارفع علومك قال وحام باي شهر وانا مادري
عزام ضحك بألم وغمز له: انت ادرى
كملو محارش بينهم وبدلوا واتجهوا يدورون لهم مطعم
_____
بمكان جديد ولأول مره ممكن نزوره
ام اميره"شيهانه" كانت واقفة بقلق عند الباب تنتظر اميره اخذت جوالها واتصلت عليها
أميره شافت اسم المتصل وردت بحنية: هلا امي هلا ياشمس ايامي
ام اميره بتوتر: وينك يا أمي؟ ليه ما رجعتي إلى الان؟
اميره بإبتسامه واسعه: لحين يامامي جايه تبين نطلع؟
ام اميره بهدوء: لا يمه تعالي خن نرتاح في البيت توك قبل كم يوم طالعه من المستشفى..
اميره ابتسمت وبرقة: تمام يمه دقيقتين واكون عند الباب
ام اميره قفلت منها وظلت واقفة اول مادخلت اميره ضمتها وبهدوء: مو على اساس نخلص الساعه 3 والساعة 4 تكونين بالبيت ياماما؟ ليه التأخير ياروح امك؟
ابتسمت اميره وشدت عليها وبحنية: والله يمه اجلت كم موعد استشاره للساعة وحده وشوي لان طلعت لمركز الشرطه
ام اميره توسعت عيونها بقلق وبسرعة: ليه يمه عسى ماشر؟
ابتسمت اميره وابتعدت عن حضنها ومسكت كتفها ومشوا متوجهين للداخل وبإسترسال حكت لها كل اللي صاير من قبل كم يوم
ام اميره توسعت عيونها وبقلق: والحين كيف صاير ولد عزام ؟
اميره بعدم مبالاه: والله مادري يمه بس العميد اللي قابلته اليوم يقرب لهم واكيد مافيه شيء لان كان متجاوب معي ومسترسل بالحكي يعني بخير بإذن الله بس ليه يمه شايله همهم؟
ام اميره بهدوء: والله خالتك ام عزيز اذا باقي تتذكرينها هم أولادها
اميره توسعت عيونها بصدمه وبذهول: ولا مريناها يوم كانوا بالمستشفى فشيلة يمه اتصلي عليها تعذري منها وقولي لها راح نمرها بكره العصر ان شاءالله راح اضبط جدولي ؛ قامت باست راس امها وبحنية: يمه بروح اخذ شاور خلي سناء تجهز الغداء، توجهت لغرفتها وخذت شاور ومر باقي يومهم بهدوء وسلام..
___
في بيت عبدالإله تحديدا في الصالة
إيلاف كانت تقلب في السناب وشافت سناب عزام ارتفعت حواجبها واتصلت عليه بقلة صبر
عزام تنهد اول ماشاف اتصالها ابتسم لعبدالله واستأذنه يرد على الإتصال اول مارد
إيلاف بقلة صبر: كم مره قلت لك لا تطلع معه أو حتى تأخذ وتعطي معه!!
عزام بهدوء: والله يمه شفته ضايق وقلت له يلا اطلع معي يعني هو ماله شغل انا اللي لزمت عليه يطلع معي
إيلاف ضحكت بسخرية واردفت بكلام قاسي جدا: يا اما ترجع والان او لا تجي البيت ما اعطته مجال للرد وقفلت بوجهه
تنهد عزام بثقل وتوجه لعبدالله يتجبر الابتسامة
عبدالله اول ماشاف وجهه عرف انه امه اتصلت تهاوشه وماحب يكون عزام المعتذر هالمرة اول ماجلس شاف جواله وابتسم واردف بحياء: اعذرني عزام بتوجه لبيت امي نوره
ابتسم عزام براحة وقام له ضمه وبهدوء: مالك اخ واحد حن كلنا تحت امرك انا والشباب تأكد انكم مب بس عيال عم
ابتسم عبدالله وتنهد براحه وبإمتنان: الله لا يخليني يلا قبل اتأخر
عزام هز رأسه وودعه ...
