يَا إرتِوائي بعّد السنِين العِجاف

P18

.
.
كلما حضر القرآن في يومك كلما زادت بركة وقتك🤎🤎.
.
.
تقديرا لجهودي تفاعلوا🤎🤎.
.
.
‏عدِيمةصبر بس انتَظرتك كثير.
.
.
عناد استوعب موقفة وصار يركض داخل يدور معه
عمار فك الكشاف وبرجاء: يارب مايكون فيها شيء مب من عادتها تسمع صوت صراخ وتظل نايمه
عناد كان جدا متوتر وبنفس الوقت شال هم البنات انه ماعليهم غطاء واحتمال اي أحد يطلع شال اللحاف اللي كانت عن الصوفة واعطاهم ياه لأجل يغطون حالهم فيه ورجع لقسم العيال لأجل يشوفون عداد الكهرب ورجع لعمار .. اما عمار دخل الغرفة وشافها متلحفة ومنزعجه من الحر قام يلمس وجهها لجل يشوف الحرارة ابتسم بإرتياح باس جبينها وطلع ..
اما عناد اول ماطلع شد على كتفه وبهدوء: ادري انك خايف ومتوتر حاليا بس مافيها الا العافية ومن شدة التعب نامت من الصبح على قدم وساق من المدرسه للجمعة إلى هنا ومن الفجر صاحية أهدا وانا ابوك
عمار ضمه وتنهد وابعد عنه: مادري عناد خفت المهم ما ابطي عليهم خل يدخلون دام الكهرب مع العيال وانا بشوف لها معهم..
عبدالله شبك حواجبه ببعضهم وبتفكير: هو انفجر يعني؟
صقر بتفكير : لالا بسيطه ياعيال المهم خن نكلم الحارس احد عنده رقمه؟
عقيق بهدوء: انتظروا دقايق ؛ لف على صهيب وبهدوء: العده معك؟
صهيب هز رأسه بالايجاب وبعد تفكير: لحظه المفتاح داخل
تنهد عقيق من برودة وبسرعه: خلك معهم اخاف لا رحت تجيبه انتظر عشرين سنه ضوئية المهم وينه؟
صهيب خزه وبحدة : شفه مكان ما كنت واقف
دخل عقيق يجيبه و وقت جاء بيدخل صار يسمع أصوات همس وبنفس الوقت ماكان فيه احد موجود صار يسمي بداخله والخوف ممتلكه ،، عناد بعد ما تطمن على البنات كان يمشي بإتجاه العيال بس عقيق ماكان منتبه له ..
عناد بهدوء: عقيق؟،، عقيق صار وصار يسمي وتعوذ
ضحك عناد بكل ما أعطاه الله قوة وبنفس الوقت نسى توتره وبنفس متقطع من الضحك: ههه.شفي..ك هههه
عقيق خزه وبحده: الشخص يتنحنح يطلع صوت وهو يمشي ترا ادمي انت مب شبح
عناد مسك بطنه من كثر الضحك وبهدوء: لا فيكم شيء اليوم كلكم مب صاحين على وين
عقيق ضرب جبهته ودخل بسرعه يجيب المفتاح وطلع متوجه للسياره ، اما عناد رفع ايدينه بمعنى مادري وين عقله وتوجه للعيال.. رجع عقيق ومعه العده وبدأ يسوي السلك المخترب بمساعدة الحارس وبعد نصف ساعة انحلت المشكلة ..
عند البنات اول ما اشتغلت الكهرب دخلوا الغرف وناموا والعيال نفس الشيء... بكذا انتهى يومهم اللطيف..
____
بفيلا ابو نايف"عبدالرحمن"
كانت أنوار تقلب في الإنستا وتشرب شاي اللافندر بالصالة ..
جلس عبدالرحمن مقابلها شبك ايدينه بتوتر شديد وبحنية: إلى متى راح يظل وضعنا كذا؟
عدلت جلستها أنوار وقفلت جوالها وبجدية: مارح يكون له نهاية يا ابو نايف دامك راضي بالوضع ذا
تنهد ابو نايف وبعد صراع شديد بين قلبه وعقله قام جلس جمبها وحط كفوفها بين كفوفه وبندم شديد: أتمنى ما تقاطعيني وتسمعين للاخير
تنهدت أنوار بعمق وبهدوء: انا متى قاطعتك؟ متى ما استمعت لك وخليتك تنهي كلامك!!
