اعتذر ع الغيبه قلتها بالانستا وبقولها لكم بعد
انا تاخرت زي م تعرفون لسا طالبه ثانوي وحاليا دخلت سنه يبي لي اشد ع نفسي ما ودي ابعد و لا أأرشفها لحد م اخلص وارجع لا ... ودي اخذ معكم الاحداث نعيشها سوا و ودي انتوا بعد تحغزوني وتساعدوني اكتب بتفاعلكم معي وبإذن الله بس يتعدل التفاعل للافضل برجع انزل زي م عرفوتنيي
والحين قراءة ممتعه والي يبي حسابي الانستا ترا نفسه يوزر الواتباد و التيك توك أحبكم ...
_
_
_
_
___
حائل _ الظهر _ بيت اصايل
دخلت جميله وعيالها ثم ابراهيم وزوجته وعياله واخيرا مبارك و زوجته وعياله دخلوا العيال للمجلس على طول اما جميله وزوجات اخوانها دخلوا الصاله
طلّعت اصايل بِطلّتها الي تسرّق القلب ترحّب فيهم وقفوا بناتها وزوجات عيالها واحفادها يسلمون عليها انهتها بسلامها لـ فاطمه: ابراهيم جاء
فاطمه بهدوء : اي يا عمّه بالمجلس
هزّت رأسها بتمام تقعد معهم ولا هي شويات الا ودخلت سيّوف بطلتها المشابهه لامها ومعها ولدها شريف الي كان مشخّص تقدّموا يسلمون على اصايل وتقدّم شريف يسلم عليهم معها وبعد ما انتهوا وقّف شريف ولفّ لامه : يمه بروح المجلس عند خوالي
عضّت شفتها بخفه ترفع نظرها لامها الي عرفت مقصدها لأنها كانت قريبه منهم وسمعت الكلام ، وقفّت بخفه : اقعدوا وانا بروح المجلس اشوف عيالي خذوا راحتكم
هزّوا روسهم بتمام وتقدّمت تاخذ شريف: تعال يمه معي
هزّ رأسه بابتسامة خفيفه ووقف يروح معها
_
بالمجلس
صقر بتملل : الحمدالله تسل شيء زين ولا فيه نقص الحمدالله المحل شغال قادر(ن) عليهم
ابراهيم : ندري ما تقصّر لتسن اختي واحسن لها بيت أهلها مبارك بهدوء : يا ابو سعود صقر تسبير ولاهو ولد الامس بعقله ومتوظف وقادر يصرّف على امه واخته ولا عليهم قصور الحمدالله خلاص خلّهم بحالهم في بيتهم مبسوطين والحمدلله
ابراهيم بنرفزّه : ليّا قلّت تصير يا ابو نايف
تميم بحدّه : وانت ذا موضوعك تسل ما اجتمعنا غصب تخرّبها بمشاكلس الي مالها داعي ، خلاص الرجال تسبير وبعقله امه مرتاحه في بيتها واخته مرتاحه مالك دخل تجي و...
قطع كلامه ابراهيم الي جاء بيمّد يده ولكن مسكتها اصايل تنزلها : ما تنمد يدك عليه اخوك ذا لا بارك الله فيك ،
لفت على احفادها من سعود لاخرهم : اطلعوا الحوش
ناظرهم سعود ياخذ عياله ويطلع عيال عمه و عمته طلعوا
وناظرت اصايل عيالها بقهر : هذا الي درستوه وتعلمتوه !
تتحاربون قدام عيالكم ما حشمتوهم ولا حشمتوا شيباتكم
شواربكم على وش شكل بس !! والله ونعم التربيه الي شقيت عليها من صغريّ
كانوا العيال واقفين ويسمعونها ومنزلين روسهم بالارض
وماسكين يدينهم لقدام وكانهم عيال سبع سنين كاسرين صحن من صحون امهم وياخذون عقابهم تحت نور الشمس
نطقت بحدّه : لا تنزلون روسكم ما انتم عيال نمر ما تنكسف روسكم تسمعون ، كررتها ما تشوف منهم رد : ارفعوا روسكم واعتذروا لبعضكم
رفعوا روسهم يناظرون بعض دون اعتذار كملت بحدّه : لا غلط التسبير يعتذر لاخوه لو انه رضيع ! اعتذر يا ابراهيم اعتذر يا ابو سعود لاخوك ، تبون تذابحون في بيت امكم في البيت الي عشتوه من اول ما حطيتكم لها الدنيا
تقدّم ابراهيم يسلّم تميم ويعتذر له ونفس الشيء مبارك ثمّ تميم وأخيراً سلموا على امهم واحد ورا الثاني يعتذرون لها
نطقت اصايل لـ ابراهيم : جميله وعيالها لا تدّخل فيهم في بيتهم ومرتاحين والحمدلله وصقر ماعليه قصور ولا في يوم جتّني جميلة وطلبت هللّه الحمدالله خيرهم مالين فيه حائل بكبرها اتركهم بحالهم ، و تراني ماني راضيه عليك اذا عدّلت علاقتك باختك و ولدها
رفع نظره لامه : يُمه
اصايل بصرامه : لا انا امك ولا انت ولدي اذا ما عاملت ولدها مثله مثل احفادك بالزين ولا سولفت مع اختك مثلها مثل جميله ، وقفت وطلعت تنطق : الغداء شويات وينفرش وبعده بتقعدون مع خواتكم
طلعت و...
أنت تقرأ
ايا غيمه امطري دنيايّ
General Fiction( لا ابيح النقل او اقتباس الروايه!! _______________ عبد الرحمن الي عاش 17 سنه وهو بظنه أنه ولد حــ/ــرام بس كيف بيعرف بحياته السابقه ويعرف من هي البنت المتواجدة بالصورة الوحيده الي عنده ؟ بس كل هذا خلفه شخص واحد يا ترى من هو ؟ _ غيم الي يسكنون امه...