مر باقي الاسبوع براحه تامه على أبطالنا يوم الجمعة تحديدا ببيت الجد ...
صحيت وانت احس براحه عظيمه من زمان عنها كان الوقت متأخر جدا خذيت لحافي الصغير ورحت للشرفة بعد ما سويت لي قهوة والحمد لله اني فكرت اسوي كونكر قهوة في جناحي عشان ما ازعج احد قفلت الإضاءة كاملة واستمتعت بمنظر النجوم بالراحه...
بجناح عناد صحى على ازعاجات نايف له اخذ جوالة ورد بغضب: هو ما انا ما اصدق يجي الخميس عشان ارتاح من دوامي تجلس لي انت واتصالاتك ارحمني
نايف ضحك من قلبه وبسرعة: قلت لك انقلع تزوج ماتبي شسوي لك ماراح يفكني منك الا زوجتك
عناد بغضب: خبر يا نشبة وشعندك؟
نايف ابتسم وبصوت راكز يملاة السعاده: قررت قرار كان ودي اتخذه بعد موضوع راشد اللي ما يتسمى بس احس ليه انتظر راشد
عناد توسعت عيونه وابتسم بحماس: وينك ؟
نايف ضحك وبنفس الحماس : انا تحت انتظرك او ادخل بس شوف لي طريق
عناد لبس التيشيرت وغسل وجهه على السريع ونزل بخفة يفتح الباب له: هلا بالغالي مابغيت
نايف بإبتسامه واسعه وبسرعه: انكتم لا تفضحنا ونزعج الامه خن نطلع بالأول
طلعوا غرفة عناد ودخل عناد يتسبح لأجل صلاة الفجر كان شوي ويأذن.. بهالوقت نايف كان يقلب بدفتر عناد لان عناد يحب يكتب مشاعره شد انتباهه تاريخ إصابته وكان كاتب غزل أبتسم وطلع متوجه للمطبخ يدور شيء ياكله
بنفس الوقت الجوري كانت في المطبخ  كانت تسوي بان كيك وتدندن وبأذنها السماعة على اخر صوت والإضاءة خافته مره
نايف كان يطقطق على جواله ويفر الانستا فجأه اصطدم بشيء وطلع صوت خاف وقام يسمي مليون مره
الجوري بألم: عبدالله ياغبي ماتشوف قدامك اثول والله العظيم أعمى صدق
نايف كتم ضحكته وتنحنح: المعذرة ما انتبهت ان فيه احد
الجوري تصنمت مكانها وتوسعت عيونها وجلست تناظر فيه
نايف كان يناظر لعيونها وكيف وجهها خفيف وعى على حاله بسبب ازعاج دقات قلبه سحب حاله وطلع للمجلس الخارجي يتذكر ملامحها ويبتسم
عناد دخل المطبخ عند الجوري وبإبتسامه رقيقة: صباح الخير يبه علامك صاحية هالوقت؟
الجوري بإبتسامه عكس التوتر اللي تملى قلبها: صحينا بدري ؛ وبدلع : عنادي اسوي بان كيك تاكل؟
عناد ابتسم وبحنية: ياقلب عناد انتِ والله مب جوعان بس بشوف لنايف ؛ ضرب جبهته وبتذكر: خل الاقيه اذا ما مشى لان ابطيت وانا اتسبح..
الجوري هزت رأسها بالايجاب وشغلت قرآن لان مابقى شيء على الفجر وخلصت البان كيك وحطت لهم منه ورقت تسوي V60 وحطت لهم وطلعت تروق بغرفتها
بهالوقت عناد نفس ما توقع انه يلاقي نايف في المجلس الخارجي فتح الباب واردف بحماس: اي اخ نايف وش وضع قرارك؟
نايف ضحك خوف وتوتر واردف: الواحد يسلم لا إله إلا الله
عناد ضحك وضرب كتفه بقوة: تمرجل..
نايف توسعت عيونه للاخير : ما شاء الله شايف رخمه قدامك ولا وشو الله يقلع اللي يبي يحكي لك ولا يخبي عنك شيء..