عبدالرحمن كانت كلماتها تجرحه وتواسيه كان عزاءه ليه ماقدر هالشيء من البداية وبهدوء: انتِ انسية الليالي ورفيقة جروحي كيف تقارنين نفسك بشيء مضى وانتهى!!! أنوار؛ عدل جلسته وطاحت عيونه بعيونها وبهيام: انا اتضايق ايام واهوجس ايام بس صدقيني مالها مكان لا بقلبي ولا بعقلي ؛ شد على كفها وبهيام: شلون راح اقدر اعيش اذا انطفت أنوار ايامي!! ، شلون راح اقدر اساند نفسي اذا طحت بيوم وانتِ مب حولي اساسا!!! أنوار انتِ كنتِ ولا زلتِ خير رفيقة صاحبة عمري ومكملتي وحتى انتِ العوض عن اللي صار لي صدقيني لو بندم على شيء راح اندم انك ماكنتِ حبي الاول صح حبي الابدي النظيف بس تأكدي انتِ حبي الدائم إلى الأبد
أنوار نزلت دموعها وبحيرة: بس تصرفاتك!! عكس مشاعرك اللي الان تقولها لي؟
عبدالرحمن تنهد بعمق ومسح دموعها بحنية وبرقه باس عيونها وبهدوء: انتِ يدور بعقلك مليون سؤال وسؤال بس تأكدي انتِ الوحيدة من اخذتك والى اليوم اللي امتلكتي قلبي وعقلي وحتى أفكاري ابعدي كل مجال الشك اللي تدق باب قلبك وتزيد قلقك وخوفك هي اختفت قبل بدايتنا ولا عمر خيالها راح يقع على حياتنا انتِ الحقيقة الوحيده في حياتي
أنوار شالت ايديها من ايدينه بهدوء وصار تلعب باظافرها وبتوتر: ولو رجعت بيوم من الايام؟
ابتسم عبدالرحمن براحه وسحبها لحضنه واردف بحنية:لو ترجع مليون مره ومره ماعاد لها مكان بحياتي تأكدي
إبتسمت أنوار بحياء وابعدت عنه وبإمتنان: ماودك تنام بكره جمعة؟
عبدالرحمن باس رأسها وبحنية: كانك تبيني انام نامي معي
ابتسمت أنوار وتوجهوا لغرفتهم ... نتركهم
_____
بفيلا ابو عبدالعزيز تحديدا بجناح عبدالعزيز
كان ماسك رأسه بألم توجه لدولاب الأدوية وصار يدور على البنادول اول مالقاه تنفس براحه اخذ اثنين وتوجه لسريره يقرأ كتاب لو أننا لم نفترق كان يتخيل محبوبته قدامه وهو يقرأ لها متحمس كما لو أنها ما ابتعدت لحظة من فدقباله مع كل حرف يقرأه كان يتنهد بعمق قفل الكتاب وتوجه يتوضأ لجل الوتر ... بهالأثناء كانت الساعة 2 الفجر صحت الجوري بحماس وشعور جدا جميل دخلت أخذت شاور وبعدها توجهت للمسبح كام منظر النجوم يعكس على المسبح بشكل يأسر القلب أخذت جوالها وشافت الساعة واتصلت بأبوها
كان عبدالعزيز تو يطلع من دورة المياة " الله يكرمكم" ويستعد للوتر شاف اتصالها وابتسم ورد بسرعة وبلهفه: هلا بضي ابوها هلا بعيونه وقلبه
إبتسمت الجوري برضى من تواجد ابوها وبإبتسامه: اي والله ياحبي لك يبه طمني عنك عساك بخير؟ ووش مصحيك هالوقت يبه؟
تنهد عبدالعزيز بعمق وبهدوء: ابد يبه كنت استعد للوتر ابي اصلي بس دامك اتصلتي خليك معي لين ادخل المسجد
