🌿Hiraa and the professor🌿 《حيراء والاستاذ 《قصة بالدريجة المغربية

🌿 جزء السابع والثلاتون🌿

.بعد كل عسر يسر وبعد كل ضيق فرج..

فحد المول كيتسرو بزوج ولعجبتهم كيخدوها خدو بزاف الحويج دزو على وحد المصمم وراتو فرح القفطان لبغات  وصمنطا حتى هي قررت تلبس بحالها فهد المناسبة من بعد مكملو مشو لوحد المول خاص بالمجوهرات خدو لهم كل ما يحتاجو فرح شرات لروز سرتلة ديال الدهب خفيفة وسامبل بالكرميت ديالها وخاتمها اما صمنطا فخدات ليها حلاقات محيت عرفها كيعجبوها الحلاقات
كملو التسوق ديالهم وخرجو تودعت فرح مع صمنطا وكلها ركب فسيارتو من بعد مخبرتها بلي خصهم يحضرو لعشا محيت عرضة عليهم بمناسبة تحديد موعد الزواج
طلبت من الشيفور يوصلها لوحد البتسري باش تخد الحلوى

كانو فالملعب كبير بزاف كلها كيشجع فريق ها لغوت ها لي يقول هااااي فاش كيتسجل شي هدف جلسين مالك لكلما سجل فريقو شي هدف كيصفر محيت تاني حاجة عزيزة عليه من بعد خدمتو هي الكرة اما وحد ايهم فجالس ومهني بالو شد تلفونو وكيخربق فيها ممسوق لكرة دازت 20 دقيقة ونتهى الشوط الاول قرر ايهم يمشي محيت عند شي شغل صوناو ليه من الملتقى المهندسين سلم معاه ونسحب  وبقا مالك كيتفرج فالمباراة ..

من بعد مقرتها مزيان شنو اتقول فالمغفر دخلو تلقى ليها وحد الشرطي
لالة شنو خصك
حرية: بغيت نقدم شكوى اسيدي
الشرطي: على شنو
حرية: اغتصاب بنتي تعرضت لاغتصاب اسيدي (حدرت راسها)
الشرطي: وخا الآلة تسني دقيقة
   دخل الشرطي عند وحد المحقق خبرو بلي شي وحدة بغات اقدم شكوى وطلب منو يدخلها
خرج الشرطي طلب منها تجي دخلات وسد باب البيرو ورجع لخدمتو
المحقق: تفضلي الآلة شنو عندك
حرية: انا سيدي بغيت نقدم شكوى على وحد السيد غتصب ليا بنتي
   بدات كتبكي )بنتي هئ مسكينة ضع ليها شرفها هئ
المحقق: اكي واش هدي هي بنتك
حركت هبة راسها
هبة: اه اسيدي انا
  (حدرت راسها )
المحقق: عودي ليا كفاش وقع وشكون هذا
شفت هبة فمها وتفكرت هضرتها لقالت ليها وهي تبدأ تعود ليه وتبكي وخا زادت كدبت ولكن هدشي كامل باش تقدر تخد حقها
المحقق: اه هد سيد عندو سوابق غير نشدوه وغادي نقلو ملفك المحكمة باش تنصفك
حرية: شكرا لك بزاف اسيدي والله يخلي لينا القانون لنصرنا
المحقق:واجب الآلة
  خرجت حرية هي وهبة وشادة فيدها حتى خرجت من المغفروهي تنطر ايديها من مها
هبة: هدشي لدرنا مكانش خصنا نديروه
حرية:هبة بلا متعصبني كيستهل كثر ولا نستي شنو دار فيك ممن نستي فين ادري وجهك وشكون هذا لقبل عليك هضري ممم هضري نسمعك
هبة نزلت ليها دمعة من عينها مقدرتش تيق بلي فقدت شرفها تمشات وتبعها مها من اللور لمعصبة ومكرهتش تشوف هد عصام باش توريه كفاش يقرب لبنات ناس وقفت طاكسي وركبو ...
يتبع....