بعد كل عسر يسر وبعد كل ضيق فرج..
حيراء:هه بهد الزربة
مالك:معنديش صبر
حدرت عينها وكضحك وحشمانة
مالك:الله يخلي ليا لحشم
حيراء:صافي لبغتي انمشو
شد راسها باسو يالله نفطرو انمشي الليسي ليوم ايخرجو النتائج ديال الدورة الأولى اكيد اتكوني جايبة شي نقطة مزيانة
حيراء:نتمنى محيت 2صمنات مقريت
بعد عليها حطو هو ويها الفطور فطرو جمعت الماعن غسلتهم وطرفت الدار قدات حالتها ولات كتحس براسها وحدة أخرى وزادت زيانت شعلت تلفازة كتقلب فالقنوات حتى تفكرت بلي خصها تقولها لخالتها يالله اتصوني شافت رقم غريب كيصوني عليها جوبت
حيراء:الو شكون معايا
هبة:ياك الخوينزة نستي شكون معاك
حيراء:ههه هبة فين اختي غبرتي عليا شحال صونيت لك
هبة:قصة طويلة بزاف حتى نتلقو ونعودها ليك كديرة بخير وكديرة مع القريا
حيراء:بخير الحمدلله. ونت شتك متلتي تمشي
هبة:بحزن خرجت متليتش نقرأ
حيراء:اوواه علاش
هبة:قلت ليك قصة طويلة ولكن راه عرسي غدا وبغيتك تحضري
حيراء:فرحت بزاف ليك احبيبتي اكيد انجي عندك غدا حتى انا انتزوج ومغاديش تيقي شكون
هبة:بإستغراب)شكون ؟
حيراء: مالك بن شقرون الاستاذ
هبة:ههههه لاوااه مبروووك عليك اختي ولكن كف حتى وقعت
حيراء:قصة طويلة بزاف
هبة:نتلقو ونتعودو هههه
حيراء:صافي انهضر مع خالتي دبا
هبة:علاه فين كاينا نت
حيراء: انقولك كل شي
من بعد مكملو الهضرة قطعت الخط ودورت لخالتها لجوبتها ضغية وطلبت منها تجي عندها ....
من بعد دقائق قليلة سمعت الباب كيدق ،مشات فتحت لقات خالتها واقفة فالباب تسالمت معاها ودخلت لعندها سولتها على باها بالرغم كل شي كيبقى باها هد الأخيرة لقالت ليها بلي بخير مزال مقصح قلبو وراسو وهنا بدأت كتفتح مع خالتها الموضوع
حيراء: خالتي بغيت نقولك شي هضرة
الوجدية: اه كنسمع ابنتي تفضلي
حيراء: مالك يعني الاستاذ مالك طلب مني زواج وافقت
الوجدية : (بدموع والفرحة فعينيها) مبروووك عليك يااارب إن شاءالله تعيشي ايام من احسن لقبل
عنقتها وباستها فراسها الله ينور حياتك ابنتي الحمدلله ربي جزاك على كل ألم وكل معانات دازت عليك
حيراء: الحمدلله ربي مكيسد باب حتى كيحل اخر
ودبا خاصني نوجد راسي محيت ليوم فالعشية ايكون عقد القيران وبغيتك تكوني حاضرة معايا فهد اللحظة
الوجدية: وعلاه شكون عندي من غيرك ابنتي راك بنتي وخا مولدتك من كرشي وربيتك مني كنت صغيرة
حيراء: باست ليها أيدها .. هلا يخطيك عليا اخالتي...اويوا يالله عاونني نشوف شنو نلبس ونوجدو لخاصنا
ناضت حيراء بدلت عليها قبل متخرج سمعو لباب دق حلات كانو زوج منضمين اعراس هازين فيديهم اغراض التزين وكل شي ليقدر يحتاجو خبروها بلي من طرف مالك بن شقرون دخلتهم بدو كيزينو فالصالون أما وحدة كانت خاصة بالميكاب صيفتها على قبل حيراء وحتى الوجدية كتعاونهم بدورها ولفرحت من بعد كاع العداب والقهر لعاشتو ...
وصلت العشية كان كل شي مقاد ...خرجت حيراء لبسة قفطان بالبيض مرصع بالذهبي حاطة فوق راسها تاج مذهب وحشمانة ..شادة بيدها الوجدية لكانت فكامل أناقتها وكتزغرت وتعود وتصلي على النبي أما مالك لكان جالس وفرحان هد اللحظة كتعني ليه بزاف وخصوصا أنه لقا زوجة صالحة ليه الصالون كان فيه العدول مالك وأيهم وجوليا لاتكونو شاهدين والوجدية أما ام مالك وباه فرفضو يحضرو لهد الزواج ...بعد دقائق قليلة بدأ عقد القيران لتم فيه الموافقة بكل رضى مع شهادة الشهود وتركيب الخواتم ...
الوجدية: الله يكمل عليكم اوليداتي
مالك قبل أيدها: امين اخالتي
حيراء: ربي يخليك لينا اخالتي العزيزة
جوليا بركت ليهم هي وأيهم لمني جلسو وهو كيضحك فيهم ههه غادروا العدول ...بقات العائلة مجموعة فرحنين بزواج مالك وحيراء ...قرب مالك حدا ودن حيراء وقال
مالك: واخيرا وليتي ديالي موجد لك وحد المفاجئة
حيراء: حشمنة ..شنو هي
مالك: اتعرفي من هنا لشوية
ايهم كيشوف ف مالك كيوشوش
ايهم: احم احم هههه وقيلة خصنا نمشو نخلو العرسان براحتهم
جوليا : شافت فيه وغمزتو) بصاح عندك الحق هههه
حيراء ولات حمراء بالحشمة أما مالك تقول تصرط ليه لسان أما الوجدية فكتبتسم وحدرة رأسها
الوجدية : عندكم الحق يالله اولادي نخليكم على خير ربي يفرحكم
حيراء: خالتي اتمشي؟
الوجدية: اه ابنتي اجي معايا
وقفت حيراء وصلت خالتها حتى لباب سلمت معها
بنتي عيشي حياتك ونساي موقع ليك وخا
حيراء : لملمت برأسها...واخا اخالتي
أما فالصالون مالك كيتحلف بعينه فايهم على الاحراج لسبب ليه
مالك: ايوا سي ايهم انت متمشيش
ايهم: هههههه جوليا خوك كيحوز فيا
جوليا: ايوا رآه مكدب عليك ...
يتبع...
أنت تقرأ
🌿Hiraa and the professor🌿 《حيراء والاستاذ 《قصة بالدريجة المغربية
Adventure⚜️ [قصة قصيرة ]⚜️《 تاريخ كتابة بداية 2020》 عنـــوان القصة:°°حــيراء و الاستـــاذ°° الكــاتبة:°°[awatif belhfid]°° ♤إن بعد كل عسر يسر....وبعد كل ضيق فرج♤ °°°°⚜️ تـــــقديــــم⚜️°°°°° •••• عندما يكون الأب قاسي على أو...
