🌿Hiraa and the professor🌿 《حيراء والاستاذ 《قصة بالدريجة المغربية

🌿 جزء السادس و العشرون🌿

.بعد كل عسر يسر وبعد كل ضيق فرج..

وقفت سيارة ديالو قدام الدار وخرج كيجري كيصوني فالباب ويعاود حتى حلت ليه فاطمة
مالك:(بخوف)فين الوليدة مالها شنو طرأ ليها
فاطمة:راها فبيتها
طلع مالك كيجري عندها
كانت فرح فالبيت مسرحا فوق النموسية ديالها وعزيز حداها
عزيز:واش هدشي ايجيب نتيجة ءءء
فرح:صبر وخلني نشوف
  (سمعت لبيت تحل وهي تزيد تبكي) هئ هئ اح ياربي صافي انموت وانا صغيرة هئ هئ
دخل مالك شفها تبكي وقرب ليها باس ايدها ورسها
مالك:ماما ملك شنو وقع ليك
فرح:هئ هئ هئ هئ  رجلي كضرني اولدي هئ هئ
مالك:الوليد شنو وقع ليها
عزيز:زلقات وطحت من الدروج
مالك:يالله نمشو لطبيب
فرح:(تخلعت) لا اوليدي
مالك:ماكين لا مات لا
عزيز:ولدي متشوف الفاصمة فرجلها راه جبت ليها الطبيب
مالك:شنو قال ليها
يالله اينطق عزيز سبقتو فرح
فرح: هئ قاليا تقسح ليا العظم بزاف وقاليا فكني الله هئ هئ كنت غادي نموت ومزال مشفت ولاد ولدي هئ
مالك:ماما الله يهديك بركا من البكاء
فرح: هئ هئ نت اولدي مبغتي تزوج بغتني نموت ياك ومنشوفش ولادك هدشي لبغيت  هئ هئ مكتهمك ماماك
مالك:الوليدة الله يهديك اش هد الهضرة كتقولي مكايناش الله يطول فعمرك
فرح:(درت رسها تعصبت) صافي سير دير لعجبك نت عارف بلي مندومش ليك ومبغي تحقق ليا غير هد الحلم هئ هئ هئ نت مكتهمك ماماك  كتفكر غير فرسك صافي خرجو بزوجكم وخلوني هئ هئ
مالك:(شد ليها ايديها)ماما شوفي فيا
فرح درت راسها مقلقة وكتبكي وحدرة رسها
مالك: صافي متلتي بغتي تشوفي فولدك
هزت عليها وشافت فيه
فرح:ولدي مبغا يدير لمو خاطرها محدها عايشة
مالك: وخا اماما انفكر فالموضوع
فرح: بصاح اولدي
مالك:حرك ليها رسو ..اه
فرح:بست ليه ايديه بزوج..الله يرضي عليك
   بتسم ليها مالك باس راسها وخرج وراسو اينفجر كفاش ايتزوج وهو  مكيبغيش توحدة وشكون هذي ليتزوج بها باش يرضي خطر مو طلع لبيتو دوز ابيل لحارس لعام وخبرو بسبب لخلاه خرج تفهم الحارس العام الموضوع من بعد نهى المكالمة بقا مسرح فوق نمستو وكيفكر فهد الموضوع لخرج ليه من الجنب
خارجين من الليسي بزوجهم وكيهضرو
حيراء: مزيان نيت لمدار لينا حصة ليوم
هبة:سولت وحد البنت وقالت ليا بلي جاه ابيل من بعد خرج وباين بلي شي وحد وقعت ليه شي حاجة
حيراء: مسقناش فيه يستهل محيت ظلمني
هبة: حيراء من امتا عدتي عدوانية هكا فين مشات ديك البنت الضريفة
حيراء: مني قسات عليا الوقت
هبة:كفاش قسات عليك
حيراء: افف فيك بزاف الأسئلة خلينا نمشو دبا يدوز الطوبيس وانا فيا الجوع
  تحركو حتى وصلو لموقف الطوبيس وقفو كيتسناوه جاء وركبو وصلت هبة لطريق لكدخل الدرب تسلمت مع حيراء وهبطات غادية ونفس الوقت كطلب متلقا مع صاحب دعوتها كتزرب فالمشية حتى خرج ليها من وحد الزنيقة تخلعت
هبة:اووف خلعتني نت كيشيطان
عصام:هد الشيطان هو لهرسك الى معرفتي شنو تخرجي مع فمك
هبة:قوليا غير شنو بغت عندي فين ما كندوز طلقاك قدامي
عصام:ايجي نهار تبغني غير تلقيني ومتلقيش
هبة:كتحلم بزاف قوليا شنو بغتي خصني نمشي لدار
عصام: بغيت نتلقاك هد العشية الى بغتي
هبة: وشنو المناسبة
عصام: عندي شي هضرة بغيت نقولها ليك
هبة:قولها ليا دبا انا نسمعك
عصام:هبة هدي ماشي بلاصت الهضرة
فالعشية اتلقيني نتسناك فالجردة لقريبة لسوق
هبة: حتى نشوف
عصام:انا انتسنى ومتأكد غادي تجي
  مشا خلاها وقفة كتسأل شنو هد الموضوع لهضر معها فيه  كملت طريقها لدار

وصلت حيراء لحي فين ساكنة تلقات مع جرتهم هزة شي سشيات تقال مشات عونتها
الجارة:الله يرضي عليك ابنتي سلمي على الوجدية
حيراء: وخا اخالتي مبلغ
رجعت حيراء لدار يالله ادق وهو يوقف باها  سلمت عليه
علي: شنو كنتي دري فدار عند عايشة
حيراء: غير عاونتها ابا
علي: عونتي ياد رسك مخصك اناس شنو هد اللباس مقزب متعرفي تلبسي شي حاجة مستورة ولا عزيز عليك الشوهة ياك
حيراء:(حست بعينها غرغرو)ولكن ابا راه.
علي:(قاطعها) سكتي قبل من صرفقك وهد اللباس مبقي لقاك به مزيان تبرك الله لا حشمة ولا تربية
حل الباب دخل وتبعتو وهي معصبة معرفت علاش هد باها محررها فيها واي حاجة مكتعجبو مشات لبيتها طالع ليها الزعف بدلت عليها وجمعت شعرها لفوق مشات دخلت لكوزينة رضت الوجدية ليها البال بلي مقلقة وحبسة الدمعة فوق جفرها
الوجدية:ملك ابنتي
حيراء: والو اخالتي  قبل من نسى سلمت عليك عايشة جرتنا
الوجدية: يسلم عليها الخير فين لقتيها
حيراء: غادية لدرها
  انحط لغدا باش نتغدو
حطات حيراء الماكلة وجلسو يتغدو ...
يتبع....