🌿Hiraa and the professor🌿 《حيراء والاستاذ 《قصة بالدريجة المغربية

🌿 جزء الخامس والثلاتون 🌿

.بعد كل عسر يسر وبعد كل ضيق فرج..

دزت العشية عند كل وحد بالنمط لعايش فيه
مزال ناعسة ومكمشة رجليها عند وجها حتى دخلت عندها ماما  قربت ليها حطت ايديها على راسها
حرية: بنتي هبة نوضي تاكلي الله يرضي عليك
هبة: عفاك اماما بغيت نبقى بحدي مبغيت والو
حرية: ولكن ابنتي..
هبة:ماما عفاك خلني بحدي محتاجه نبقى بحدي
حرية: واخا ابنتي
  خرجت وخلاتها ساهيا فشرودها وكتفكر فديك الليلة بكل تفاصيلها لتحولت من فرحة لحزن ...فمضت عينها وعاودات حلتهم نزلت على اثرهم دمعة بقات سيحة مع وجها وصلت عند نيفها وقفت مسحتها ورجعت هائمة فتفكرها
فالبيت ديال الوجدية لكانت كتحط العشاء فوق الطابلة لناس لجاو عند علي عرض عليهم كتمد ليه العشاء من فم البيت حتى مبقى خصو والو رجعت كتعشا فالصالون مع حيراء لكانت كتفكر فالامتحانات لخصها
تجيب فيهم نقطة مزيانة ...شافتها الوجدية غير ساهية ونطقت
الوجدية: بنتي ملكي  كولي فاش كتفكري
حيراء: والو اخالتي غير الامتحانات تلمو علينا ونتمنى نجيب فيهم نقطة هذا هو همي
الوجدية: ان شاء الله اتجبي فيهم نقطة ابنتي دبا كولي ونسي عليك الامتحانات
حيراء:وخا اخالتي
كملو عشاهم ناضت حيراء جمعت الماعن غسلاتهم شوية جاب باها الماعن لخرين حتى هما غسلاتهم وقدات الكوزينة خرجا وهي تلقى معاه شاف فيها ومن النظرة باش حقق فيها باين عجبتو
مراد: ختي فين طواليط هذي ولا هذي
حيراء: هذي للقدام
مراد: شكرا شنو سميتك واش نت بنت عمي علي
حيراء :(يالله اتنطق شافت بها خرج من البيت حدرت راسها ومشات لبيتها خلتو واقف مستغرب
مراد: تبرك الله شحال غزالة هد البنت
  مشا دخل لطواليط قدا حاجتو ورجع لقا باه وعمو وجدو ناضو ايمشو تسلامو مع على شكروه على العشاء والعراضة وخرجو اما على فسد الصالة ومشا دخل لبيت ينعس ..
مني خرج وهو ساهي والابتسامة مرسومة على وجهو سولو باه
عبد الغفور:ولدي مراد اسبحان الله ملك ساهي
مراد:(كيشوف فالزاج ونطق) عجبتني بزااف
عبد الغفور: شكون هذي لعجبت ولدي نخدها ليه
مراد:(دار عند باه) بصااح اوليد تخطبها ليا
عبد الغفور:وعلاه شحال من ولد عندي غير واحد
مراد: بنت عمي علي
عبد الغفور:(بإستغراب) ويلي بنت علي مزال صغيرة فين شفتها
مراد: كانت خارجة من الكوزينة زوينة بزاف وهي لختار قلبي
عبد الغفور: وخا اولدي غدا نهضر مع علي على هد الموضوع واكيد ميرفض
بتسم مراد ورجع حط ايدو على حنكو وكيتفكر وجها وعوينتها وكل حاجة انجداب من أول نضرة ..
يتبع...