بعد كل عسر يسر وبعد كل ضيق فرج..
غمضت عينها وغوات بجهد صافي يحسابل ليها بلي غدي تموت تحبس الفران حدا رجليها بضبط مبقا غير 2سنتمتر لكتفصل بين رجليها وفين وقفت السيارة بقا مغمضة عينها حتى وقف قدامها
ايهم: سمحي ليا بزاف ولكن راه نت لخرجتي قدامي
حلات حيراء عينها بشوية شافت فرسها واش بقا بخير تنهدات وحمدت الله رجعت شافت فيه
حيراء:سمح ليا مرضيتش البال نت ايهم ياك
ايهم: اه انا فيت شيفك ومعقلتش فين
حيراء: انا وصحبتي وحد المرة لتلقينا معاكم نت الاستاذ مالك حدا البحر
ايهم كيتفكر :اه اه عاد تفكرت (مد ليها ايدو)كيف ديرة بخير وكديرة صحبتك
حيراء: بخير الحمدلله كنعتدر مكنتش رادة البال
ايهم: ماشي مشكل غير ردي لبال فطريق
بقو كيهضرو فهد الاتناء خرج مالك ركب فسيارتو ميتمشى بشوية حتى بانت ليه سيارة ايهم وقف مع شي وحدة مغبية زاد القدام شوية حتى وقف وشافو وقف مع التلميذة كتقرأ عندو نزل زاج عيط عليه هذ الاخير لكان منساجم فالهضرة حتى سمع شي حد عيط عليه ودار
ايهم: والصحب دقيقة
ودع حيراء هي مشات اما ايهم فمشا طلع حدا مالك
مالك: شنو جيت كدير هنا فين كتعرف حيراء
ايهم: وراه جيت بغيت نشوفك وكنت كنهضر فالتلفون وخرجت قدامي مشفتها كنت انضربها
مالك:اوووه ياك موقع ليها والو
ايهم: لا الحمدلله بعدا
مالك: إوا الحمدلله اوا شنو بغتني
ايهم: غير قلت نديرو شي دويرة فالبرتوش شحال هذي مزرناه
مالك: سير انا معنديش الوقت واش فرسك بلي انا صافي حياتي غدي تقيد
ايهم:كفاش مفهمت
مالك: الوليدة حددت موعد زوجنا انا وروز.
ايهم: ويلي وزربت عليكم لا
مالك: بحزن معندي مندير ملقيت حتى حل فكر معايا فشي حل لهد الحريرة
بقا ايهم كيفكر شحال هلي بتسم
ايهم: جتني وحد الفكرة ولكن معرفت واش أتعجبك ولا ن
مالك:قول نسمع ..
فالمغفر البوليس جالس كيحقق معاه الضابط عود ليه بلي مكانش فوعيو وهو مستعد يصحح غلاطو
الضابط:هدشي قولو فالمحكمة هنا فقط جوب على السؤال
عصام: اه اسيدي غتصبتها
الضابط: واش من عداوة عندك معها حتى تعرضتي ليها فالطريق وضربتيها
عصام: لا اسيدي متعرضتش ليها فالطريق هي لجأت عندي لدار
الضابط: بلا منبقو نتفلو على بعضنا راني عرفك اسي عصام البزناز وملفك عندنا وعارفينك اش تسوى غير عتارف
عصام: انا لعندي قلت اسيدي وانا متعرضتش ليها
تسمع لباب دخل شرطي سدي المرأة وبنتها جو ندخلهم
الضابط: اه دخلهم
دخلت حرية هي وهبة هز عصام عينه فهبة لكتشوف فيه بكل حقد غير شافتو تفكرت ديك الليلة بكل حركة منها ونزلت دمعة من عينها اما حرية فمشات حتى تقابلات معاه هزات ايدها حتاللمستواها وعطاتو لحنك حتى تسمعت التصرفقة وتصورو صبعها ف جوجهو
حرية: شداتو من قمجتو كفاش كتجرئ تقرب لبنتي ادوي
