_
_
_
_
_
تقدّم سليمان وابتدا يحاول فتحه لين ما فتحه اخيرا و ركض ضيدان لها يرفعها من الأرض يشوفها تحضن نفسها والواضح مخنوقة رفعها على السرير : جيبوا مويا
فكت جود درجها تخرج منه المويا وتعطيه : حمدان ارفع راسها معيّ
رفع حمدان راسها وابتدا ضيدان يشربها لين ما بدأت تصحصح بتعب نطق ضيدان لـ عدنان : شوف امي اذا تبي ترجع تجهز بودي الوعد البيت
هز رأسه بتمام ونزل لامه وبلغته بأنها بترجع معهم نطقت شهلاء : اجل وقت الروحه بنجي لكم و ناخذكم معنا أن شاء الله
تمتمت بأن شاء الله
وقف ضيدان وشال الوعد ولبسها عبايتها ثمّ طرحتها الي اكتفى يحطها على رقبتها ، نزل شايلها بيدينه وخلفه اخوانه والبنات واقفين بنص الدّرج ، ركّب ضيدان الوعد وكان معها اخوانها وتقدّم سالم بندم : ضيدان !
ضيدان : اسكت يا سالم ، يكون بعلمك مو اي احد يكون ابو ، وفهم الكلام مثل ما تبي ، اذيت الوعد وكثير واعرف اني ما راح اعدّيها لك ، وبيوصل مقسومك ، سلام .
طلع قبل يسمع شيء من سالم ، وركب يحرك سيارته باتجاه البيت وكانوا ساكتين
اما سالم دخل البيت وجلس بهدوء
{ فوق وبغرفه محمد }
يسمع الازعاج الي حوله ويكلم غيث : اي اقولك في مناسبه صايره ،، اي فاديه مختفيه بتكمل ثلاث ايام وهادي قال عند خويتها ،، اكيد تكذب لان مارسلت حتى نقطه للاهل ،، اي عاد فكرت لو مسكها هادي بالجرم المشهود والله ما تعدّي من عنده ،، اي ،، ابشر ،، بعلمك ،، تمام ،، مع السلامه
قفل الاتصال واتجه لفراشه يرسل لـ شجن "وش فيه ؟ "
ماهي إلا نص ساعه ورسلت له كل الي صار وحوله لغيث
بعد ما قراه
{ غرفة جود }
جلسوا البنات بهدوء وسمر عند النافذة تسوي مناكير ليدها وتنفخ عليهم تكلمت وعينها بيدها : بنات
ناظروها البنات وكملت : بعيدا عن كل شيء ما جاكم فضول لغرفه جدي ؟
وقفوا البنات عندها وقفلت جود على فمها : يا بنت ! ، بنات قفلوا الباب
{ كل الكلام الان بالهمس }
قفلت شجون الباب وشجن النافذة وشالوها للفراش
يسكتونها همست جود : مواضيع زي كذا تأكلين شحم وتتكلمين بشويش رافعه صوتها الآنسه
سمر بهمس : بنات ترا اتكلم من جدّ احس جدي مخبّي اشياء كثير لو تلاحظون يعني الغرفه الوحيده الي ما لها نسخه ثانيه بالمفاتيح يعني حتى جداتي ما يدخلونها مستوعبين ! ما يدخلها احد غير هو و...
فوز : اخلصي ومين ؟
سمر : هـادي
البنات باستغراب : هـادي هـادي ولا ؟
هزت راسها سمر بتأكيد : اي والله هـادي ولد عمه وضحى
شجن : اوكيه يعني من كل عياله وأحفاده ما اختار غير هادي ؟
تعدلت شجون بقعدتها : عاد هادي احس انه شخص انطوائي حتى خواته ما يسولفون عنه كثير ، هادي اسم على مُسمى ، بس ما عليكم تتوقعون وش فيه ؟
فوز : همم تتوقعون جدي متزوج ؟ أو في أفراد للعائله ؟ او ممكن ورث ؟ ما اعرف
سمر : هوب من الحين اذا في فرد حديد ولا هو محرم لي ومزيون بيكون لي من الان ، الورث اذا كان شيء كبير لي ، بأن انا الي علمتكم عنها اوكيه ؟
هزت راسها جود بقلة حيل : اييي اقولك تعالي موجوده تبينها أقدمي لها
ضربت شجون سمر بخفه : وجع يا سمر وجع احس ابي اعرف وش بالغرفه بسببك
سمر : وجع خير يديي
تسنيم بأفكار من عالم آخر : يمكن فيها ولد عمي غيث ؟ ويمكن فيها عمي وزوجته ؟ تتوقعون منو ؟
حطت شجن يدها على رأسها : هذي الي من عالم اخر صدق !
ــــــــ
{ بمكتب هـادي }
يقلّب أوراقه بهدوء ويشرب شاهي ساهي البال ، يفكر بكل شيء ، وقف يعدّل حزامه من وصله طلب بأن لازم يدخل عند فاديه ويسحب علومها بعد ما راحوا للمكان المقرر عليه والاخير كان هارِب لكن من شوي رصدوا مكانه وينتظرون فقط دقة الساعه ، دخل يشوف فاديه على الكرسي بلبس السجن : قومي !
وقفت بصعوبه تستجيب لأمره بدون كلام
جلس يرمي كوبه بعيد يتحول لزجاج ينطق بحدّه : جمعيه بخمس دقائق المكان نظيف
مشت خطاها لمكان الكوب تحاول جمع الزجاج لكن عجزت تجمعه كله من قوه ما أن الكلبشات مشدودة ، حاولت تحرر لكن ما قدرت ، من قوه الإرهاق النفسي جرحت يدها دون قصد بالزجاج الي مسكته ، يتحول لون يدها للاحمر قرب هادي يشيل الزجاج من يدها ويجمعه بالزاويه نطق بحدّه يطلع : جهزي نفسك تطلعين بعد المغرب ، وجهزي نفسك كُلياً بعد بكره
دخلت العسكرية وخذتها لمكانها وجاء العامل يجمع الزجاج ،، دخل هادي مكتبه يجمعه أغراضه ويطلع من المركز متجه لبيته ،،
أنت تقرأ
ايا غيمه امطري دنيايّ
General Fiction( لا ابيح النقل او اقتباس الروايه!! _______________ عبد الرحمن الي عاش 17 سنه وهو بظنه أنه ولد حــ/ــرام بس كيف بيعرف بحياته السابقه ويعرف من هي البنت المتواجدة بالصورة الوحيده الي عنده ؟ بس كل هذا خلفه شخص واحد يا ترى من هو ؟ _ غيم الي يسكنون امه...
