قصة ثانوية عامة

صدمة(4)

_اسمعي يا جني ومش هعيد الكلام ده تاني
سمعوا جميعاً صوت رامي والذي كان جاداً عكس شخصيته الحقيقية لذلك انتبهوا لحديثه بينما كانت جني تشعر بشعورين أولهم انها تتوق لسماع ما لن يعيده وثانيهم خوفها من ان يكسرها ذلك الحديث:
_الشخص إللي انتي معجبه بيه دا تنسيه!
نظرت له بعيون تكاد تبكي:
_ليه يا مستر؟
كان صوتها مبحوحاً مما جعل يارا وبقية الفتيات يجلسوا بجانبها:
_عشان أول حاجة لازم تواجيهه بمشاعرك ..رفضك تمشي.. وافق عليكي ..يبقي الحمدلله
أمسكت جني بيد يارا بقوة:
_تاني حاجه مينفعش تفضلي تحبي فيه كدا عيني عينك وكأن مش حرام
تساءلت جني وقد حاولت كبت دموعها:
_هو الحب حرام يا مستر؟
سئم من غبائها:
_لا يا جني الحب مش حرام لكن أنك تفضلي تسبلي و تتجاوزي حدودك مع الشخص اللي بتحبيه حرام.. ليه؟ عشان مش حلالك ومفيش حاجه تربطك بيه.
ربتت رانيا ورحمه عليها لكنها أزاحت يدهم و انفعلت:
_فين حدودي اللي بتجاوزها دي؟..حضرتك شوفتني؟.. تعرف منين؟
وقف رامي وقد قرر أنه يجب ان ينهي الموضوع حتي لو حطمها سوف تداوي جروحها:
_اكيد شايفك عشان مش صحابك بس اللي عارفين بحبك ليا أنا كمان عارف
انصدمت جني والقت انظارها إليهم جميعاً تري من أخبره ولكن الجميع نفي لذلك اتهمت يارا:
_قولتيلوا..قولتلك سر بينا روحتي قولتيلوا..أنتي او** انسانه شوفتها في حياتي
_جني التزمي حدودك!
صرخ بها رامي أثناء ذهول الأخري والتي لا تصدق:
_انا يا جني؟..انا هقولو؟..دانا لما حسيت انه ممكن يكون معجب بيا مبقتش احضرله ..وكل ما أشوفه ابص في كل حته ولو كلمني أعمل نفسي مش سامعه وأروح اقولوه؟
انصدم رامي من تفكير أولائك الفتيات تفكيرهم مريض جميعاً
جني بكل انفعال:
_دانتي يا شيخه بتغيري مني اكمني عندي أهل وأنتي لأ  اكمني عايشه مع أخواتي وبيحبوني وأنتي لأ صح قوليها
صرخت رانيا تلك المره:
_ماتتلمي يا*** شويه..مين دي اللي تغير منك..بتعايريها؟..وعشان ايه.. عشان حب الناس ليها؟.. دي اخره العيش والملح اللي بينكم تعايريها؟
صمتوا جميعاً حين سمعوا:
_يا زفته منك ليها يارا اغمي عليها الحقوني
قالتها رحمه أثناء سقوط يارا مما أشعل الادرينالين بداخل رامي وزاد غضبه حين اجتمع الكثير من الطلاب والمعلمين حتي يروا ما حدث:
_ماتتلموا بقي كتكم القرف
ثم حمل يارا المغشي عليها وركض بها إلي سيارته وركضت خلفه رحمه وبقت جني ولكن قبل رحيل رانيا:
_عجبك كدا؟ ..شوفتي غيرتك وصلتنا لفين؟ ..شايفه هو قلقان علي مين؟.. دا يا شيخه لو بيحبها والله العظيم هفرحلها
ثم اقتربت منها ووقفت أمامها:
_عالاقل يعوضها عن عدم الاهتمام اللي هيا محرومه منه مش زيك ياللي اهلك بيحبوكي!
ألقت حديثها بكل سخريه ثم ركضت ودخلت إلي سياره رامي
__________________
في مكان آخر كان يجلس ياسين أمام غرفه صديقه ينتظره حتي يرتدي ملابسه:
_ماتنجز يا علي كل دا بتلبس؟
تبسم علي الموجود بالداخل وقد كان يمسك هاتفه:
_استني بصور الهدوم عشان ضحي تختارلي أنهي احلي
تنهد ياسين بأشمئزاز:
_يادي أم ضحي إللي هتوديك ورا الشمس دي
ثم هتف بسخرية:
_يابني إحنا لسه في تالته ثانوي.. يعني نرتبط ونفشكل في اليوم عشر مرات ..مش تربطلي نفسك بواحدة طول العمر!
خرج علي وقد أرتدي ملابس جيده وجلس بجانب صديقه:
_معرفهاش بقالي ترم اعرفها من أولي إعدادي
سخر الاخير بصدمه:
_كمان! دانت قديم أوي ياسطا
اخذ علي المنشفه الملقيه خلف ظهر ياسين واردف أثناء نظره في عيون صديقه:
_تؤ انا مش قديم انا راجل..رابط بت بيا وقد واعدي معاها بخاف عليها من خيالها ولولا اني في تالته كان زماني خطيبها.. الجيل بتاعنا دا هو اللي فيه عيب.. عشان انا أمي قالتلي الراجل اللي بجد هو اللي ميعلقش بنات الناس فيه وبعدين يمشي بهدف انه صغير!
