"Hindi ko na matatawag na pahinga ang paghiga."
Bagamat ang katawan ko'y pagod na
subalit tuwing ako'y hihimlay saaking kama
at ipipikit ang aking mga mata
tila ba ginigising ako ng mga alaala
Ipilit ko man na itulog ang pagod na nadarama
ngunit may mga bagay na gustong kumawala
kahit ang isipan ay di na akma
at patuloy itong ginigising ang aking diwa
Hindi na rin sapat ang pagpapatugtog
Upang ako'y dalawin ng antok
at tuluyan nang makatulog
para makapag pahinga na ang katawan kong bugbog
Kaya hindi ko na masasabing pahinga ang paghiga
Dahil nakapikit man ang aking mga mata
ginugulo naman ako ng mga alaala
na minsan ko ng binura sa aking sistema.
Ms_Wynereign♡
