- الحزن هو أن تدرك أن اللحظات السعيدة كانت مجرد استراحة قصيرة في مسيرة طويلة من الألم.
- هرمان هيسه 📚.
١١:١١ ( حبيب عمري )
بقلم : چيهان بهاء الدين
________________________________________________
الذكريات دائما تؤذي صاحبها
_ ماريا _
« عشان في واحده ماتت بسببي »
قالت ماريا تلك الجملة و قد انتاب جسدها قشعريرة لاحظها الآخر و ظلت تضغط بيدها علي اليد الأخري بتوتر ملحوظ و أكملت حديثها و قالت :
_ كان بعد ما اتخرجت بسنة كنت بشتغل في مستشفي حكومي و كان عندي نباطشية بليل و جي واحد و مراته كانت بتولد و ، كانت تعبانه أوي دخلتها علي العمليات علطول ولدتها قيصري و كانت كويسه و الطفل كان كويس نزلت غرفه الافاقه و فاقت و اطمنت عليها
توقفت ماريا عن الحديث و بدأت في البكاء فقال مصطفي :
= أهدي بس كده و لو مش عاوزه تكملي متكمليش
_ لا عادي ، بعد شوية لاقيت في صوت صويت و خناق برا طلعت اشوف في ايه جوزها كان هيتهجم عليا و علي لسانه كلمه واحده بس انتي اللي موتيها دخلت اشوف في ايه لاقتها ماتت بهبوط حاد فالدوره الدمويه مع أني والله كنت سيباها كويسه و اطمنت عليها
= و الطفل ؟
_ لا كويس بس هي مامته اللي ماتت من ساعتها وانا مولدتش حد و طردوني من المستشفي و كان أهلها هيرفعو عليا قضيه وانا خرجت من الموضوع ده بأعجوبة و روحت اشتغلت في المستشفي بتاعت عمامي و جالي طبعاً حالة نفسيه و كوابيس و بقيت بكشف بس مش بَولد و هو ده السبب إلي خلاني بعد ما سيبت المستشفي بتاعتنا جيت أشتغلت عندك لأن مفيش مستشفي هتقبل اني أكشف بس او انا محاولتش بصراحة
= و اي علاقه ده باللي اتصلت بيكي دي و اتوترتي كده
_ انا لما دخلت كلية طب اكتر واحد فرح بيا جدو ابو ماما ووعدني اول ما اتخرج هيفتحلي عيادة عنده فالبلد عشان أعالج الناس الغلابه اللي هناك و فعلا اول ما اتخرجت عملي عيادة في أسيوط و لله من غير فلوس فا دي مريضه عندي و مصممه إني انا اللي اولدها وحجزت في مستشفي هناك و طلبت إني اكون انا الدكتورة بتاعتها و بجد مرعوبه و خايفه يحصلها زي اللي حصل زمان مع أنها هتولد طبيعي و ده أامن واسهل
أنت تقرأ
11:11 (حبيب عمري )
Truyện Ngắn- جئتكِ من كلِّ منافي العمر أنامُ على نفسي من تعبي.. فمن أينَ جئتني أنتِ؟ لقد جئتُكَ من كلِّ منافي العمر؛ ألوذُ بشَوْقِي مِنْ شَنْقِي، وألوذُ بسُطوعي مِن وقوعي، وألوذُ بِسِكَّتِكَ مِنْ كل المارينَ عبرَ ندُوبي! احمد_إسماعيل
