🌿Hiraa and the professor🌿 《حيراء والاستاذ 《قصة بالدريجة المغربية

🌿 جزءالتالث والثلاتون 🌿

.بعد كل عسر يسر وبعد كل ضيق فرج..

      بعد يومين...
كيف العادة خشية رسها بين ركابها ومعنقهم وعينها مركزين في النقطة وحدة دخلت عندها ماماها حرية لكتأسف على الحالة لولات فيها بنتها لمعرفة حتى شنو سببها قلبها كيتقطع بزاف كفاش قدرت تمشي وتخلي بنتها هد المدة بحدها كان خصها تخدها معاها ومتخليهاش من وراها فاخير المطاف كتبقى مزال مراهقة وخصها افهمها ويوقف جنبها ...قربت ليها حطات ايديها  على شعر بنتها كتمررها بلطف وقلبها مليئ بالحسرة
حرية: عفاك ابنتي غير نطقي بكلمة متبقايش ساكتة راه كتقتلني بسكوتك  قولي ليا غير شنو صرى معاك واش مقلقة مني واش درت ليك شي حاجه هضري متبقايش ساكتة ابنتي الله يخليك
   (زات كتبكي )انا عارفة بلي خليتك بحدك ولكن راه ماشي بدي وراك عارفة شنو خلاني نمشي ونبعد عليك هئ هضرييي تكلمييي عفاااك قولي مالك واش تلات ايام مكلتي مدقتي النعمة مخرجتي من البيت
هضري اهبة قولي ملكي
هبة كتشوف فنقطة محسات بدمعة حتى نزلت من عينيها وكتغوت
هبة: ضعت هئ هئ هئ ضعت صااافي ضعت
على إثر هد الكلام حرية خرجت عينها شدات ليها وجها بين ايديها والخوف متملكها وكطلب ميكون دكشئ لفبالها
حرية:هبة شنو كفاش ممم واش شي وحد ...لا لا مبغيتش نطق اكيد شي حاجة اخرى
فهد اللحظة هبة زادت فوتيرة البكاء
هبة:هئ هئ هئ هئ سمحي ليا هئ سمحي ليا اماما مشا شرفي هئ ضعت
حرية تصدمت وخرجت عينها حاسة بلي موس تغرز فيها هي سبب كل هدشي كن بقات حدا بنتها عمرها كانت اتعرض لهدشي
حرية:هئ أنا سبب ابنتي هئ ياربي وشنو هد المصيبة طحت علينا
مزال هبة كتشهق وتغوت بجهد لدرجة الغرفة كيتسمع فيها غير صدى صوتها
جرتها حرية معها لدوش دخلتها وسدات الباب دخلتها تحت الرشاشة طلقت لماء وعنقتها وكتبكي وتشهق شهقات متقطعة حسات بيها هدات شوية وهي تخرجها درت ليها فوطة فوق رأسها ولبستها بنوار خرجتها داتها لبيت ديالها جلست فوق الحافة ديال النموسية مسحت ليها شعرها مشات جابت ليها حويج بدلات ليها  حيدات حتى هي حويجها الملينين تكتها فوق نموستها وغطتها بقات كدوز ايديها على راس هبة حتى حسات بها غفات سدات البيت عليها وخرجت لصالون قلبها ايخرج من بلاصتو كتفكر كفاش اتقدر دير حتى تحل هد المشكل وجات فبالها فكرة الحمل زاد خوفها كتر من اللول...

كل شي سالا الامتيحان بقات غير هي وشي داراي مبقى والو ويصوني الجرس ديال الخروج كان جالس فوق المكتب بمعنى حارس على التلاميذ شاف فساعتو
مالك: يالله يالله لبقي مكتب سميتو يكتبها الوقت راه سالا سربو
حيراء متوترة خصوصا انها يالله بدات فالمقالة   لمكانت معولة  تجيها فالجغرافيا بدو كيعطو الدراري لبقين الوراق ديال الامتحان بقات غير هي كتكتب وتزرب
صونا الجرس
مالك:انسة المريني الوقت سالى يالله ارى الورقة
حيراء:عفاك استاذ غير نكتب الخاتمة
مالك: إوا طلقنا واش انبقو هنا
رجعت كتزرب فالكتابة اما مالك فكيجمع اغراضو فالحقيبة وكيقاد الفروض فالملف باش ياخدهم شاف تلفونو كيصوني غير شاف شكون وهو يتأفف وقلب عينه
مالك:اااف شنو بغات هذي تاني
  (جوب )سلام روز
روز:هاي حبيبي كيف دوزت لكزام
مالك: بخير الحمدلله مزيان
روز:شنو بالك الى معندك والو نخرجو هد العشية
مالك:امم واكي
روز:كنبغيك احبيبي
مالك: عارف وانا  نخليك دبا خصني نخرج
  قطع عليها محاملش راسو كفاش يقدر يعيش مع وحدة حتى نبضة فقلبو مكترجف ليها كمل جميع اغراضو  وقفت عليه حيراء مدت ليه الورقة لكن شافتو ساهي
حيراء: استاذ جبت ليك الورقة  شكرا لك
مالك: بتسم ليها
غادية خرجة حتى تفكر وقفها
مالك:انسة حيراء
درت عندو
حيراء:وي استاذ
مالك: صحبتك شفتها مجاتش ياك ممريضة
حيراء: كنصوني ليها والي ديالها مطفي معرفت عليها حتى حاجة ليوم انمشي نشوفها
مالك: اكي مايكن عندها باس ...
يتبع....