الواح الدسار

20

«بَسم الله الرحمٰن الرحيم»
الــواح الدسار
بقلمي: Aisha _Hamed
تصويت+تعليق بين الفقرات
والمتابعة لحساب الواتباد
وقناة التليگرام
Telegram:aisha_Hamed

صرت كل مغربية اضعف
لا گاطع صلاة... لا حارگ المصحف
ضلام بغرفتي... اكثر من ضلام الطف

«إليانور»

نهضت من فراشي بذعر فركت عيوني وكأنما اريد اوخر ملامحي اتنفس بثقل اتلفتت رافضة الفكرة تسارع نبض گلبي اخذت التليفون تصفحت بي بعشوائية طگطگت اصابع ايدي وبجيت

حزينة روحي كل شي محاوطني خذلان، هواجس، سهر، تعب، تساؤلات بالي شنو بعد راح يصير ماكو جواب

اتذكر ليلة البارحة صابتني نوبة هلع فجأة صح ماجانت اول مرة بس جانت صعبة احس اله شوية واصير مجنونة رسمياً

اختنگت وكأن احد مخلي ايدة على رگبتي ويشدد بقبضتة، واصوات تهمس بأذني تلومني على فعلتي معقولة الحب هيج يسوي

تنهدت بتعب گمت غسلت ورتبت نفسي رحت للصالة جانت عمة گاعد ومخلية قرأن بأيدها تقرة ابتسمت ورحت گعدت يمها

خلت ايدها على راسي بحنية تمسد علية بدون لا انطق هيه حجت

_ يمه لا تنسين تلجأين الى الملجأ الوحيد الي يهديج وينطيج، ينسيج، يقويج الي يكفيج ويحقق الي ظنيتي مستحيل راح يهديج الى الصراط المستقيم وطريقج
للمسير تفائلي بالخير واحسنِ الضن بالرب الرحيم

احس ارتاحيت من حجت هيج وتذكرت اني عايفة صلاتي صار فترة رجعت توضيت وصليت دعيت ربي يصبرني ويطلعه من گلبي اذا ماجان اكو نصيب بيناتنة

سلمت وطلعت متوجها للجامعة هذا اخر شهر اداوم واصير خريجة رسمياً الحمدلله ماضاع تعبي هيج

اخذت نفس عميق وزفرتة دخلت برجلي اليمين اجتي رنا عليه الضحكه شاگة حلكها من حجة وياها هواس لحد هسه تتبسم للهوى

_ رنا: لجج هلااا شلونج إليانور

_ إليانور: هلا رناوي الحمدلله بخير

_ رنا: شو ماكو مختفية اتصل عليج يطلع مغلق

_ إليانور: مادري والله التليفون مابي شحن وكاعده اقره تدرين اخر شهر النه

_ رنا: اي صح، عمتج شلونها

_ إليانور: الحمدلله

_ رنا: عمتج هم ابتلت بيكم، لو ماانتو جان هسه متزوجة وعدها اطفال

باوعت عليها صفح خزرتها عفتها ورحت للمحاضره ماحب تنفتح هيج مواضيع

احنه هسه دنعيش بزمن محد يفكر بالثانيمحد يهتم بمشاعر الشخص ألثاني كل شخص يحجي كلام بدون ما يفكر شگد هذا الكلام راح يجرح هلشخص