الواح الدسار

29

«بَسم الله الرحمٰن الرحيم»
الــواح الدسار
بقلمي: Aisha _Hamed
تصويت+تعليق بين الفقرات
والمتابعة لحساب الواتباد
وقناة التليگرام
Telegram:aisha_Hamed

جا هيج الأهل عثرة
الأهل على الگلب راحة بال
صارو على الگلب حسرة
ومن شافونة مكسورين
ولا حجو كلمة ملح فوك الجرح وگعو
واجو فوك الكسر كسرة
المامرتاح يم اهله مايرتاح كل عمرة

« الدسار»

اباوع على ميراف دموعها ينزلن بسرعه حقها
عايشة كل عمرها بجذبة بس للأسف مانكدر
نغير الحال وانا والله مايهون عليه اشوف دموعها
بس لازم تعرف مني مو من غيري

تبجي ولازمة ايدي مثل الطفلة سكتت ماريدها
تنهار گالت بعيون متوسلة

_ ميراف: كمل دسار فدوه اروحلك احجيلي كل شي

_ السفاف: بعدين حبيبتي شوفي شصار بيج

_ ميراف: لا لا لا ميخالف مابيه شي كمل

تنهدت وهزيت راسي باوعت بعيونها ورجعت
للزمن...

كبرت ميراف وكبر حبها بگلبي وانا مخلي ببالي
اخذها من صددك بس تكبر

جنت اخذج وياي البيتنة وكل ماروح للألعاب
اشتريلج من فلوسي بتعبي انا ماردت اخذ شي من
اهلي ميراف

عمري صغير بس اشتغلت ردت اتعلم على الشغل
ماعتمد على أحد وأول ماستلمت فلوس اشتريتلج فستان صغير

گمت طلعتة من الكنتور حتى تشوفة رغم وجعها
بس ابتسمت خليته بحضنها وكملت كلامي

ميراف انتِ بنيتي انا حبيتج وتعلقت بيج اول
ماشفت عيونج وابو الحسن اخاف عليج من الهوىٰ
الطاير

_ ميراف: بس اني ماتذكرك

_ السفاف: جنتِ صغيرة وانا هم تغيرت مو مثل شكلي

_ ميراف: ليش عفتني لعد

_ السفاف: كل عقلللج اعوفج اكو واحد يعوف روحه
اسمعيني اكملج

_ ميراف: كمل

_ السفاف: ميراف كبرتي بحضني جانت مهجة تروح
الأهلها الي بأربيل وتاج لازم يروح وياها تدرين جانت
تخليج يمي ماتكدر تاخذج وياها

_ ميراف: ليش

_ السفاف: رادو يتبنون طفل بس ابوها ماقبل گال اذا
ولد يحل على مهجة واذا بنية تحل على تاج بكل الاحوال مايصير هو جبير عقلة شوية بي خيط ومايقبل

بهيج سالفة وهيه تخاف اهلها يعرفون جانت تخليج يمي انا ابدلج واسبحج حتى الممة بيدي اسويها
امي جانت ملتهية بأخواني شايفة هاي الغرفة كلما
اروح للسوك اجيبلج لعابات وقراصات واحذية صغار
ويتعجبون من اگوللهم هاي البنتي اخذج للحدايق
العبج بالألعاب هاي الحديقة كل مرة نروحلها
جنت ساكن بيها الخاطرج تفرحين من اخذج الها