[[ Unicode ]]
ဆော့ဂျင်ဟျောင်းအတွက် ရည်ရွယ်ပြုလုပ်ထားတဲ့အစားအစာမှာ Bibimbap , Tuna Sandwich နှင့် Salmon Sushi ဖြစ်ပြီး သောက်စရာမှာတော့ Diet Coke ပဲဖြစ်တယ်။
တဖန် ဖရဲသီး, ပန်းသီး, စပျစ်သီး, စတော်ဘယ်ရီ စတဲ့အချိုတည်းစရာအသီးတွေကိုလည်း ဘူးလေးတွေနှင့် အစီအစီရီသေသပ်စွာထည့်ပြီး နမ်ဂျွန်းက အချိန်ယူပြင်ဆင်နေတယ်။
သူ မနက်တည်းက မီးဖိုချောင်ဝင်လိုက်တာမှာ ယခုမွန်းလွဲကျော်လေပြီ။ တကုတ်ကုတ်နဲ့ မီးဖိုချောင်တစ်ခုလုံးနေရာယူထားပြီး တစ်ယောက်တည်းအင်မတန်အလုပ်များနေလိုက်တာ။
နမ်ဂျွန်းမှာ အစားအစာတွေအားလုံးပြင်ဆင်ပြီးသွားတာနှင့် ဆေးရမဲ့ပန်းကန်ခွက်ယောက်တွေဆေးပြီး အမှိုက်တွေလည်း ရှင်းရပါသေးတယ်။
အကယ်လို့ ကိုယ်လုပ်ပြီး ကိုယ်ပြန်မရှင်းဘဲထားခဲ့ရင် ဒေါ်လေးကို အားနာဖို့ကောင်းသည်ပင်။ ဒါ့ကြောင့် ကိုယ့်ကိစ္စကိုအပြတ်လုပ်ပြီးတဲ့နောက် ရေမိုးချိုးကာ သွားဖို့ပြင်တော့တယ်။
ထို့နောက် အတန်ငယ်ကြာ နမ်ဂျွန်းအစားအသောက်ဘူးတွေဆွဲကိုင်ပြီး လက်တစ်ဖက်က ကားသော့လေးကိုတရမ်းရမ်းကိုင်လှုပ်ရင်း ကားထဲဝင်မည်အပြု
"ကိုကြီး ကျွန်တော်လည်းလိုက်မယ်။ လမ်းကြုံလေးလိုက်ချင်လို့"
အပြင်သွားဖို့ရန် ဝတ်စားပြင်ဆင်ထားတဲ့ ဂျောင်ဂုက သူပါလိုက်ချင်ကြောင်း သွားလေးဖြဲပြပြီး ကားဘေးနားမှာ လာရပ်ပြောဆိုတယ်။
"ဂျွန်ငယ်က ဘယ်သွားမလို့လဲ?"
"ဝယ်စရာရှိလို့လေ။ ကျွန်တော့်ကားက ဘီးပေါက်နေတော့ ဝပ်ရှော့ပို့ထားရတာ။ နောက်တက္ကစီလည်းငှားမသွားချင်လို့။ အဲဒါကိုကြီးနဲ့ လမ်းကြုံလိုက်ဝယ်မလို့ရယ်"
"ဝယ်စရာရှိတာပဲမလား? အချိန်ရတယ်ဆို ကိုကြီးသွားမဲ့နေရာအရင်လိုက်ခဲ့ပေးဦး။ ချိိန်းထားတဲ့ အချိန်ကကပ်နေပြီမလို့လေ။ ရတယ်မလား"
"ကိုကြီး ဂျင်ဟျောင်းဆီသွားမှာမလား? ရတယ် ရတယ်။ အဲကနေ အပြန်ကျမှ ကျွန်တော်ဝယ်စရာရှိတာဝယ်လိုက်မယ်"
YOU ARE READING
MOOD : YOU
FanfictionKim Taehyung x Jeon Jungkook [ Flirting Pickup lines and pictures included in some parts are taken from quotes on pinterest and other social media platforms. So fully credit to the rightful owners. Read At Your Own Risk !] Start - 6.7.2024