برر ياسين لنفسه مثلما يفعل دائماً:
_بس إحنا مش رجاله يا علي احنا لسه عيال.. او خلينا نقول بطريقتك لسه مراهقين يعني لازم نجرب كل البنات ونشوف أنهي اللي قلبنا يميل ليها منختارش وخلاص
تنهد علي ورحل إلي غرفته يحمل هاتفه ظل يبتسم قليلاً وهتف في مسجل الصوت:
_ماشي يا ضحي اخرجي ومتتأخريش
استمع الي ردها ثم اغلق الهاتف ونظر إلي صديقه:
_الراجل مش بالسن الراجل اللي يتحمل مسؤولية.. الراجل اللي لما يقف في موضوع جد ميهربش منه.. الراجل اللي ميلعبش ببنات الناس علي سبيل التجربة!.. كلها مفاهيم تثبت الرجوله.. مش زي دلوقتي!.. الواد اللي شعره كيرلي وديما بيبدل كل حاجه حتي البنات.. الولد اللي بيطلع تيك توك يشتم ويرقص.. الواد اللي بيلبس علي الموضة وديما بيقلد وخلاص وعنده مبدأ الجيرل فرند.. والبيست.. والاكس وكذا بنت في حياته عشان يثبت رجولته
ثم ربت على كتف صديقه:
_عمرها ما كانت كدا يا صاحبي.. وانا اكبر دليل قدامك.. أمي توفت وابويا سابنا..ومتبقاليش غير اخ في رابعه ابتدائي شايفني قدوة
ثم ارتفع نبره صوته قليلاً أثناء تحركه في الصاله:
_ وماجيش انا وبكل بساطة ادمرله القدوة دي بالافعال بتاعه الجيل دا
ثم اقترب من صديقه مره اخري ونظر اليه مطولاً:
_واديني بقولك اهو يا صاحبي لو مش عاجبك أسلوبي ولا طريقتي وشايف أنها قديمه تقدر تبعد عادي وتصاحب اللي عاجبك ومناسب ليك واحسن مني بالنسبالك
وقف ياسين أمام صديقه:
_اهدي كدا مش موضوع هو اللي هيخسرنا بعض.. وبعدين أنت عارف انك صاحبي اللي مش بحب قده
اخذ يعبث بشعره الكيرلي وثم تحدث بسخرية:
_عالاقل بتسمعني ومش بتتريق عليا.. أنا عندي أب دايماً شايفني السوبر هيرو اللي مينفعش يغلط ولا يعيط ولا يزعل..وانت جيت بكل سهوله اثبتلي عكس كدا لما عيطت علي كتفك..اثبتلي عكس كدا لما اتفرجنا علي كرتون ولما لعبنا بألعاب للاطفال ولما كنت باجي اغلط وابص في الأرض وخايف منك الاقيك بتحضني وتقولي الغلطات بتعلم..فانا مش مستعد اخسرك لأي سبب كان..كل صحابي لازم ابان كول قدامهم ولازم متكلمش بمشاعري وافضل اشتم وانا مش حابب كدا بس دا المجتمع اللي عمري ما حبيت اكون فيه
أنهي حديثه ليجد يدي علي تفتح وكأنه يخبره هنا ملجأك يا صديقي اقترب
ركض ياسين ثم ارتمي في احضان صديقه يبكي بشده:
_انا عمر ما حد فهم مشاعري يا علي عمر ما حد قالي إني إنسان يقدر يعيط او يعبر عن شعوره غيرك والله انا بحبك وعمري ما عرفت اقول الكلمه دي لأي حد بس بقولهالك أنت..صدقني انت مش بس ابن عمي انت أخويا والله أخويا
اخذ علي يربت على كتف صديقه يعلم أنه ضحيه مجتمع سطحي لكنه سوف يحاول تغييره للأفضل:
_ما خلاص بقي لحسن حد يشوفنا ونطلع من إياهم
ضحك ياسين ثم لكم علي في كتفه:
_ديما كدا مخرب الفرحات يابيبي؟
عانق علي ياسين ثم ازاله واردف:
_بقيت احسن؟
اقترب ياسين من علي ووضع يد على كتفه وفعل الآخر ذلك:
_انا عمري ما كنت أحسن غير بوجودك يا بتاع ضحي
ازاحه علي وركض خلفه:
_دانا هوريك بتاع ضحي دا هيعمل فيك ايه
كان الطريق خاليا سوي من ضحكاتهم وسخريتهم من بعضهم بعضاً:
_عملت ايه في الامتحان يا أبن الوزير؟
قالها ياسين أثناء وضعه يده فوق كتف الاخير:
_الحمدلله الامتحان كان سهل وأنت عملت ايه ؟
تبسم ياسين بحرج وبداخله يلعن والده الذي لم يعلمه الاعتماد علي نفسه وكل ما يسمعه في داخله هو:
_اعمل إللي انت عايزه يا حبيبي وانا هنجحك بس تخش كليه وتاخد شهادة فاهم ؟
لا يصدق ان هكذا حديث يخرج من فم أب
لاحظ علي عدم انتباه ياسين للطريق:
_ياعم أنت..دانت لو بتحب مش هتبقي شارد الذهن كدا
خرج من شروده واردف بطريقة حاول جعلها مرحه:
_ويعني ايه شارد دي كمان؟
وقف علي يأخذ أنفاسه:
_مانت لو بتذاكر هتفهم دا الحمار فاهم معناها أحسن منك
ركض ياسين أثناء قوله:
_طب كويس أنك عارف نفسك
ضحك علي بشده من ذلك المعتوه:
_اعمل ايه بقي بحبك ولازم اتحملك
يتبع.......