جوري ابتسمت وبحنية: خلاص انفداك لا وصلت ارسل طمني وخلك وانت تمشي للمسجد تستغفر وتجمع حسنات لانها طارت كلها مع عمار وعبيد
عبد العزيز ضحك وبحنية: زين يمه انتبهي لك ولا تنسين قبل الصلاه نبهي أخوانك وش زين الصلاة بالمسجد
ابتسمت جوري بحب وبهدوء: ودعتك الله يبه لا تنسى تطمني احبكك وقفلت
توجهت لمقعد السباحه وهي تقلب بالانستا ابتسمت لافكارها وطبت تسبح بعد نصف ساعة اخذت روب الاستحمام وغطت نفسها ودخلت تأخذ شاور بعد السباحه وبعدها طلعت جهزت القهوة وبان كيك واتصلت على جوال عمار " طبعا كانوا كل اثنين من الشباب بغرفة"
عمار بإنزعاج رد وبعصبية: خير ؟
جوري توسعت عيونها وبذهول: عمار؟؟
عمار حس على حاله وبهدوء: لبيه امريني
جوري تنهدت بعمق وبسرعه: شايف الساعة كم؟ قم تجهز للصلاه
عمار فتح عيونه بشويش وبسرعه: جوجو ماما خليها ربع ساعة واتصلي زين؟
جوري حطت ايدها على خصرها وبتهديد: اذا ما صحيت بخلي القايد يتصل عليك يلا وقفلت
تأفف عمار ورجع ينام بعد اربع دقايق بدأ يتعالى صوت المنبه
نايف كان فيه نوم بس اشعارات جوال عمار والاتصال وحاليا المنبه جابت أقصاه رمى الوسادة على عمار وقام كان وده يسبح بس لان المسبح في الحديقة كانت المويا عباره عن ثلج بس بشكل سائل شال الفكره من باله ودخل ياخذ له شاور دافي وبعدها صحى عناد والعيال وصلوا الفجر
عناد بنعاس تثاؤب وبخمول: بشوف للبنات اذا صاحين بيسون لنا فطور واذا مب صاحين نرجع ننام امرنا لله ، توجه لقسم النساء وكان هاديء جدا ماحب يزعج احد او يدق على اي باب رجع لهم وبإبتسامه: دام اليوم جمعة خلونا ننام إلى 9 طبعا الكل رجع ينام إلا عبدالله ونايف
عبدالله بخمول: وراك يالخوي ما تنام
إبتسم نايف وقام يدور على شيء ياكله وبهدوء: قايل لكم ناموا بدري بس ما احببتم It's OK ودك تنام ؟
عبدالله قام بخمول وبهدوء: وش تدور؟
نايف بتفكير: ابدا والله ابي شيء اكله
إبتسم عبدالله بنعاس وبتفكير: والله الاخ صهيب شكله الأغراض كلها أعطاها البنات
ضحك نايف بوهقه وبهدوء: يا حبيبي
عبدالله طرت له جوري وبسرعه: انت جوعان؟
نايف اخذ مويا بارد وبتفكير:نوعا ما
عبدالله وقف بحماس وبسرعه: بروح اشوف احد صاحي أو لا ونشوف الثلاجه ؛ توجههوا اثنينهم إلى قسم النساء تنحنح عبدالله اكثر من مره بس ماكان فيه رد جذبه ريحة الV60 وبإبتسامه : تبي قهوة؟
نايف بإبتسامه: الا وش رأيك نطب المسبح ودامه مقفل على الصالة ونفتح السكاي لايت وتو بداية شروق راح يجي الجو خورافي
عبدالله بترحيب للفكرة إبتسم وبسرعة: خن نجيب أغراضنا وانا بكلم جوجو لان صاحية تضبط لنا اجملV60
إبتسم نايف وتوجه للغرفة ياخذ ملابس احتياطية وفوطة و عبدالله نفس الشيء ..
نايف خلص أغراضه وبهدوء: أستاذ عبدالله صار لي نصف ساعة انتظرك ماودك تخلص !!
