«4200 كلمه»
_
_
_
_
{بيت راجح }
دخلت ميساء الغرفه تشوفه جالس وماسك رأسه بتعب
جلست تبعد اكسسواراتها تشوف انعكاسه : قلت لك ماله داعي ، اخوانها ما يتركونها أختهم و وحيدتهم ما يجبرونها على شيء ما تبغاه لكن انت سويت كذا ليه ؟ عشان ايش ؟
عشانك ،، لفت نظره له تناظره من فوق لتحت : للحين تحب اسرار وتبيها ترجع لك غصب ؟
رفع نظره رجح لها : مالك دخل ميساء لا تدخلين
وقفت بغضب تطيّح الكرسي : لا لي دخل مو انا الي تتزوجني عشان تنتقم منها واجيب الخلفه عشان اقهرها وتجي تبي تزوج بنتها كـ حل أخير لأنها ما فكرت فيك ابدد !! لا لي دخل يوم انك تسوي كل هالامور من غير ما تعبرنيي ، الله ياخذك يا واطي يا مريض متخلفف كل هذا تسويه عشان وحده ما تبيكك اعتقها خلعتكك بنفسها سوت كل شيء لجل تبعد عنك والحين تحبها له الدرجه ما فيك كراامـ...
قطع عليهم دخول خالد وناصر الي سمعوا كل صراخهم مسك خالد يد أبوه الي بغت تنمد عشان يضربها مسكها بحميّه : لا ابوي معلش يدك ما تنمد على امي !!
نزل راجح يده يشدها عليه ويطلع تاركهم بالغرفه
اما ميساء الي جلست ترجف لحد ما انفجرت بكاء من كل الي صار تعبت وعانت كثير معه ،، والي يقهرها ابد يسوي كل هذا فقط لجل ترجع له اسرار مكسورة الخاطر ! ...
______
صباح يوم جديد ✨
بيت آل سعود
الكل صاحي وعلى طاوله الفطور
سطام و وائل و بدر
وئام و انفال
ميان و نورس
ميار و مهيار
رفع نظره سطام يسالهم : الاسبوع الجاي عندكم شيء مهم ؟
وائل : فقط افتتاح المعرض الاحد
بدر : عندي مواعيد رُخص الاحد
وئام : عندي اجازه اسبوعين
انفال : ودي اقول اجازه لكن للاسف معلمه
سطام : تقدري تقدمي اجازه ؟
انفال : أن شاء الله
ميار : فيه سفره صح ؟
سطام بابتسامة : صح ، بإذن الله الاسبوع الجاي اذا ما عندكم شيء بنسافر لندن
وائل : عند ساره ؟
هز رأسه بـ "اي"
سطام : أبدوا وجهزوا اغراضكم بإذن الله الاثنين بنمشي ، وشوفوا لو تقدروا تقدمون اجازات انا المدراس بتصرف انا
هزوا رأسهم بتمام اما ميار ومهيار بدوا يخططون لفعالياتهم
افطروا على السريع وقام الكل يجهز نفسه لصلاة الجمعه والي يجهز أغراضه للسفره
ــــــ
{ شقه فهد وتارا }
صحت تارا من وقت ولبست لها طقم اسود
سدلت شعرها المُموج بلون بُنيّ حطت لها ميكب صباحي بدرجات الزهريّ ، خذت جوالها و دخلت المطبخ جهزت لها كوب قهوه ثم جلست تتصفح جوالها بدون اي هدف ، قفلته بعد وقت خذت كوبها توقف تناظر الاطلاله من النافذة ،
لفت على صوت ابوها : صاحيه بدري اليوم ؟
تارا بابتسامة: صحيت من وئت توقعتك صحيت بس شكل ما ايجاك نوم
ضحك يبوس راسها يطلعون مع بعض للصاله : لا ايجاني نوم ونمت كثير ، ، وش رايك نطلع نتجول بالمدينة واعرفك عليها ؟
وقفت بحماس تبوس رأسه : تمامم ، شو البس هلأ
فهد بهدوء : شوفي اول شيء فيه شروط
عفست ملامحها بزعل : شو هيّا !
فهد : راح تتكلمي مثلي ، لهجه سعودية بتعرفيها بس تدلعي ،، كمان راح تلبسي العبايه وتغطي شعراتك اوكيه ؟
وقفت بتفكير : هممم اوكيييه ، خمس ثواني وبكون جاهزه
راحت غرفتها تاخذ عبايتها وترفع طرحتها الي مو ضابطه ابدا ، طلعت من الغرفه: شو رأيك بابا
ضحك فهد من طريقه الطرحه : هـهـهـه تعالي تعالي وش هذاا ، الحين أعلمك كيف ،،،وقفت عنده وبدأ يعدلها لها وبعده طلعوا من الشقه وركب أحد السيارات الي استاجرها
وبدأوا يلفون بالمنطقه كلها ،،،،
أنت تقرأ
ايا غيمه امطري دنيايّ
General Fiction( لا ابيح النقل او اقتباس الروايه!! _______________ عبد الرحمن الي عاش 17 سنه وهو بظنه أنه ولد حــ/ــرام بس كيف بيعرف بحياته السابقه ويعرف من هي البنت المتواجدة بالصورة الوحيده الي عنده ؟ بس كل هذا خلفه شخص واحد يا ترى من هو ؟ _ غيم الي يسكنون امه...
