🌿Hiraa and the professor🌿 《حيراء والاستاذ 《قصة بالدريجة المغربية

🌿 جزءالتامن و الثلاتون🌿

.بعد كل عسر يسر وبعد كل ضيق فرج..

وصلت وقت الغداء فالبزار جالس فالبيرو وخدامة خدامين اما هو فكان كيحسب شي فواتر ديال الشهر لفات بخصوص شي سلعة دخل عبد الغفور عندو
عبد الغفور: وحد السلام وعليكم
علي:مرحبا نهار كبير هذا اسي عبد الغفور
عبد الغفور:الله يكبر بك اسي علي كدير بخير العائلة والوليدات
علي:بخير الحمدلله هد الساعة
  (عيط على وحد الولد خدام ) سعيد وسعيد
جاء سعيد يجري عندو
سعيد:نعام أبا علي
علي:سير جيب وحد البراد أتاي وجيب معاك  وحد الطبسيل ديال الفاكية
عبد الغفور:بلا متعدب راسك اسي علي جيت انهضر معاك فحد الموضوع
علي:مكاين حتى عداب
  سير اولدي جيب لقلت ليك
سعيد:وخا أبا علي
خرج سعيد مشا يقضي شنو قال ليه اما علي وعبد الغفور بدوها بالهضرة على الخدمة وفين وصلت وشحال ديال الارباح سكتو شوية وهو ينطق عبد الغفور
سي علي بغيت نهضر معاك الى سمحتي
علي:ايه تفضل
عبد الغفور: كما كتعرف ولدي مراد ضريف وراك عرفو وبخدمتو ودارو وطمبيلتو
علي:ايه الله يعمرها دار بلا متحتاج تقوليا
عبد الغفور: لبارح فاش كنا عندكم شاف بنتك وعجبتو ولهذا الى قبلتي علينا بغينا نطلبو ايدها لزواج لولدي مراد
علي:الله اودي مرحبا بناس الكبار والعائلة الكبيرة منلقاش حسن منكم لبنتي
عبد الغفور:الله يكبر بك قولها ليها ورد عليا الى وافقت
عبد الغفور: غدي توافق فين اتلقا حسن
جاء سعيد حط ليهم أتاي والفاكية وكملو جمعتهم مع براد أتاي

فالدرب كطل من السرجم كتشوف واش ايبان ليها حميدة شمكار ولا لا شافت بلي مكاين حد هزات تلفونها دوزت نمرتو جوبها وباين من صوتو بلي سكران
نهيلة:فينك نت مكاين
حميدة:ههههه بركاكة ديال الحي شنو بغتي عندي
نهيلة: الله يعطيك غيارة يا المشمكر شابع قرعة تاتي اخخ تفو
حميدة:(بصوت ناعس وكيهضر بجهد)اسمعي ازبي قولي شنو بغيا ولا دوري ت... 
نهلية: وليني حمار غدا بغيت نشوفك ضروري هذا الى بغيت تزوج بحيراء ديك المزعوقة لخرى
حميدة:وتي قولي هكا من صباح طلعي ليا لمورال غدا نكون عندك
   قطعت عليه وكتعيف منو كون ماشي بغى تندم حيراء مكانتش تهضر مع هد الشمكار

فدار عائلة بن شقرون مجموعين على طابلة العشاء لفيها مانويل وصمنطا وروز وعزيز وفرح جالسين فجو من المرح والضحك نزل مالك حتى هو نضم ليهم لمحامل هد الوضع نهائيا ومكره شي طريقة تخلصو من هدشي سلم عليهم يالله ايسلم مع روز باليد وقفت وباستو فوجهو حشم ودزو عليه الوان فوجه محمل هد التصرف قدام عائلتو  بتسم ليها وجلس بقو كيتعشو فهدوء مرة مرة كيهضرو ويتبادلو اطراف الحديث كملو عشاهم تقالو لجلسة لفصالون جابت ليهم فاطمة الخدامة قهوى بالحليب وكملو هضرتهم حتى نطقت فرح
ولدي مالك شتك مزال مهداك الله تحدد موعد لدريب الصداق لهذا حددنا موعد انا وصمنطا وعارفة بلي معندك مشكل
مالك:بإستغراب)ماما انا مفراسي والو لمتا هدشي وعلاش رأي ماشي مهم
عزيز:هههه ولدي مالك (كيحرك ليه عينه)ماشي مشكل فاللاخر غدي تزوجو اذن ماكينش لاش تزدو تأجلو الموعد وشوف روز شحال فرحانة .
   روز عجبها الحال مكرهتش من غدا
شاف مالك فروز بعحبها لحال
مع راسو(افف اخر ايامي نتزوج فرنسية  لمفيها حتى اللون كناس)وخا ابابا
فرح: الله يرضي عليك اولدي من هنا لثلات ايام نديرو حفلة ديال ضريب الصداق ومن بعد صمانة ديرو العرس شنو بان ليكم
صمنطا: انا معندي مشكل فرحنة
فرح:ونت اولد روز شنو قلتو
مالك: لبان ليك الوليدة نديروه
روز:اه اخالتي موعد زوين
فرح: إوا صافي تفقنا ان شاء الله انبدو نوجدو لحفلة
مالك:اكي اتسمحو ليا خصني نعس عندي خدمة ليلة سعيدة
عزيز:وخا اولدي تصبح على خير
روز:تصبح على خير امالك
مالك:(بتسم) ونت كذلك
  مشا طلع لبيتو وراسو اينفجر كفاش غظي يتفك من هد المصيبة لحط راسو فيها

كانت كتسناه محيت تعطل بزاف ليوم سمعت السوارت فالباب عرفت بلي هو مشات الكوزينة ..
يتبع....