عبدالله بهدوء: انتظر احس اني ناسي شيء ؛ وبدون تفكير: انت رح للمسبح دام البنات نايمين وانا عشر دقايق اخلص واجيك
نايف هز رأسه بالايجاب وتوجه لقسم النساء اول مادخل استقبلته ريحة قهوة سعودية تصحصح إبتسم وتوجه للمطبخ وتصنم مكانه
الجوري كانت الايربودز بأذونها وتسمع بودكاست ماكانت منتبه له " كانت لابسه تانك توب بدون أكمام وبنطلون كراجو وشعرها مرفوع كان شكلها عفوي ولطيف"
نايف استوعب على حاله وتوجه للمسبح
جوري حست احد وراها لفت الا عبدالله جاء ابتسمت وبهدوء:الشخص يسلم يتنحنح مب تطيح قلبي الله يهديك
إبتسم عبدالله وبحنية: صباح الرضى تو يبدأ يوم عبدالله صدق
إبتسمت الجوري وضمته وأخذت القهوة واعطته إياها: تامر على شيء يبه؟
عبدالله باس رأسها وبحنية: لا الله يرضى المهم لا خليك بالغرفه نايف جوا
جوري شبكت حواجبها وبتساؤل: متى جاء؟
عبدالله وهو متوجه للمسبح : من ربع ساعة تقريبا
جوري هزت رأسها بالايجاب واتجهت للغرفة وبدأت تقرأ اول صفحات كتابها الجديد " رسائل من القران"
___
ببيت راشد
نجوان بدت تجهز الفطور غمزت لها ميسره وفهمت الخطة كانت ساره جالسة ونجوان ترتب الطاولة بعد الفطور سوت انها داخت وطاحت على الأرض بهالأثناء كان راجح نازل بيروح النادي سمع صوت ارتطام قوي بالارض سرع خطواته لين شاف ميسرة جالسه على الأرض تحاول في نجوان تقوم وأمه جالسه
راجح تنهد بألم وتوجه لنجوان شالها وتوجه لجناح نجوان وميسرة وصار يحاول يصحيها
ميسره تنهدت بعمق وبسرعة: خلنا ننقلها المستشفى
إبتسمت نجوان وحس عليها راجح إبتسم لميسره وبهدوء: اوه اليوم اول يوم دوام لك كان قلتي لي الله يهديك
نجوان جلست بسرعه وبإندفاع: ماعندي دوام بس ابي المستشفى
راجح إبتسم براحه وبسرعه: يلا عشان ما تحس امي وراح ادبرك لو نقول صار تنويم ؛ وبسرعه : ميسره ساعديها واستعجلي انتظركم ؛ طلع لأمه وبهدوء: يمه باخذها المستشفى تمام؟
ساره بعدم مبالاه وبهدوء: مين؟
راجح تنهد وشبك حواجبه ببعضهم: مين يمه اللي طاح قبل شوي؟
ساره بهدوء: بنت اللذين وش فيها؟
راجح تنهد وبهدوء:  بنت ابوي يمه مب بنت اللذين اختي يمه واخت رائف واخت رعد واخت ريمان بغينا ما بغينا
سارة ابتسمت بخبث وبحقد: تخسي تكون اختكم
راجح وقف وبهدوء: ودعت الله يمه بطلع ؛ ونادى بصوت عالي: ميسره!!
ميسره كانت تمشي بخطوات ثقيلة وهي تسند نجوان عليها وبتعب: بجي استاذ راجح اعتذر تأخرت
إبتسم راجح وبهدوء: معليه حصل خير ؛ سند نجوان وطلعوا السيارة اول ما وصلوا قرب السياره راجح بهمس: لا تتحمسين اهم شيء الأشياء المهمة واثباتك في الشنطه
نجوان هزت رأسها بخفه وبهدوء: فيه احد؟
راجح بهدوء: أبوي جاء اسكتي
راشد جاء بيدخل بس شاف راجح توجه له وشبك حواجبه ببعضهم وبهدوء: وش صاير؟ هذي ريمان؟
نجوان تألمت من كلامه بس ماوضحت ولا خربت خطه راجح..
راجح بمساعدة نجوان طلعها السياره وبسرعه: لا يبه هذي نجوان تو تطيح
راشد اردف بهدوء: اها خذيت اثباتها؟
راجح هز رأسه بالايجاب وبسرعه: تامر شيء يبه؟
راشد بعدم مبالاه : لا يبه انتبه عليك
اول ماطلعوا من الكراج وابتعدوا عن الفيلا مسافة عدلت نجوان جلستها وجلست بهدوء عكس مشاعرها اللي تعصف داخلها
راجح اجبر حاله الابتسامة وبهدوء: كيف شعورك؟
نجوان بهدوء: ماعلي الحمدلله الأهم اداوم
راجح لبق على جمب وبهدوء: ادري ممكن التصرفات اللي صارت كلها حسستك بشعور بشع بس عندي اقتراح ماودي نجوان تقاطعيني ومهما كان انا اخوك مب اي أحد
نجوان هزت رأسه بالايجاب بمعنى وش تبي
راجح تنهد ولف لها وبإهتمام: تبين تطلعين من هالجحيم؟
نجوان بألم: ما تحس انك اصلا تأخرت او اخطيت بالسؤال ما تحس اصلا انه المفترض انا سويت تصرف يوطي رأسه بالارض بس إلى اليوم انا ماسويت شيء يجرحه او يسيء له!!
