«بَسم الله الرحمٰن الرحيم»
_________ الـــــــــــدَســــار __________
بقلم: Aisha_Hamed»
هوه الماينام الليل
لازم سالفه بباله
لو مبيوع منه إعزاز
لو متمرمره أحواله
«ميراف»
شفتة بقمه الهدوء تطمنت شويه امشي برهاوه ومدنگه بس رفعت راسي اجاني راشدي فر جسمي مو بس وجهي
_ غانم: بنت الفگر والله اذا شفتج يم أسر اعلگج هنا اموتج ومحد يدري بيج مثل....
راد يكمل وگأن تذكر شي سكت عبالي هاهيه ميعاقبني بعد بس مو معقوله يسكت رجع كعد بمكانه و أشر البيان
راحت تمشي وتتبسم اباوع على أسر متمدد ولافين راسه بشاش شويه واجتي بيان بيدها سجينه باوعت بخووف حجيت وبلگوه تطلع الكلمة مني
_ ميراف: لاااا عموو دخيلك
يباوع عليه و مبتسم معقولة الهاي الدرجه وصلت عدهم معقولة انتهت الرحمة بگلبهم
_ غانم: تعاي ميراف
بقيت واكفه بمكاني و دموعي تنزل مثل الشلال مخليه اضافيري بحلگي
_ غانم: يلااا ما أعييد كلاامي گتلجج تعاي يعني تعاي
رحت امشي وگلبي يدك بهمجيه راح يموتني گمت اتشاهد بين ماوصلت يمه لزم ايدي وجرحني شهگت من الوجع ابجي واناشغ
_ ميراف: لا عمووو دخيللك
گمت اصررخ بصوتت عاليي اريد واحد يريح گلبي ويوخر الوجع ماكو كلها واكفه ومبتسمه بشماتة
_غانم: هاي حتى توبين مره ثانيه ما تعيديها
گمت اگمز من الوجع عفتهم وصعدت الغرفتي گبل خليتها بماي بارد حتى يخف الوجع دعيت من كل گلبي عليهم
_ ميراف: الله لا يوفقكم الله يشوفني بيكم يوم اسود
حسبي الله ونعم الوكيل عليكم
عقمتها ولفيتها بشاش وگعدت ابجي اي ماعندي حل غير البجي
جسمي يرجف وجع و خوف نار بروحي ما تبرد ويه كل
دمعه تنزل مني احلف واتوعد بس اصبرولي اوكف على حيلي واخذ حقي منكم اخذ حق كل دمعه نزلت
صوت رعد، ومطر كلما ترعد اجفل غلبني النعاس وغفيت ماحاسه بشي گعدت ثاني يوم الصبح نفس الروتين غسلت ونزلت جوه ساعه بالسبعة الصبح متعوده اگعد من وكت علمود المدرسه ماضل شي يومين وينطوني النتائج افكر شلون راح اكمل حياتي وياهم
اسايرهم بين مااكمل دراستي واخذ شهادتني زين اگدر اطلع من يمهم؟ لو لا شنو الحل يارب دليني تعبت واني بضياع
گمت بتعبي وهمي سويت ريوك ونضفت البيت حتى ميتحججون وانكتل من الصبح مابيه حيل بدو يگعدون صبيتلهم اريد اگعد گال عمو
أنت تقرأ
الواح الدسار
Любовные романыاسمر ٫ سفاف في الثلاثين من عمره عريض الاكتاف طويل القامة عيناهُ تنظر بتحد الى الامام لا يرى للرحمة عنوان يتخذ الابتعاد وسيلة للنجاة كان وجهُ يشع نوراً وفي داخلهُ الظلام مبثوراً رغم الصعوبات يحاول تخطي الازمات في ذات مره قال: انا الدَسّار من الواح...
