🌿Hiraa and the professor🌿 《حيراء والاستاذ 《قصة بالدريجة المغربية

🌿 جزء التلاثون🌿

.بعد كل عسر يسر وبعد كل ضيق فرج..

دازت هد العشية بسرعة وصل ليل كانت طابلة مزوقة بأشهى المأكولات فرح لبسة قفطان فالاسود  اما عزيز فلبس سروال وقميجة جالسين فالصالون كيتسنو الضياف يوصلو دازت وحد 20دقيقة حتى كيسمعو الصونيت فالباب مشات فاطمة تحل دخلو الضياف وقفت فرح مبتسمة مشات فتجهم سلمت مع صمنطا ومع منويل هلي روز رحبت بهم دخلو لصالون عيطات على فاطمة تجيب لهم اتاي محيت كيعجبهم اتاي المغربي بقو مجمعين كيهضرو نطقت روز
روز:خالتي:مالك مكاينش
فرح بابتسامة:شوية ويجي ابنتي خرج مع صحبو
روز بتسمت ليها ورجعو كيهضرو فرح وصمنطا لكتسولها على شنو الموضوع وهد الأخيرة رفضة تقول ليها دبا ....صونا جرس الباب مرة أخرى مشات فاطمة تحل
مالك:اهلا فاطمة
فاطمة:على سلامتك  اسي مالك
  دخل شفتو فرح عيطات عليه مشا عندهم لصالون سلم مع مانويل لكان كيهضر مع عزيز على الخدمة باس لمو راسها سلم مع صمنطا وروز
وجلس
فرح:ولدي يالله سولت عليك روز
   مالك ستغرب شاف فيها هد الأخيرة لحشمت
مالك:ياك مخصك شي مساعدة
روز لقتها فكرة باش تزيد تقرب منو
روز:اه خصني مساعدة  كنكتب وحد السيناريو وكيهضر على جزء من تاريخ المغرب وبغيتك تساعدني الى كان ممكن
مالك:اكيد مرحبا لوقت لبغتي
فرح:إوا بما مالك جاء خلونا نتعشو تفضلو لطابلة
  يالله اتنوض وتفكرت بلي رجلها ومالك شافت فعزيز لفهمها شنو قصدت وهو يشد فيها وكتمتل بلي كتعرج برجلها شافتها صمنطا واستغربت لكن مقالت والو ....كل وحد شد بلاصتو فالطابلة وبدو ميتعشو ومرة مرة كيهضرو فمواضيع مختلفة ....سلو العشا ناضو الصالون جات فاطمة جمعت الماعن طلبت منها فرح باش تجيب لهم قهوة مع مكسرات مشات فاطمة طيبات قهوة وجبتها وكملت جميع الطابلة ...كيشربو قهوتهم فهدوء حتى كسرت فرح هد الصمت

فرح: السي منويل مدام صمنطا ليوم عرضت علكم بغيت نهضر معاكم فحد الموضوع
منويل:اه تفضلي امدام كنسمعوك
فرح:كما كتعرفو بلي انا من النهار اللول عجبتني بنتكم روز بزاف بنت متقفة وقارية ومستوها عالي وبغيت الى وفقتو وفقت حتى هي تكون مرات والدي
  مالك شاف فمو حس براسو كبحالة تصرفق بطرشا....
يتبع....