«بَسم الله الرحمٰن الرحيم»
_________ الـــــــــــدَســــار __________
بقلم: Aisha_Hamed»
مَا غُفِتَ عَينِيّ وَراسَيّ مَا هَادّ
وَالصَوّچَ... اذِبَهَ بَرّاسَ المَخِادّ
كُلسَاعّ ابَدّل وَحِدّهَ مَا فِادَ
بَيّهَ حِچيّ بَگدّ ضِيّمَ بَغدِادّ .
«ميراف»
بعدت ايده عني عفته وصعدت للغرفه گبل نمت
واكفه بمكان اظلم واحس واحد مد ايده يلزم كتفي باوعت شفت عمو غانم يباوعلي ويضحك ضحكه شريرة دفعتهَ حيل وركضت
ضليت اركض التفتت اشوفه يركض وراي وشايل سجينه بأيده وجها كله دم وعيونه لون ابيض رجف گل جسمي واني ابجي واركض
وگعت بنص حفره گمت اصرخ اريد احد يطلعني باوعت اجه أسر يباوعلي واني اتوسل يجي يخلصني بس هو كام يشيل تراب ويخلي عليه ابجي اريد بس احد ينقذني الجو غيم وبدت تمطر
دعيت بگلب محروك يخلصني من الي اني بي وحسيت اكو صوت مميز يگول رددي هذا الدعاء ميراف حتى تطلعين...
«اللهم أني مسني الضُر وانتَ أرحم الراحمين»
ضليت اردد هذا الدعاء واصلي على النبي باوعت ايد انمدتلي طلعتني من الحفره بس ماشفت شكله جان ملثم
فزيت على اثر ضربات خفيفة على وجهي عرگانه واجر النفس بصعوبة باوعت السفاف يمي يحجي واني مامركزة ويا طلع من الغرفه رجع بيده كلاص ماي اخذته من ايده وشربتة كله دفعة وحده ودموعي تنزل
_السفاف: ميراف شبيج
احس هذا السؤال هَيج كل الوجع البيه ضليت ابجي بصوت عالي هو ضل يفرك بوجها ويستغفر متوتر كام وكف ورجع كعد يحجي وياي واني مافتهمله من وره البجي
_ السفاف:شبيج ابوية انتِ ليش تبجين غير تفهميني
رجعت راسي على المخده وجسمي كله يرجف
_ السفاف: ليش ترجفين
تجاهلت سؤاله وصديت وجهي على الصفحه الثانية احاول انام ماحجه شي جابلي ملحف وغطاني مسد على شعري بحنيه قرة ايات قرأنيه على راسي ارتاحيت شويه ضل فترة بعدها طلع وسد الباب ورا.. بعد تفكير طويل رجعت غفيت
ماعرف شكد مر وقت گعدت اباوع على السكف بعد مده گمت غسلت وجهي مشطت شعري نزلت جوه ماكو السفاف مادري وين رايح رحت للمطبخ اكلت باوعت بالبيت ماعاجبني شكله وصخ
كفيت ارداناتي كنست البيت كله مامفروش لان كله سيراميك يجنن هو بس وصخ بلشت بالمطبخ جلفت الطباخ والكاونتر طلعت كل الاغراض البي حولتهم للصاله فرغتة كله
أنت تقرأ
الواح الدسار
Romanceاسمر ٫ سفاف في الثلاثين من عمره عريض الاكتاف طويل القامة عيناهُ تنظر بتحد الى الامام لا يرى للرحمة عنوان يتخذ الابتعاد وسيلة للنجاة كان وجهُ يشع نوراً وفي داخلهُ الظلام مبثوراً رغم الصعوبات يحاول تخطي الازمات في ذات مره قال: انا الدَسّار من الواح...
