« 3400 كلمه »
ــ
ــ
ــ
ــ
حائل
تجهزوا سهم ومنصور للكشته والصيد
دخل سهم بعجله يسلم على أمه وأخواته وأخوانه ،، وطلع بعد توصيات من أمه
ركب مع منصور : ما نسينا شيء ؟
منصور: بس نمر على البقاله ناخذ خفايف ونمشي
هز رأسه بتمام ومشوا لحد البقالة المتواجد فيها كل شيء نزلوا وابتدوا يقضون خلصوا على السريع وركبوا وبعد وقت بدت توضح لهم الضلعان "الجبال"
ونزلوا يرتبون العزبه قبل تغرب الشمس
ــــ
لندن
طلع غيث من بيته يركب سيارته باتجاه بيت مشاري بعد ما اتصل على بدر وقاله أنه بيجي و يبي يكلم مشاري ورد عليه بدر حياك و رسل له الموقع بعد ما قال لـ مشاري
بيت مشاري
طبعاً كلهم عرفوا بالسالفه وتكنسلت العزيمه الي قبل كم يوم لكن كملوها بالحديقه ،،،
جهزوا المجلس وحطوا فيه القهوه والشاي والحلويات والخ...
طبعاً كانت غيم ترتب المجلس بحكم أن امها مشغوله هاليومين بتصميم العطر الي بينزل جديد على الساحه ،،، كانت غيم متزينه بفستان اصفر هادئ وتاركه شعرها منسدل على ظهرها وحاطه ميكب بدرجات البني الفاتح أنهتها بكعب فضي (الله يكرمكم)
انتهت وطلعت على دخول مشاري و سطام و وائل و بدر
نطق مشاري لبدر : جاي ؟
هز رأسه بالايجاب : من شويّ يقول طالع
هز رأسه بتمام وما هي شويات الا ودق الجرس وكان غيث وقف مشاري يفتح الباب وخلفه نسايبه دخل غيث و وقف يسلم عليهم ويمرر أنظاره على البيت يدخل بعد ما قال له مشاري ،،،
دخل غيث المجلس وجلسوا كلهم وقف بدر بحكم أنه
" أصغرهم " يصّب لهم
ابتدأ مشاري القول : وش جابك يا غيث !
اكتفى غيث بكلمه ينطقها : انت ....
عقد حاجبه ينتظره يكمل : يوم انك سويت الي تبيه و خذيت الي تحبها ، و.. {بالماضي}
بيت عبدالله
مشاري بصراخ : يُبه ما ابيها ما احبها ما تغصبني عليها انا ابي ساااره ما هب ذي !!
عبدالله بحدّه : والله يا ان خذيتها يا مشاري ما انت ولدي ولا اعرفك ، بنت عمك اولا بك من الغريب يـ الـ*** و الـ***
مشاري : والله ثم والله ما اخذ غير سارة ميار ما ابيها يُبه ماهي غصب !! شوف اي واحد من اخواني يرضا بها انا ما ابيها !؛
طلع من البيت بعصبيه على بيت آل سعود وحددوا تاريخ الزواج وكان بعد كذا اسبوع رجع البيت وسلم عل اخوانه وأخواته ونطق وهم مجتمعين : زواجي على سارة بعد اسبوعين بتاريخ */* الي بيجي حياه
طلع من البيت وراح يجهز أموره وكل شيء وقرر ينقل أموره للخارج وبالفعل هذا الي سواه وسوت نفس الشيء ساره ،،
بالحاضر
كمّل غيث : من يوم ما كرهك جدي وتبرا منك من غير معنى ما غير انك خذيت الي تحبها ، ويوم اني كبرت وصرت ادافع عنك اعرفوا بنات عمك " ميار و تماضر " اني احاول ارجع المياه لمجاريها شافوني بالخطر عليهم وجت بنت عمي حمد تتهمني باني قربتها بتخطيط منهم ، تبرأ مني جدي وقسم أن من كلمني له مثل ما صار لي ، جيت هنا على أمل التقي بك و اكمل شغلي هنا ناظره يكمل كلامه: بس صدفتي صارت يوم أن بدر جاء وعلمني بكل شيء ما كنت عارفه وهو كان يظن اني اعرف عنك ،،
هزّ رأسه مشاري يشوف أفعال أبوه الي مالها مبرر ابد ، ونطق يرفع نظره له : وش صار ؟
فهم غيث أنه يقصد سالفه العصابة وابتدا يحكيه عنهم
عدا الوقت وطلع غيث وعلمه مشاري بأن بيكون بينهم تواصل لان بالاخير كلهم ضحايا لعبدالله وغضبه الغير واضح
و يبون يحلون مشكلتهم الحاليه أما سوالف عبدالله لوقت ثاني ...
ــــــ
مرّ يوم و يومين و ثلاث لين ما كمّل الاسبوعين
أنت تقرأ
ايا غيمه امطري دنيايّ
Aktuelle Literatur( لا ابيح النقل او اقتباس الروايه!! _______________ عبد الرحمن الي عاش 17 سنه وهو بظنه أنه ولد حــ/ــرام بس كيف بيعرف بحياته السابقه ويعرف من هي البنت المتواجدة بالصورة الوحيده الي عنده ؟ بس كل هذا خلفه شخص واحد يا ترى من هو ؟ _ غيم الي يسكنون امه...
