🌿Hiraa and the professor🌿 《حيراء والاستاذ 《قصة بالدريجة المغربية

🌿جزء السابع والاربعون🌿

بعد كل عسر يسر وبعد كل ضيق فرج..

   مشات فرح ركبت فالطموبيل قالت لشفور يديهم لقاعة لختارت باش تكون فيها الحفلة
اما مالك وايهم بقو مجمعين وكيهضرو حتى شاف ايهم جوليا داخلة تلفت فيهم لقات عليهم التحية من بعيد بتسم ليها وبقا متبع ليها العين رد ليه البال مالك ونطق
مالك: رد بالك هديك ماشي بنت البرتوش
ايهم:هااا لا لا غير سهيت صرحة ختك زوينة عجبتني شنو رأيك نتناسبو هههه
مالك: هههه ختي كنترفها دوقها صعيب شوية وجرب لكن عندك تفكر دير شي حاجة
ايهم: منيتك راه خت صحبي وزيدون انا بغي لحلال عيت من هدشي ديال الدوران وبنات الليل
  يالله انمشي نخليك فالعشية ونتشوفو
مشا ايهم اما مالك كمل قهوتو وطلع لبيتو

وصلت العشية كانت القاعة ديال الحفل مزينة بالورد وبالاضواء تصميم ديال صمنطا تصميم فرنسي وطوابل مقدين بطريقة عصرية زوينة كانت فرح لبسة قفطان بالازرق الملكي وفيه حجبيرات بالابيض وحاطة عقد بالصفر باين بلي دهب ومقادة وجهة بطريقة خلاتها تبان أصغر بكثير من السن لهيا فيه وقفة حداها صمنطا كيرحبو بالضياف لبسة حتى هي قفطان بالاسود وطاقة شعرها الازعر حطات كحل مغربي وشوية الروج جات فنة كتبان زوينة وصغيرة بالرغم انها ضعيفة اما منويل هو عزيز كانو واقفين مع شي رجال اعمال ومنساجمين فالهضرة
وقفت سيارة قدام قاعة الحفل هبطات منو اميرة اية فالجمال لبسة كسوة حتى لتحت ودير شعرها بوكلي عوينتها البونيةدخلة مع القاعة وكل شي كيشوف فيها تقدمت فرح لفرحة بديا على وجها
فرح: بنتي حبيبتي اجي نعرفك على صمنطا
جوليا: بتسمت ليها
مشات معاها تسلمت مع صمنطا وتعرفت عليها وبقات واقفين حتى جاء ايهم رحبو به رمقها بنضرة اعجاب وحتى هي شافت فيه وبتسمت ليه مشات جيهت طابلة حطات ليها حلوى وطلبت من السرباي عصير  عطها
وقف حداها
ايهم: تبرك الله مشاء الله زوينة جتي كتحمقي
جوليا: شكرا لك ونت كذلك انيق
ايهم: ماشي بحالك طبعا  ممكن نتعرف عليك كثر
جوليا: اكيد
   نخلو هدو يتعرف على بعضهم ..

فالكوزينة ديال قاعة الحفل كانت فاطمة مع صحبتها جايتها باش تعونها محيت تكلفت بتقاد ديسير  وكانو كيهضرو على العروسة
فاطمة: وتشوفي اصحبتي لالة فرح شنو درت باش خلات سي مالك يوافق
البنت: شنو دارت
  حس بلي خصو يبعد شوية غادي جهت الكوزينة بغا ينسى هد الجو بغا ينسى بلي ليوم غادي يدخل لقفص مكانش حاملو وزيدها مع وحدة مبغيها حتى كيسمع لشي هضرة لخلاتو يتصدم ويرجع بخطوة للور بعد من الكوزينة وصل حدا وحد الحيط
مالك: كفاش قدرتي ضحكي عليا اماما وانا لكنت انضحي بسعادتي باش نرضيك كفااااش
  ضرب ايدو مع الحيط رخرخ ربطة العنق )وخا بغتي تقيدني وهدشي على قبل مصالح مالها حتى وجود حتى انا اندير لمليه عليا راسي
   رجع لحفل وكيتصرف عادي كيبحال تحاجة موقعت شاف ايهم مشا عندو تسالم معاه
ايهم: تبرك الله على لعريس جتي تيتيز
مالك: ايهم ممكن تعطني سورات ديال البرطومن ديالك
ايهم: تعجب) شنو بغتي فيها تسنى تسنى ههههه صافي فهمت و خا علاش لالة مرحبا
   دخل ايدو لجيب حيد ساروت من بين سوارت ديال دارو فين ساكن وعطاها ليه ) تفضل بصحة حلال عليك هههه
مالك:شكرا شنو فهمتي بعدا
ايهم: هههه بغتي تزرب على الفرنسية هد الليلة ...
مالك:بتسم مزيان كتفهم ضغية معندي ميتسالك...
يتبع...