🌿Hiraa and the professor🌿 《حيراء والاستاذ 《قصة بالدريجة المغربية

🌿جزء السادس والاربعون🌿

بعد كل عسر يسر وبعد كل ضيق فرج..

سد الباب غادي فجيهت دارهم وناس كيشوف فيه وحاضيونو ولا سيرة على كل لسان وصل دق فالباب خرجت ليه مراة كبيرة فالعمر
المرأة: السلام عليكم اسي علي كديرين مالين دار بخير
علي :(معصب) علاه ولداك خلا لينا شي خير ءءء لا تربية ولا اخلاق
المرأة: اشوقع اسي علي اش دار داك المتعوس تاني
علي: كلمه نتفهم معاه
  دخلت المرأة مشات لبيتو حميدة لقاتو مزال خامر بالنعاس ورحتو تعطعط
المرأة: تا نوض امسخوط الولدين نوض
حميدة: جر عليه المنطة بصوت ناعس) لوليدة يردي عليك خليني نعس
المرأة: جرت عليه المنطة) نوض يالمتعوس اشنو دير ممم حتى جاء علي جارنا يقلب عليك نوض
  حميدة غير سمع سميت علي وناض قافز حس بالخوف نتشر ليه فعضامو
حميدة: ومقاليك شنو بغا
المرأة: قالياعيطي عليه نتفهم معاه
حميدة: اوووه مشيت فيها الله يخد فيك الحق انهيلة
المرأة: اش تبرݣم تما نوض خلاص
   ناض خرج حاني راسو
حميدة: السلام عمي علي
علي: سير الله يعطيك العمى شدو من قرفتو  فالليل غادي تجي تخطب ديك الخنزة لدرت نت وياها هد الفعلة ولا والله حتى نديكم فين تربو بجوج طيحتو بكرامتي الله يخد فيكم الحق وعندك عندك هد الليلة صافي
   طلق منو ومشا اما حميدة فرح واخيرا وصل لدكشي لبغا
حميدة: العز انهيلة شويطينة ههه
  دخل لدار سولتو مو علاشنو بغاك قاليها بلي ايمشي يخطب
المرأة: علي قالك الاستاذ خطب بنتو واوا الله يجعلني اجي ولا ياك مدرت شي زبلة ولا ياك مدرت شي حاجة لبنت اودي
حميدة: ووالو الوليدة مدرت الله يهديك راه كتبغني  إوا وجدي راسك باش نمشيو نخطبو ...

مالك وايهم كانو فالجردة ديال دار كيشربو فالقهوة وكيهضرو ويتناقشو
ايهم: فكرت فالاقتراح لعرضت عليك
مالك: واش نت حمقيت منيتك هد الفكرة ممسلكاش
ايهم: وشنو المعمول
مالك: دايخ والله معرفت من جهة الوليدة لفرحنة ومن جهة الكلمة دخت دخت
ايهم: إوا نت تعرف انا بغيت نساعدك
خرجت فرح معها فاطمة هزين شي شسيات فيهم داكشي ليحتاجو فقاعة الحفل شافت ايهم ومالك قالت لفاطمة تسبقها لطموبيل ومشات عندهم
فرح: صباح الخير ولدي ايهم
ناض ايهم باش ليها ايديها
ايهم: صباح النور بخالتي فرح كديرة مع الصحيحة بخير
فرح: الحمدلله اولدي متنسى تجي لحفل لديرين فالليل خطوبة الرسمية ديال مالك وروز
ايهم: كيشرفني اكيد انجي شحال من مالك عندنا
فرح:ههه يالله نخليكم نمشي نكمل شغلي ...
   
يتبع...