بعد كل عسر يسر وبعد كل ضيق فرج..
عزيز كيمشي وكيجي فالكولوار اما جوليا فغير كتبكي وايهم مسندها على صدرو وكيسكت فيها كل شي خايف وقفين على اعصابهم بقاو شحال هلي خرج طبيب عندهم مشا عندو عزيز
طبيب: المريضة تعرضت لأزمة وخلتها تفقد الوعي خصها ترتاح محيت احتمال عندها سكري غدا انديرو ليها الفحص ونشوفو ردو معها البال
عزيز: شكرا ادكتور ياك دبا بخير
طبيب:اه بخير غير مخصهاش توتر احسن تبعد من الاشياء لكتعصبها بالشفاء
عزيز: شكرا ادكتور
مشا طبيب تنهد عزيز اففف الحمدلله
ايهم:سمعتي شنو قلت ليك اجوليا
جوليا يالله رجعت فيها الروح شوية حمدت الله
جوليا:اه الحمدلله
شفت فيه شكرا لك بزاف ايهم
ايهم:واجب ديالي
جاء عزيز عندو
عزيز:شكرا لك اولدي قمتي بدور الولد بلاصة مالك لماماه بسببو فهد الحالة ومشا ودار ضهرو لينا
جوليا:بابا محيت خويا مبغيش يتزوج علاش تجبروه ممم علاش هد شي هو لوصل ماما لهد الحالة
عزيز:جوليا بنتي نت معرفة والو احسن بقاي ساكتة
مشا جلس فوق الكرسي اما جوليا طلع ليها الدم لرسها بقو وقفين كيتسنو حتى تفيق. ..
مازال غير كتبكي وتنهك وضرب فرجليها وتحصر على بنت ختها لمقدرت تحافض عليها
علي:الوجدية بركاا علينا من الدميع راه مرضتي ليا راسي وزيدون هي لخترت تمشي حنى مجبرنهاش
الوجدية:عمري انسمح ليك هئ هئ هئ اضلم نت لوصلتها لهدشي نت مفيك رحمة مفيك درة إنسانية هئهئ
علي:مغديش نرض عليك باش منوصلوش لشي حاجة اخرى انبدل ساعة بخرى
ناض مشا دخل لبيت باش ينعس
ياربي سلامة من بحال هد النوع البارد من جهت ولادو)
مالك:وقولي ليا فين ساكنة راه درنا نص فالمدينة وانا كنسول فيك
نزلو دمعها وبدات تبكي
حيراء:معنديش بيت هئ معنديش عائلة هئ هئ هئ
شاف فيها مالك وقف السيارة ديالو
مالك: صافي سكتي تهدني كيطبطب على كتفها عودي ليا شنو واقع ليك
حيراء عاد مازدت فوتيرة البكاء بقات فيه وهو جرها عنقها كيطبطب على راسها
مالك:حيراء عودي ليا شنو المشكل وعلاش كتبكي
بعدها شوي شوفي عودي ليا عتبرني لبغتي خوك صديقك لعجبك المهم متبقي تبكي
حيراء كتمسح دموعها وكتبعد شعرها للسق على وجها بالدموع
حيراء: خرجت من الدار متليتش بغيا نرجع ليها هدشي لنقدر نقولك دبا حطني غير فشي بلاصة انعتمد على راسي
مالك:خاطرك وقتما بغتي تهضري انسمع ليك وانا منخليكش فهد الليل وبهد الحالة اتمشي معايا صرحة حتى انا معنديش دار ههه
حيراء:وفين ساكن
مالك:قصة طويلة شي نهار ونعودها ليك دبا انمشي لبرطمو ديال صحبي
حدرات راسها وفهم من حركتها كبحالة متخوفة
مالك: شوفي احيراء ماتخفي والو انا عندي ختي وكما منبغيش ليها الادية حتى بنت ناس منبغيهاش ليها مفهوم
مزال حدرا رسها وحركتو بالايجاب
تحركو بعد دقائق وقف قدام عمارة كلها ابختومات كببببيرة بزاف حل باب السيارة وحتى هي خرجت طلعو وصل الشقة رقم 23 لكانت فالطابق التاني حل الباب ودخلو كانت ابغتومون زوينة بزاف ليها صباغة بالاسود والكري ودكورتها زونين والاتاث كلاص مجهزة بطريقة عصرية اكيد ماهي ديال ايهم المهندس ديالنا ههه
حط السوارت فوق وحد الطابلة ورها البيت فين تنعس وقالها تصبح على خير وتخد راحتها بتسمت ليه مشا حتى هو تلاح فوق النموسية فبيت زوين رجولي بالاسود والكري ومفرش بالاسود والكري كل شي زوين حط ايدو تحت راسو وبقا كيرحع احداث هد النهار كل شي حتى جاء فبالو العرض ديال ايهم لكان عرض عليه لحضة قال مع راسو
مالك:انا ماشي هو عزيز بن شقرون انا مالك منقدرش نستغل شي وحد على قبل مصالحي
نفض افكارو وغمض عينه باش ينعس وينسى هد شي ...
يتبع..
أنت تقرأ
🌿Hiraa and the professor🌿 《حيراء والاستاذ 《قصة بالدريجة المغربية
Aventure⚜️ [قصة قصيرة ]⚜️《 تاريخ كتابة بداية 2020》 عنـــوان القصة:°°حــيراء و الاستـــاذ°° الكــاتبة:°°[awatif belhfid]°° ♤إن بعد كل عسر يسر....وبعد كل ضيق فرج♤ °°°°⚜️ تـــــقديــــم⚜️°°°°° •••• عندما يكون الأب قاسي على أو...
