بعد كل عسر يسر وبعد كل ضيق فرج..
هكا دازت الايام حيراء ومالك زادو بغو بعضيتهم كتر جوليا وايهم دوزو عرس اسطوري فاحد الفنادق الكبرى اما عصام وهبة فبداو يتقربو من بعضياتهم وبدات ترطاب من جهتو واخيرا عطاتو حقوقو كزوجة
هز حقيبتو فيدو ودخل فجنبو هزة سكادو صغير ولبسة لباس طويل تودع معها مشات لقسمها وهو مشا لقسم فين ايقري كانو كل شي تلاميذ كيهضرو ويوشوشو
كانت ديزة من حدا وحد جوجو بنات حتى سمعتهم يهضرو
البنت:واش سمعتي اخير الاخبار ونااااري متيقيش
البنت 2:شنو واقع سمعينا
البنت:حيراء ياختي عرفتي شكون تزوجها ونااري وهد البنت معرفت كفاش حتى صيداتو
البنت2:وهضري خلاص
البنت: استاذ الاجتماعيات مالك بن شقرون
البنت 2:😳لاااه كيف دارت ليها وليني زهر عندها
كانت كتسمع هضرتهم لسممتها من لداخل دربت برجليها مع الارض مشات لقسمها وكتفكر كفاش حتى درت ليها ولعبت عليه من بعد مسالو الحصص كانت حيراء خارجة حتى سمعت شي وحدة كتعيط عليها دارت وهي تشوفها جيا لعندها
حيراء:نعام شنو بغتي
نهيلة:ياك الكلبة حتى الاستاذ مخليته كفاش درتي حتى طيحتيه فخك ولا ياك ماشي شي. سحيرة هديك نت تستهلي غير داك الشمكار ديال حميدة وحتى الخطة لدرنا منفعت معاك
حيراء خرجت عينها فيها
حيراء:واااش نتما لدرتو ليا ديك الشوهة محشمتوش ءءء معنكمش قلب الله يخد فيكم الحق
نهيلة:اهه انا لدرتها ومفتخرة ومستعدة ندير ليك كثر محيت كنكرهك الكلبة
حيراء:نزلتها وطلعتها بعينها)نت خصكي تعالجي راك مريضة محاسبة فيك الله انهيلة بنت براهيم الله يخد فيك الحق
تخطتها ومشات خلتها تسب وتعاير وتبعتها خارجة قطعت حيراء الشانطي غادية تشد طاكسي نهيلة كانت تبعها مرضاتش لبال لشاحنة لجاية وفجأة دربتها طيرتها ساكها فجيه وجتتها طاحت فجيه وتقطعت ليها ايديها كيتسمع صوت الكلاكسون والجوقة يالله حيراء اتركب فطاكسي حتى كتبان ليها نهيلة مليوحة والدم دايز من راسها وايدها لتقطعت بقوة الضربة مشات كتجري دخلت من وصت الناس كيشوفوف فيها توحد مقرب ليها قربت منها حيراء وكانت كتلفض لخر انفسها وكتقول سمحي ليا مقطعة وبصعوبة وجها كل تجرح
نهيلة:س م ح ل ي
نطقت حيراء:شفتي كفاش كل واحد كيتجزاء على افعالو وبابشع الطروق لكن انا ماشي بحالك لذلك انا مسامحك
غير نطقت بلي سمحت ليها نزلت دمعة من عينها وطلعت روحها غمضت ليها حيراء عينها فهد اللحظة وقفو البوليس كيبعدو فالناس جات لمبلونس هزتها فناقلة الموتى وتفرقو الناس
مشات حيراء شدات طاكسي وكتبكي وخا كامل دكشئ لدارت فيها. سمحت ليها من قلبها وصلت لدار بدلت عليها وجدات الغداء كتسنى مالك يجي باش يتغداو سمعت الباب كيدق مشات تحل لقات ايهم وجوليا
ايهم: سلام هه جينا بلا موعد
حيراء:وعلكم السلام حاشا مرحبا بكم فاي وقت
تسلمت مع جوليا بالوجه
جوليا:ربي يخليك امرات خويا الغزالة
دخلو وجدات لهم عصير شوية المقبلات جلسو مجمعين حتى جاء مالك تسالمو وتغداو مچموعين فالنشاط والضحك قالت لمالك بلي نهيلة توفات وخا هكاك بقات فيهم ودعو معها جابو لكارتا وكلسو كيلعبو ولخسر كينوض يدير شي حاجة باش حكمو عليه بقاو هكاك حتى وصلت لعشية هلي مشات جوليا وايهم من بعد مودعهم محيت ايسافرو فشهر عسل لبلجيكا ...
فالكوزينة كطيب لعشا جاء دخل وهو يحط ايدو على عينها
عصام:حبيبتي البرهوشة اجي معايا
هبة:حيد ايديك فين غادي بيا
عصام:تحركي بعدا هلي تعرفي
مشات معاه وصلت لبيت لكان محطوط فيه نموسية ديال دراري صغار وحداه بزاف الالعاب
حيد ليها ايدو من عينها شافت فالاتات وشافت فيه
هبة:شنو هدشي
عصام:(شد ليها فايدها)هبة بغيت منك ولد ولا بنت لبي ليا طلبي انا كنبغيك بزاف ابرهوشتي
لا ايراديا عنقتو
هبة:وعدني تبقا معايا ديما محيت حتى انا وقعت فحبك
عصام:نت هي لبنت لبغيت وانبقا ديما معاك ولكن ولدي ليا .
بعدات عليه
هبة:ههه وخا
هزها بين ايديه وغادي بيها لجهت بيت ديالهم
يالله ينعسو حتى كتسمع تلفون كتصوني ليها وستغربت علاش كتصوني ليها فهد الوقت جوبت الخبار لسمعت خلها تخلع وطيح تلفون من ايديها..
يتبع....
أنت تقرأ
🌿Hiraa and the professor🌿 《حيراء والاستاذ 《قصة بالدريجة المغربية
Macera⚜️ [قصة قصيرة ]⚜️《 تاريخ كتابة بداية 2020》 عنـــوان القصة:°°حــيراء و الاستـــاذ°° الكــاتبة:°°[awatif belhfid]°° ♤إن بعد كل عسر يسر....وبعد كل ضيق فرج♤ °°°°⚜️ تـــــقديــــم⚜️°°°°° •••• عندما يكون الأب قاسي على أو...
