[[ Unicode ]]
နမ်ဂျွန်းနဲ့ မတွေ့ရတာ တပတ်စွန်းနေပြီဖြစ်တဲ့အပြင်
Ig မှာလည်း စကားမပြောရတာ အတော်ကြာလေပြီ။
ဖုန်းလည်းမဆက် လူလည်းပေါ်မလာ စာပါမလာတော့ဘဲ ရုပ်မမြင်အသံမကြားဖြစ်နေတာကြောင့် ကင်မ်ဆော့ဂျင်မှာ လငပုတ်ဖမ်းသလိုပဲ တမှိုင်မှိုင်တထွေထွေနဲ့။
နမ်ဂျွန်းက အတည်ပေါက်ကြီးနဲ့ သူ့ကို ချစ်ရေးဆိုပြီး အခုတော့ ပလေးသွားပြီများလား။ သူ ပလေးခံလိုက်ရတာလား။ အဲ့ကောင် ဘာလို့ သူ့ကိုဘာသတင်းမှမပေးဘဲနေနိုင်ရတာလဲ။ ဘာကြောင့်ပစ်ထားတာလဲ ဆိုပြီး ကိုယ့်ကိုယ်ကိုမေးခွန်းထုတ်နေမိတာ။
စိတ်တိုသလို လွမ်းသလိုလိုနဲ့ ဘာဖြစ်လို့ ဖြစ်ချင်မှန်းမသိ။ ရင်ထဲအောင့်သက်နေပြီး တွေးရင်းတွေးရင်း ကင်မ်နမ်ဂျွန်းကို ဆွဲဆုတ်ပစ်ချင်လာတာ။ သူ ခေါက်ဆွဲဖတ်တွေကို ကင်မ်နမ်ဂျွန်းအမှတ်နဲ့ စိစိညက်ညက်ကြေအောင် ဝါးစားပစ်နေမိတယ်။
ဒီလိုနဲ့ ဆော့ဂျင်တစ်ယောက်ရှုံ့မဲ့နေပြီး အစားစားနေတုန်းမှာပဲ ကျွေးပါဦးဆိုပြီး တောင်းစားနေကြ ညီဖြစ်သူက သူ့အနားရောက်ချလာပြီး ပန်းကန်ဆွဲယူသွားတယ်။
ထယ်ယောင်း ခေါက်ဆွဲတလုတ်သွင်းလိုက်ချိန်မှာပဲ လူသတ်ချင်စိတ်ထင်ဟပ်နေတဲ့ ကင်မ်ဆော့ဂျင်အကြည့်တချက်ကြောင့် ခေါက်ဆွဲပန်းကန်လေးကို သူ့လက်ထဲ အသာအယာပြန်ထိုးပေးလိုက်ရတယ်။ ဟီးခနဲဆိုပြီး ကြောက်ပြုံးလေးပြုံးပြဖို့ကိုလည်း သူမမေ့။
ဟျောင်းဒေါသထွက်လာရင် ကြက်တူရွေး သာလိကာလိုမျိုး မနားတမ်းဆူအော်ပြီး တရားရား ညံတတ်ရုံတင်မက တွေ့ရာနဲ့ပါ ကောက်ပေါက်တတ်တာကြောင့် ထယ်ယောင်းက ကြောက်ရတယ်။ ဒီတော့ ခေါက်ဆွဲစားချင်စိတ်လေးကို သူ့မှာဝမ်းနည်းစွာနဲ့ မြိုသိပ်လိုက်ပြီး
"ဘာဖြစ်နေတာလဲ ဟျောင်း။ မျက်နှာမကောင်းပါလား"
ဆိုကာ လေသံဖျော့ဖျော့လေးနဲ့ အမေးပြုရတယ်။
"ငါ့မျက်နှာ အကောင်းကြီးရှိသေးတယ်။ Glow ပြီး နုပျိုနေတာ မင်းမမြင်ဘူးလား !"
YOU ARE READING
MOOD : YOU
Fanfiction- VKOOK FANFICTION - Everyday Mood : Craving You Heavy ! Kim Taehyung x Jeon Jungkook [ This story is just my imagination. It's not concerned with reality at all. flirting Pickup lines and pictures included in some parts are taken from quotes on pin...
