«بَسم الله الرحمٰن الرحيم»
الــواح الدسار
بقلمي: Aisha _Hamed
تصويت+تعليق بين الفقرات
والمتابعة لحساب الواتباد
وقناة التليگرام
Telegram:aisha_Hamed
"الوجَع هَدني"
الجسم من كل مكان يصِيح
خلصت طاقتي وتَعبان ما أنكر
يومية بحَياتي أنصدِم بالأحداث
أنهدَم حيلي وبَعد ما بيّه حيل أحزر !
مَچنت أدري الظروف تغَيّر الإنسان
مَصدوم شكُثر يا آني مِتغيّر!
«ميراف»
گالت هاي الكلمات وراحت للصاله ماعرف شحجي شنو أكول سكتت ورجعت للصالة گعدت بصفه باوع عليه عاگد حاجبه
_ السفاف: شبيج حبيبتي
_ ميراف: مابيه شي
_ السفاف: شلون مابيج شي هسه جنتي تضحكين
ليش هيج گالبة خلقتج
كالها ولزم ايدي وعيونه تتجول على معالم وجهي كلما اضوج هو اول واحد يعرفني بدون مااحجي
التفتت اكو بيهم يباوعون علينه مبتسمين واكو بيهم يباوعون بنضرة حقد ياا هذوله شبيهم وخاصه ثنايا احسها راح تموت تأفأفت ولزمت ايده
_ ميراف: راح انام تعبت
_ السفاف: من شنو شمعتي
_ ميراف: مادري بس اريد انام
_ السفاف: ولو وضعج ماعاجبني بس روحي اني اعرف شبيج بعدين
هزيت راسي وصعدت فوك هسه جنت فرحانة اجتي هاي ذبت سمها عليه اني ماتعبانة ولا اريد انام احس روحي عصرتني السفاف ميسويها
زين هيه شمدريها يريد ينتقم وليش هيج جانت تباوع علينه بهاي النضره زين اذا السفاف صدك سواها وانتقم مني ويذبني بالشارع وين اروح اني
بس هو كال جان يعرف بابا ويحبة هسه اني المنو اروح واحجي تنهدت بقلة حيلة ذبيت روحي على السرير والتفكير اكلني اكل
شسوي هسه اگول الدسار لو لا اخاف تصير مشكله بسببي واخاف حجيها صدك خلص قررت ماحجي واضل هيج اشوف النهاية شلون واكيد حبل الجذب قصير ولابد يوم وتطلع الحقيقة
مرت هيج نص ساعه وانفتحت الباب وعطرة سبقة قبل لا يدخل هو بسرعه غمضت عيوني سويت روحي نايمة احس خطواته تتجه ناحيتي
ايده نمدت على شعري تمسد عليه تنهد عدة تنهيدات باسني بجبيني ويخاف لا اكعد واني من الأساس منايمه حجة بهمس
_السفاف: روحي من الدنيا انتِ ميرافي دخلتي الحياتي لونتيها بعد ماجانت ضلام جنت ماحب روحي وادعي اموت بس من شفتج اختلف كلشي غيرتيني اني الي جنت احجي وماهتم الأحد هسه اخاف احجي حجاية
غلط وازعلج بيها احسج بنتي اخاف عليج من الهوىٰ من جان عمرج اسبوع اني شلتج بأيدي وهسه عمرج 18 وانتِ يمي لحد هسه اذكر من جنتي صغيرة
بأيدي جنت اعلمج تمشين تدرين أول اسم لفضتي اسمي شكد جنت فرحان بوقتها ومتعلق بيج بس
اخخ لو ما عمج الكلب وحگ لوعتي عليج وحگ كل
دمعة نزلت منج اخذ حقج منه اضعاف وابو الحسن
اضيعة لو هو لو انا بهاي الدنيا صدكيني راح اعوضج على كلشي خسرتي اصيرلج اب، وام واخ اصيرلج دنيا بس اريدج يمي اغديلج فدوه شمعتي
أنت تقرأ
الواح الدسار
Romanceاسمر ٫ سفاف في الثلاثين من عمره عريض الاكتاف طويل القامة عيناهُ تنظر بتحد الى الامام لا يرى للرحمة عنوان يتخذ الابتعاد وسيلة للنجاة كان وجهُ يشع نوراً وفي داخلهُ الظلام مبثوراً رغم الصعوبات يحاول تخطي الازمات في ذات مره قال: انا الدَسّار من الواح...