تنهد راجح بألم وبسرعه: راح أدبر لك سكن وبرضه تقرير كذاب بس ابي ميسره ماتدري عنه
نجوان بتردد: بس نجوان بمقام امي شلون اخبي موضوع كذا عنها راح تموت من الالم
راجح بهدوء: خليها علي الأهم تنتهي فترة الامتياز على الاقل بكل يسر وراحه
نجوان بتردد: وش مقابله؟
راجح ناظر عيونها بحنية ومسك وجهها بهدوء: المقابل ما تخبين ألمك بتواجدي وتشوفيني اخوك وبدون أي حواجز بينا
نجوان بهدوء: عطني وقت افكر فيه..
_____
في بيت ام عبدالعزيز كانت متحمسه وتتجهز وتجهز ضيافتها
بعد أذان الظهر وصلاة الجمعة رجع عبدالعزيز وابوه
عبدالعزيز بهدوء: يمه شلون صبرتي على الحياة بدون إزعاجنا
إبتسمت ام عبدالعزيز وجات باست كتفه وبهدوء: دايم ما تصير مواقف نتمنى انكم كلكم قربنا بس هذي الحياة امس احنا في ازعاجكم اليوم انتم في ازعاج عيالكم وكذا تدور الحياة
إبتسم ابو عبدالله وبحنية: الله وش الزين ذا يزهى فيك اللبس يميمتي
إبتسمت ام عبدالعزيز وبإمتنان: وانت يزهى فيك الثوب وانت اللي محلية
ابو عبدالعزيز من وراهم وبضحكة: اي ماشاءالله جالسين تتبادلون الغزل ووو وانا يا حافظين لكم الله لمنو؟
ابو عبدالله بإبتسامه: انت لقلبي يبه ولابو نايف وابو عزام وابو سيف
تنهد من ذكر ابو سيف وبحنين: كلمته يبه؟
تنهد ابو عبدالله وبهدوء: انا عندي شغله بعد كم يوم في بريطانيا وراح الاقيه ماراح يصير الا كل خير يبه
تنهدت ام عبدالعزيز وبإبتسامه: عزيز اسمع بس بيني وبينك
اعتدل ابو عبدالله وبإسترسال: امريني يمه
ابتسمت بحب وبهدوء: اليوم بروح لعند عيال مشعل السالم
ابو عبدالله سكت لثواني وبدهشة: يمه عيال عمي مشعل رجعوا الرياض؟
ابتسمت ام عبدالعزيز وبهدوء: اي وبنتهم عمرها مناسب
قاطعها ابو عبدالله وبسرعه: لا يمه ما ابي اضغط على عيالي ولا ابي ازوجهم الا من اختيارهم
ابتسمت ام عبدالعزيز وبهدوء : لا يبه ابوك وابو مصعب متفقين انه عناد لاميره واميره لعناد
عبدالعزيز توسعت عيونه بذهول وبإبتسامه: لا يمه لا تقولينها
ابتسمت ام عبدالعزيز وبحماس: هذا اللي صاير وانا امك خله يسرح ويمرح هالاسبوع نهاية الأسبوع ذا نظرته
ابو عبدالله توسعت عيونه وبسرعه: يميمتي خذي شور هالولد الضعيف
ضحكت ام عبدالله وانتبهت للوقت وبسرعة : الله يصلحك ياوليدي خل اخلص اشغالي العصر بمر الخلق مابي اتأخر
_____
بمكان من زمان ما جيناه تحديدا ببريطانيا عند هيام كانت بشقتها تشيّيك أغراضها قبل تنزل على المطار وبحيره رفعت كفوفها مناجية الله يفكها من أهلها ومن عواقب قرارها..
آيان دقت بابها وبهدوء : أتسمحين لي بالدخول آنسة هيام؟
هيام اردفت بصوت راكد: تفضلي..
