.بعد كل عسر يسر وبعد كل ضيق فرج..
خرجت حيراء من اللسي كتمشى حتى وقفت عليها نهيلة
نهيلة: ههههه إوا فين مشات صحيبتك لمدافعة ياك مصافي تسلو ليها
حيراء: (شافت فيها باشمئزاز) واش فراسك بلي كنشفق عليك
تعصبت من هد الكلمة لقالت
نهيلة: لهلا يحيك الق...ة حتى تشفق عليا وحدة بحالك
حيراء: انا بزاف عليك ومتوصلنيش ومندير فوحدة بحالك راسي نخليك
تخطتها مشات وقفت طوبيس وركبت
اما نهيلة فكتحس بالسم كيغلي ليها فالداخل ديالها
نهيلة: غير بلاتي يالكلبة الى مندمك منكونش نهيلة
دخلت لسي محيت عندها حصص فالعشية
فالدار ديال عائلة بن شقرون جلسين مع بعضيتهم كيضحكو ومفوجين على بعضيتهم وكيتفرجو على قفاطن ديال العرس اخر موديل فالكتلوݣ
فرح: والله حتى هد القفطان واعر ايجي مع روز بزاف
صمنطا: اه عجبني اول مرة انلبسو هد اللبس التقليدي صرحة كنشكرك افرح اول مرة كنشوف بنتي الفرحة بينا فعينها
شدات ليها فيديها
فرح: بلا متشكرني روز بنت ضريفة وكتستهل ولدي وحتى هو كذالك
دبا خلينا ندوز لغوب نختارو ليها ومني تجي تشوف لعجبها
صمنطا: اه اكي
بقو كيتفرجو فالقفاطن وكل وحدة وشنو عجبها واش خترت على قبل العرس ديال مالك وروز
وقف الطوبيس نزلت غادية فالدرب ديال هبة كتسول على دار ديالها فين كاينة نعت ليها وحد الولد صغير فين كاينة بالضبط بقات غادية حتى وقفت قدام واحد الباب خشبي بالقهوي ضغطت على الجرس المرة اللولة المرة التانية
طلت عليها حرية من الشرجم لفوق
حرية: شكون لكيدق
بعدات حيراء شوية حتى تقابلات مع حرية
حيراء : سلام وعليكم واش هنا دار ديال هبة
حرية: اه ابنتي هي هدي شكون نت؟
حيراء: انا اخالتي صحبتها حيراء جيت نسول عليها ياك لباس عليها بعدا واش كاينة
حرية: بخير ابنتي لباس عليها لا لا مكايناش ابنتي مشات عند خالتها لعربية
حيراء: وخا اخالتي شكرا
مشات حيراء وصلت لبلاصة فين يوقف الطوبيس تسناتو حتى جاء وطلعت
ركب فسيارتو حتى تفكر بلي ايتلقا بها ليوم فالعشية صونا ليها وجوبت
روز: وي حبيبي
مالك: واش نجي نخدك ولا اتجي فسيارتك
روز: لا بلا منعدبك انجي فسيارتي غير قوليا فين انتلقو
مالك: فالمطعم لتلقنا فيه اخر مرة
روز: اكي 5 الدقائق ونكون عندك
نهى المكالمة لمحاملها من الاساس كمل طريقو لمطعم بعد دقاىق نزل من سيارتو لصفها فالبارك ديال المطعم دخل وشد طابلة مطلة على البحر
جاء عندو السرباي
السرباي: سيدي شنو تبغي تخد
مالك: ماشي دبا كنتسنى وحد الشخص
السربي: اكي مسيو
مشا السرباي اما مالك بقا كيتسنى مربع ايديه وكيفكر فهدشي لغدي يدير كفاش ايقدر يضمر حياتو بديه...دزت 20 دقيقة حتى كتبان ليه دخلة لبسا لبسة حدا الركبة ومخليا شعرها مطلوق هزا ساك بالبيض والابتسامة مرسومة على محياها ..توجهت لجهتو باستو فحنكو جلست
روز: دزولي طعطلت عليك الزحام فالطريق
مالك:(ابتسامة ديال بزز) ماشي مشكل
شار لسرباي بديه جاء عندهم
مالك:شنو تبغي تخدي
روز: بغيت نخد على دوقك
مالك: جيب لينا معكرونة بالفرماج والدجاج ولصلاد وجيب لينا شي عصير يكون زوين ليمون
سرباي: اكي مسيو
قيد السرباي دكشي لبغو ومشا
روز: ( حطت ايديها على ايدو) صرحة انا فرحنة بزاف محيت اتكون زوجة لك
مالك كيبتسم وكيحاول يهرب ايدو منها
مالك: شكرا لك فين وصلتي فالسيناريو
روز: قريب نساليه وفاش نبغي موقع العقد بغيتك تكون معايا
مالك: اكي ان شاء الله
جاب ليهم سرباي داكشي ليغوحطو ليهم وبقو كيكلو فهدو روز مرة مرة كتبتسم ...
يتبع....
أنت تقرأ
🌿Hiraa and the professor🌿 《حيراء والاستاذ 《قصة بالدريجة المغربية
Aventura⚜️ [قصة قصيرة ]⚜️《 تاريخ كتابة بداية 2020》 عنـــوان القصة:°°حــيراء و الاستـــاذ°° الكــاتبة:°°[awatif belhfid]°° ♤إن بعد كل عسر يسر....وبعد كل ضيق فرج♤ °°°°⚜️ تـــــقديــــم⚜️°°°°° •••• عندما يكون الأب قاسي على أو...
