🌿Hiraa and the professor🌿 《حيراء والاستاذ 《قصة بالدريجة المغربية

🌿 جزء التاسع و العشرون🌿

.بعد كل عسر يسر وبعد كل ضيق فرج..

فشركة ديال الملتقى المهندسين كانو كيتناقشو بخصوص بعض الشروط لضافت لقائمة ديال المهندسين وكل وحد كيعطي رئيو بهد الخصوص ساعات وهما فالاجتماع حتى سلو وتافقو بينتهم وكل وحد خرج ومن بينهم ايهم لخرج غادي فاتجاه سيارتو حتى جاه اتصال جاوب
ايهم:اهلا صاط بخير
مالك:بخير ونت
ايهم:بخير يالله لقتني خرجت من وحد الاجتماع
مالك:اه مزيان إلى معندك والو نتلقو من هنا لساعة
ايهم:اكي مشات فين
مالك:فاي بلاصة
ايهم:البرتوش ههههه
مالك:هههههه لا تصتيت نتلقو فالكافي كيف ديما
ايهم:ههههه قلت ياك متوحشتي ديك خيتي
مالك:لا معندي خطر لدوك الامور عندي موضوع انهضر معاك فيه
ايهم:ياك مكاين باس
مالك:نتلقو ونقولك
نهى مالك الاتصال ناض بدل عليه لبس سروال جينز بالاسود وتشورت بالكرونا وكويرا كحلة سبادرين فالكرونا رش برفان ديالو حط ساعة يدوية ونضرات سودا هز الكونطاك وخرج التيتيز ياسيد خارج ههههه ..ركب فسيارتو الرمادية وزاد

جالسين مجمعين فالجردة وكيهضرو على الامتحانات والمراجع وكل وحدة كتعود لخرة شافهم شي دراري كالسين بحدهم وجو وقفو طلبو منهم يجلسو معاهم باحترام وفقو محيت باين فيهم ضريفين بقو كيتعرفو على بعضيتهم كل وحد فهم كيعرف براسو وهكا كذلك عرف براسهم بقو يهضرو معاهم فالقرايا حتى قترح عليهم وحد من الدراري يلعبو كارطا وفقو وخا عمرهم لعبوها نزلو لبلاصة فيها الربيع جلسو على شكل دائري ولدو يلعبو وكاع انوع اللعب علمه لهم دوزو وقت زوين بزاف بقو يضحكو وناشطين حتى وصلت 4حيراء غير سمعت العصر اذن شهقت ناضت مفزوعة حتى تخلعو معها سولها ملك قالت ليهم خصها ترجع الدار تودعو معاهم هي وهبة وشكرهم وخرجو بزربة
هبة:ملك اصحبتي بشوية
حيراء:خصني نرجع بكري لدار نت معرفة والو
هبة:شنو معارفة
حيراء كتزرب فالمشية:نساي غير خلينا نحركو
   وصلو لطريق لفيها طاكسيات وقفو طاكسي وركبو ...

فدار ديال بن شقرون فرح فبيتها كتعيت على فاطمة
فرح:فاطمة افاطمة وتي فينك
فاطمة جات كتجري عندها
فاطمة:نعام الآلة
فرح:قولي ليا مالك كاين فالدار
فاطمة: لا الآلة خرج من صباح
ناضت فرح كتمشى اما فاطمة فخرجت عينها وحلت فمها
فاطمة:لالة رجلك برات  وكتقدي تمشي عليها
فرح: سمعني نقولك أنا راه موقع ليا والو وهدشي منسمعو من فمك مفهمو
فاطمة:ولكن علاش الآلة درتي هكا
فرح:فاطمة بلا أسئلة سيري وجدي شي عشاء يكون ديزو الكلام محيت جاين عندنا ضياف
فاطمة:وخا الآلة
   خرجت فاطمة وهي فستغراب وكتهضر مع راسها
وعد لالة فرح مساهلاش ميقد عليها غير شيطان
  كملت طريقها الكوزينة دخلت كتوجد العشا
اما فرح فخدات تلفونها دوزت ابيل لصمنطا وعرضت عليها لعشا هي ومنويل وأكدت عليها باش تجيب معها روز
   قطعت الخط من بعد ما سلات المكالمة ومشات لدرسينك كتشوف شنو اتلبس ليوم ...

فالكافي جالس مع ايهم وكيهضرو
ايهم:صرحة معرفت شنو نقولك نت تعرف شنو يلق بك
مالك:انا معندي غير ندير خاطر لوليدة اما كن جات عليا منتزوج دبا
ايهم:اه الزواج فيه غير صداع الراس داكشي لمهم فيه شبعنو هههههه
مالك:ياك مشبعو نت يحسابليك كاع الناس
ايهم :هههههه وشكون حبسك
    نخلو هدو مجمعين ونمشيو عند حيراء لي يالله هبطات من طوبيس وغادية كتزرب فالمشية وخايفة لا تلقا بها لكن لقدر لقها بحميدة
حميدة:وتي وقفي فين غادا
حيراء:حميدة بعد من طريقي ممسالياش ليا
  تخطتو ومشات بقا تبعها من لور ويعيط عليها حتى صافي طلع ليه الدم بهد التصرف ديالها وقرر بلي خصو يدير داكشي لقالت ليه نهيلة...دقات الباب جات الوجدية مرة حلت وطلبت منها دخل مرة قبل مايخرج بها من الدوش كيدوش دخلت كتسلت مرة دخلت لبيتها وبدلت عليها دخلت عندها الوجدية
الوجدية:فين تعطلتي ءءء دوي
حيراء:والله اخالتي مرضيت لبال لوقت
الوجدية: صافي سكتي الى سولك باك قوليه بلي كنت نعسة هدشي لقلت ليه انا خلتني نكدب بسببك
حيراء:سمحي ليا اخالتي
   باستها وعنقتها
الوجدية:صافي ابنتي غير متعودها مرة أخرى...
يتبع....