الواح الدسار

5

«بَسم الله الرحمٰن الرحيم»
الــواح الدسار
بقلمي: Aisha _Hamed
تصويت+تعليق بين الفقرات
والمتابعة لحساب الواتباد
وقناة التليگرام
Telegram:aisha_Hamed

وَسِطَ هَذِا الضِجَيّجَ
وضِهَرّ انِسانّ التِفاصَيّل
الشِفتهَنّ بَيّ
خِطيّرهَ گلبّهَ بَنِصهَ لوّحِهَ
وَانَيّ عَنِوّانَ احِس
وَيّاهَ صِرّتَ مَثِل الامَيّرهَ
دَخِل گلبَيّ حِرُبّ بَسلوّبَ
فنِانّ وَاخِذنِيّ لبّيتَهُمَ
مَثِل الاسَيّرهَ .

«ميراف»

گاعده بغرفتي وحسيت احد فتح الباب
التفتت واشوف أسر وعمو غانم دخلو
سدو الباب وراهم بس عمو غانم شكله
مرعب ورجلينة مادري شلونهن لازم
بأيده الحزام ويريد يضربني التفتت
للجهَ الثانية اشوف أسر لازم السجينة
ماعرف شيحجي تقرب عمو گام يضرب بيه
صرت اصرخ بصوت عالي اريد احد يخلصني
من عنده....

فزيت على ماي بوجهي باوع عليه عاگد حواجبه

_كابووس

صافنه اريد اعرف اني وين صارت عندي لحظه ادراك تذكرت كلشي شهگت خايفه وارجف... هذا نفسه الي اخذني من البيت اباوع بوجها عيونه حادة لونهن رصاصي شعره ولحيته وشويه بحواجبه شيب
كلش ضخم احسه هيبة كتوفه عريضه وايده
ورگبته متروسه وشوم شكلهن مخيف
لابس كله اسود بس والله صاك

استوعبت عززه عود اني هسه مخطوفه
گمت ابجي واشهك

_ميراف: عفيه شتريد مني وليش جبتني هنا شنو
عود خاطفني

_ههه لاززم مو بعينج اي خاطفج

_ ميراف: م منو انتَ

_جحيمكم

گال هالكلمتين عافني وطلع شنو جحيمنه
هذا شيحجي دب الخوف بداخلي
ياربي اطلع من ورطه اوگع من الاكبر منها
هسه عمو غانم عباله انهزمت صخام
بوجهج ميرراف

اباوع گاعده بغرفة صغيره بيها كنتور
وسرير مفروشه ودافيه.. الف فكره اجتي
براسي هسه هذا شيريد مني اووف والله
تعبت شوكت اخلص باوعت الباب مفتوح

يعني اگدر اطلع گمت تمشيت فتحت شويه من
الباب اباوع ماكو احد امشي وصار درج گدامي
نزلت گبل للصاله

اباوع البيت وصخ اووو اني شعليه طبه مرض
امشي واتلفت اباوع بأرجاء البيت فززني صوته

_گدامج المطبخ تلگين اكل روحي اكلي

_ ميراف: عفيه منو انتَ وشتريد مني