🌿Hiraa and the professor🌿 《حيراء والاستاذ 《قصة بالدريجة المغربية

🌿 جزءالتاسع والثلاتون 🌿

.بعد كل عسر يسر وبعد كل ضيق فرج..

مشات لكوزينة سخنت ليه العشا حطاتو فوق الطابلة فهد الاتناء كان دخل هو وغسل وبدل جاء يتعشى وجالسة حداه
الوجدية:علي شتك تعطلتي ليوم
علي:غير الخدمة لكثيرة . فين حيراء
الوجدية:(استغربات محيت اول مرة يسول على بنتو)شنو بغيتها
علي: شنو هد السؤال
الوجدية: إوا نكدب جاتني عجب تسول عليها
علي: اممم واش نعسات
الوجدية:اه نعسات ميمتا  ياك مكاين مشكل
علي: حتى لغدا وتعرفو شنو كاين .
   كمل مكلتو ومشا دخل ينعس اما الوجدية فجمعت الماعن والفضول كيكول فيها شنو ايقول ليهم علي غدا..جمعت الماعن خسلتهم ومشات تنعس

يوم جديد.... فالدار عند عائلة بن شقرون كانت فاطمة كتوجد فالطابلة دلفطور حتى سمعت الصونيت فالباب ستغربات شكون هذا ليجي مع الصباح عندهم .. مشات حلت لباب وهي ممصدقاش شكون جاء
فاطمة:الآلة واش بصاح نت لوقفة قدامي ولا غير كنحلم على سلمتك .
جوليا:ههه الله يسلمك افاطمة توحشتكم بزاف
فاطمة: توحشتك احبيبتي وخا نعنقك
جوليا: اه اوف كورس اجي
عنقتها دخلو لدار ودخلت معها لفاليزات ديالها
  فرح لكانت هابطة مع  دروج بشوية وكتشوف فخطوتها
فرح: فاطمة شكون كيدق
  نطقت جوليا
بنتك لجأت .
هزات فرح عينها جهت لباب وممتيقاش بلي اخيرا بنتها لشحال هذا وهي بعيدة جات نزلت دمعة اشياق من عينها ونزلت بزربة
  جوليا لملصت الصاك ومشات كتجري عنقت مامها وهي فقمة السعادة والفرح بقات كتبكي فرح من فرحتها ببنتها فاطمة شافتهم يبكووتأترت بدمعهوم اااه الغربة صعيبة غير فاش كيبعد علينا شي وحد غير وحد السمانة كنشتقو ليه وكنولو بغين غير نضرة منو ولمتا غير يرجع واكيد شحال من وحدة عاشت هدشي
هبط عزيز لسمع صوت البكاء وتخلع شافتو طلقت من مامها ومشات تشبع من حنين باباها حتى هو باستو فيديه وعنقتو وبدلها عناق حار
عزيز:توحشناك ابنتي كيف ديرة بخير .
جوليا: بخير الحمدلله منين شفتكم وجيت بين عائلتي فين هو خويا مالك
  فرح: شوية وينزل ابنتي توحشتك ينور ديالي
جوليا: وحتى انا توحشتك حبيبتي
فرح: اجي لفطور واجد نفطرو  ونجلسو نكملو هضرتنا
جوليا:الله توحشتك الاكل المغربي
   تجمعو على طابلة الفطور بدو كياكلو شوية نزل مالك غير شافتو جوليا مشات كتجري عنقتو بكل جهدها وحتى هو نقصرش من جهتها
مالك:على سلامتك اموموشا ديالي هههه
جوليا:اوو مزال عاقل عليها ههه
مالك:ومالي انسا سع ههه  كيف ديرة بخير
جوليا:بخير الحمدلله اخويا ونت كدير مع شي تدريس
مالك:بخير الحمدلله هاحنا
فرح: صافي تلقيتو تاني اجو تفطرو
مالك: زدي زدي مامك بدات تاني اتبقا تجيها الغيرة
جوليا:اه اه محيت متغير منك
فرح: علاش انغير منو نتما ولادي بزوج .
مالك:وخا اماما انشوف
كملو فطورهم فجو من الفرحة والضحك مالك تسلم معاهم مشا لخدمتو وعزيز كذلك مشا لنصنع

فبيتها كتقاد شي تمارين ديال التاريخ محيت دخلة مع 10:00 حتى سمعت خالتها كتعيط عليها باش تفطر سدات الكتاب وناضت مشات غسلت ايديها وجلست كيفطرو مجموعين مرة مرة الوجدية كتشوف فعلي لفضول ايكلها كتسنى غير فمو ينطق
علي: بغيت نقولكم بلي ايجو عندنا شي ضياف 
الوجدية:اه مرحبا بهم
علي: على قبل حيراء
حيراء غير سمعت اخر كلام وهي تشوف فخالتها  وكتصرط الدغمة بزز حست بلي شي حاجة تما
الوجدية:(بإستغراب) كفاش على قبل حيراء
على: غادي يجيو يطلبو ايدها لزواج . وانا وافقت
الوجدية خرجت عينها فيه اما حيراء وحلات ليها المكلة بدات كتكح كح كح كح كح
الوجدية:(مضربها بشوية على قرفدتها)بسم الله عليه ابنتي شربي الماء
  هزات حيراء كأس شربت
حيراء: كفاش ابابا
علي:كيف سمعتي
الوجدية:وعلاه تشورتي معاها باش تخد قرار بلاصتها
علي: الوجدية هذي بنتي وعارف شنو يليق بيها وزيدون فين اتلقى بحال هد الناس
حيراء:(رغرغو عينها ممتيقاش شنو كيقول باها) عفاك ابابا انا بغا نقرأ
علي:(خنزر فيها)هضرة منعودها وزيدون نت لخرجتي قدام الدري مثلت ليك خرجي باش تعجبيه
الوجدية:علي يهديك الله وشكون هد الناس بعدا
علي: الوجدية انصيفت ليك المقدية مع سعيد ونبغي تحضري كل شي دايز الكلام
   وقف خرج وخلاهم ايطرطقو  حيراء طلقت العينان لدموعها
حيراء:هئ هئ عفاك اخالتي مبغيتش نتزوج دري شي حاجة
عنقتها .
الوجدية: لا حول ولا قوه الا باك خرج ليه العقل الله ابنتي واش عند الميت ميدير قدام غسلو
حيراء كتبكي وتقول مبكيت
حيراء:انا مستحيل نتزوج بغيت نقرأ [ببكاء] عفاك قنعيه اخالتي مبغيتش نتزوج بوحد منعرفو .
الوجدية:(كتمسح ليها دمعها )الحل لعندك هو انك تصبري حتى يجو ومني يبغو يشوفوك ادخلي وقولي ليهم مبغيت نتزوج .
حيراء: الى درت هكا ايقتلني با
الوجدية: نت غير دري هكا ومن بعد خلي كل شي عليا ايتقلق ويخاسم ولكن افضل من انك تزوجي
حيراء: وخا اخالتي ..
يتبع..