جاء الضابط شدها بعدها
الا لة راك فقسم الشرطة حنا للقانون وحنى لنعقبوه ماشي نت جلسي باحترام ولا خرجي برا ...شاف فهبة وجه ليها سؤال
قولي ليا واش هذا هو نفس الشخص نيت
هبة: اه اسيدي نفس الشخص وهو لتعرض ليا
عصام خرج عينه فيها : علاش كتكدبي اهبة نت لجتي لعندي
حرية:وزايدها بالكدوب مزال
الضابط: شوية الهدوء وسكتنا كلكم جوبو على قد السؤال فقط
عيط لشرطي طلب منو يدي عصام لحبس لين يوصل وقت المحاكمة
الضابط: ونت الآلة ايمكن ليك تمشي فاش نحتجوك انعيطوليك
خرجت هبة وحرية كتمشو وحرية لكتعير وتسب فعيصام وقفو طاكسي وركبو
وصلت العشية كانت الوجدية كتوجد كما طلب منها علي
ها الحلوي ها الشهيوات والديسيروالعصيرات على الشكال وجدات الطابلة ..اما علي للبس احسن معندو جلابة فالزرق وتقاد مشات الوجدية لبيت عندحيراء لقتها كتبكي .دخلت حداها
الوجدية: بنتي نوضي بركا عليك عفاك
حيراء:هئ هئ معرفت علاش با كارهني لدرجة بغي يزوجني لمن كان هئ هئ شنو درت حتى نوجه هدشي وفرحان لحزني
قربات حداها الوجدية عنقتها
الوجدية:بنتي صافي دري لقلت ليك
حيراء:خفت يحقد عليا كثر
الوجدية: نت غير دري بكلامي .. نوضي بدلي حويجك ولبسي القفطان لخديت ليك
انا انمشي نكمل دكشي لباقي دبا يجو الناس
خرجت الوجدية اما حيراء كتحس بجبل على كتافها بدلت عليها وجلست تفكرت هبة دوزت ليها الخط لكن تلفونها مخدامش قطعت حطات تلفون وبقات جالسة على اعصابها وخايفة من ردة فعل باباها
تسمع الدقان فالباب ناض علي والفرحة على وجهو مشا حل لضياف تسالم معاهم ورحب بهم دخلهم
كان عبد الغفور ومراد ومو جات الوجدية حتى هي دخلت سلمت على مات مراد لسميتها صفية وجلست معاهم شربو أتاي والكلو الحلوى حطو العشاء تعشو وكيهضرو علي هو مراد وعبد الغفور على الخدمة اما صفية كتهضر مع الوجدية على شي مرأة طباخة كتعرف طيب سلوالعشاء جمعت الوجدية الماعن ورجعت حداهم نطقت صفية
صفية:إوا فين العروسة مشفنها
الوجدية:ههه غير فالبيت حشمانة
عبد الغفور: إوا خصنا نعرفو رأيها
علي شاف فالوجدية وعرف بلي بغها تعيط عليها
مشات الوجدية وكطلب الله يدوز هد الليلة بخير مشات لقتها جالسة
الوجدية: بنتي يالله كيعطو عليك .
حيراء:خالتي خفت
الوجدية: ضبري راسك لعيا قلتو ليك مكاين لاش تخفي
نضت حيراء سبقت والوجدية تبعها من اللور دخلت وحدرة راسها ....
يتبع....
أنت تقرأ
🌿Hiraa and the professor🌿 《حيراء والاستاذ 《قصة بالدريجة المغربية
Aventure⚜️ [قصة قصيرة ]⚜️《 تاريخ كتابة بداية 2020》 عنـــوان القصة:°°حــيراء و الاستـــاذ°° الكــاتبة:°°[awatif belhfid]°° ♤إن بعد كل عسر يسر....وبعد كل ضيق فرج♤ °°°°⚜️ تـــــقديــــم⚜️°°°°° •••• عندما يكون الأب قاسي على أو...