عناد حس انه جرحه وبوهقه: يارجال ما ينمزح معك ولا وشو!!
نايف بإبتسامه جانبية وبسرعة مباغته: من اللي عيونها أجمل من عيون الغزال وودك انها حلالك
عناد توسعت عيونه وصار يكح بسرعه وبغضب: ليه تشوف وتدور وراي والله لو انك ابوي ماتسوي كذا!!
نايف بإبتسامه جانبية: كب اللي ببطنك لا تلف وتدور
عناد ابتسم ابتسامه يخالطها غضب وبتردد: هي محامية هذا اللي اعرفه عنها و بنت خوي ابوي وايش بعد مادري
نايف ضحك وضرب رأسه: طايح وماحد مسمي عليك وبعدين تعال تعال انا طايح وانت فاضي تحب اللي يجي قدامك ياقليل الخاتمه؟
عناد ضرب جبهته بخفة وبسرعه: لحظه لحظه قبل نتعمق بالهرج بسرعه ودك ببان كيك ؟
نايف بإبتسامه جانبية اردف: والله انه فيه ما نقول لا
عناد ضحك بقوة واردف: ايه مايبان عليك تاكل الأخضر واليابس ولا يبان تقول بريعصي
نايف ضحك وبتهديد: اوريك شغلك يالدايناصور
تركه عناد وشاف البان كيك مع القهوة خذاها ورجع لنايف
نايف بإبتسامه اول ماشافه : وش هالسناعة عناد انت مسويه لا مب معقول ما يطلع منك
عناد خزه بنص عين: الله يرضى على جوجو
نايف بنص ابتسامه ومع نظرات اللي وده يحرقه : ماشاءالله ولا تهون
عناد ضحك بقوة وبسرعة وضرب كتفه: اقول لا تسوي فيها الحبيب
نايف تنهد بعمق واردف بتردد: ودي اقول لك بس
عناد عدل جلسته وبجدية: عارف انك تبيها بس وشو؟
نايف عدل جلسته وبحرص شبك يدينه ببعضهم:بس فارق العمر؟ رأي عمي عزيز رأي ابوي عزام رأي صاحبة الشان نفسها غير اني بعدني ماقلت لامي وابوي نفسهم...
تنهد عناد وضرب كتفه بخفة وبحنية: انت استخير ودامك تشوف وضع الضفدع ذا مطول وماتبي تعطي مجال لغيرك خذ رأي عبدالرحمن بالأول او اقول لك شف لعزيز دامه ابوها وان كان مافيه شيء راح يبلغك ماراح يخليك بحيرتك وبعدها ان اتفقتم بلغني.. ابتسم ابتسامه واسعة وغمز له: نعطيها قيم قبل الدوام؟
نايف بحماس وبسرعه : حي عينك ما اقول لا يلا
____
بعد ثلاث ساعات كانت الجوري تجهز حالها للدوام وبغضب : شيهانه
شيهانه جات لها وبهدوء: تفضلي ؟
الجوري بغضب: شوفي بالله هذا منظر !! هذي بلوزة بيضاء ولا وشو!!شلون بداوم فيها قدام الخلق من اللي حايسها
ام عبدالعزيز دخلت وبإبتسامه رقيقة: وش فيها بنيّتي !
الجوري تكه وتصيح جلست على السرير وبغضب: ماراح اداوم
ام عبدالعزيز ابتسمت ابتسامه جانبية وغمزت لشيهانه "بمعنى خليها علي "ربتت على شعرها وبحنية: وش فيك يمه؟
الجوري تنهدت وهزت رأسها بمعنى مافيني شيء وبنبره مهزوزه: يمه والله مافيه شيء بس الاغبياء هذول كابين على بلوزة الدوام مادري وشو تغير لونها . .
#يَا_إرتِوائي_بعّد_السنِين_العِجاف
اللي حابين يعرفون موعد النشر والأشياء اللي تخص الرواية تعالوا على الانستا @rwaih00 شكرا لكم💗💗💗