اول مادخلت آيان اردفت بجدية: ودك اجي معك هيام؟
هيام ضمتها وبهدوء: انتِ الوحيده ايان وقفتي معي بوحشة ايامي وبسوادها وبكل لحظات انكساري وضعفي
ابتسمت آيان وبسرعة: كانك تبين اجي معك أو لا ترا جهزت التيكت وكل أغراضي
أبتسمت هيام واردفت بإمتنان: يكفيني وجودك والله وكلامك بس من راح يشرف على شغلنا تعرفين بطول
تنهدت آيان وبهدوء : مجرد ما تستقرين برجع وانتِ مب مطوله وبإبتسامه واسعة: وعاد عندي جنسيتين مارح أحد يشك فيني لا راشد ولا فاهد تطمني
تنهدت هيام وبحيرة: تدرين احنا بنروح للموت بإيدينا وراح نجازف بحياتنا مب بشيء بسيط الله يستر
تنهدت آيان وبإبتسامه رقيقة: بس لو خسرنا حياتنا راح نكون خسرناها وجازفنا فيها بشيء عظيم تأكدي راح نساهم في دمار راشد وفاهد ونوقف عند حدهم
ابتسمت هيام وشدت على كفها بإمتنان ..
آيان ضربت رأسها وبسرعة : خلينا نرجع لشغلنا عندنا اجتماع بعد نصف ساعة مع شخص عربي
تنهدت هيام وبحيرة الرحلة بعد اربع ساعات ولازم نكون هناك بعد ساعتين اتصلي بمدير اعمال الشخص وكلميه لو يمديه يكون اللقاء بعد خمسة عشر دقيقة
تنهدت آيان وقامت تتصل على توماس وبعد نقاش ثلاث دقايق قدروا يقدمون الاجتماع وخلوه بمقهى وكان يبعد عن بيت هيام بثلاث دقايق ...
هيام بتوتر كانت تنتظر توماس ومدير اعماله غافله تماما عن اللي راح يواجهها بعد دقايق معدودة... بعد عشر دقايق توقفت سيارة عايض وتوماس
توماس اول ما شاف آيان ابتسم بثبات وبحنكه: مرحبا انستي هل الانسه هوليدا موجوده
آيان بثقة تامه : تفضلوا هي بإنتظاركم في الداخل
هيام كانت تقلب في صحيفة Vogue وتشوف أخر اخبار الفاشن قاطعها وقوف عايض وأيده الممتدة للمصافحة
هيام بثقة تامه وقبل ترفع عيونها: أهلا استاذ عائض لقد سمعت عنكم الكثي..؛ بتر كلامها اول ما استقرت عيونها بعيونه..
عايض كان متشوق جدا للقائها وللأسف اول ماشافها زاد حقدة عليها وبإشمئزاز: انتِ!
هيام وقفت رغم مشاعرها اللي خذت منعطف ثاني تماما وبإنتباه: اي انا تشرفت فيك تقدر تتفضل تجلس حن هنا جاين صفقة عمل الا اذا تبي تكنسل
جلس عايض وبداخله حقد عظيم تجاهها وبهدوء يخفي وراه كل شعورة: نفس ماتعرفين استاذه هوليدا اوه سوري استاذه هيام حابين تمسكين بناء وتصميم البروجكت الجديد للمول طبعا راح يضم العديد من العلامات التجارية العالمية وتعرفين هالشيء نفس ماذكرنا لك في الايميل
هيام كانت راميه كل مشاعرها ومهتمه للعمل وبعد تفكير: اتفقنا بس أتمنى ترسل لي جميع التفاصيل المهمه بعدد كل المحلات التجارية وكيف تبونه وبإذن الله نبدأ العمل فيه بعد شهرين دراسه لازم نستشير كبار المهندسين وناخذ الأذن ونختار المواد بعناية وماراح تقل ثقتك فينا او تجرح بإذن الله
عايض إبتسم ابتسامة جانبية وبهدوء: لا هنتم واثقين بإذن الله في شغلكم ؛ قبل يطلع وبإشمئزاز: بس تأكدي انه تربطنا علاقة عمل لا انتِ اخت أريام ولا خالة العيال ولا انتِ تعنين لعائلتنا شيء
هيام ابتسمت بألم وبهدوء: طبعا نفس ما ذكرت انتبهت لساعتها ووقفت بسرعه وبهدوء: فرصه سعيدة