ايا غيمه امطري دنيايّ

البارت الثالث

_
_
_

{في بيت وضحى}
رجع هادي من دوامه يدخل البيت ويقفله بعد دخول هيام و هيا الي يسولفون عن صحباتهم ،، طلعت وضحى من المطبخ على أصواتهم ، أقبلوا يسلمون عليها ابتسم هادي : جعل يدش ما تمسّ النار يا ميمتي
ابتسمت وضحى تربت على كتفه : آمين يا يمه
لفت عليهم تقدمهم : يلا يلا بدلوا على بال ما احط الغداء الي يتأخر باكل عنه
نطق هادي بضحكه : ههههههه عاد واضح من المقصود
ضحكت هيام على ملامح هيا الي عرفت نفسها: يمااااه شوفييهمم ، حتى توأمي قلبت بعد !!
ابتسمت وضحى تحتضنها تمازحها : ما عليك يمه يلا يلا روحوا بدلوا ولا تنسون صلاتكم
راحوا على السريع يبدلون ويصلون وانتهوا بغضون
الـ ربّع ساعه ،
طلعوا يعاونون امهم اما هادي الي كان ماسك رأسه من الـصداع الي داهمه ، اليوم جته قضيه ولما مسك المتهم كان مستفزّ وبارد فار دمّه الوضع متعب ، وقف يسند نفسه وطلع برا بعد ما بدّل ملابسه يشوفونه يحطون اخر لماساتهم بالتحضير جلسوا كلهم على السفرة وابتدوا يسمون بالله..

_

في أحد القرى المُتَهالكَه وفي منزِل مُتهالِك

طلع بابتسامة تزين ثغرّه يرد على الاتصال الي جاه : حصل ، ننتظر *** و *** يجون لا تنسوا تراهم مسهلين لنا الوضع خصوصاً باتهماهم لـ ** وهالشيء لصالحنا يا حلو وكثير
رد المتصل بضحكه مليانه خُبث : طبعاً وخصوصاً الهطوف هذول بيكون سهل وكثير علينا ، بس كله بوقته حلو !
المهم الحين خلهم يجون ضروري تراهم المكسب الكبير لنا وخصوصاً الفاتنه الي معه
ضحك بشّر : فاتنتك اجل ؟
ابتسم يدور بالقلم قدامه : ومن اخر فترة بس مجرد بضاعه العب فيها وتروح زيها زيّ غيرها ، المُهم خلهم يجونك واول ما يوصلون اتصل على الرجّال قول له يجيّ ، وكالعادة عصفورين بحجر بياخذ البضاعه وبيطلب الفاتنه ، ومع الطلبين هذول بيكون السعر اعلى يا وحشّ ، انتبه لك وعيني عليك بدون اغلاط لا تروح زي الاول
ابتسم بتوتر : افاا عليك يا عميد مافي اغلاط تربيتك
ابتسم بخبث يقفل الاتصال ويرفع صورها ويقلبها قدام يدينه ،،

____

طلع عبدالعزيز من غرفته بعد الاتصال الي جاه من ناصر
أنه جاهِزّ ، نزل لتحت يشوفه عندّ السيارة ركبوا من غير كلام
يتجهون لمكانهم المُفضل "البر" والي يقدرون يتكلمون فيه بكل شيء يودونه من غير وجود أي احد .
وصلوا بعد وقت و فرشوا فرشتهم ونزّلوا العِزبه
(شنطه فيها كل شيء يخص البر والمطبخ ، مطبخ مصغّر)
شبّ ناصر النار وجاب عبدالعزيز اغراض الشاهين وابتدا يسويه ، انتهوا من التجهيز واكتفوا بأنهم يرجعون ظهورهم على المساند "كنبه متنقله" ويناظرون القمر و إكتماله
تكلّم ناصر وهو مثبت نظره للقمر : ما لقيت ، سألت وكثير قالوا ماهوا بالسعودية بكبرها
نطق عبدالعزيز بنفس وضعيته : اجل اكيد بيكون لحّق مشاري ، تصدّق اشتقت له بآخر سفرة دريت أن عنده بِنت
شفتها تمنيت اروح أحضنها واقولها تراني عمّك بس ما ادري شفيني مسكت ارضي ولا رحتّ
تكلم ناصر يشرب كوبه : والله ودي اشوفهم كلهم بدون قيود ولا حواجز لكن البركه بـ عبدالله
ضحك عبدالعزيز بخفه : المفروض اقولك حدّك ابوي ويكون جدّك ، بس ماش مو عاطيّ مجال نحبه أو نخاف عليه ، بس يبي يفرقنا
ميّل رأسه ناصر يناظر القمر الي بدت تغطيه السُّحُب : طيب شرايك ناخذ سفرة ونروح لها مو شرط يدرون !
نطق عبدالعزيز بجديّه : نروح ؟
ابتسم ناصر من الفكره الي داهمته يعدّل جلسته بحماس : اي بالله طلبتك ي عزوز نروح زانت براسي
ضحك عبدالعزيز من كميه الهبال الي جاهم : اي والله صدقت قمّ قمّ نجهز أنفسنا وبكره نقدّم اجازه خارجيه لمده اسبوعين
وقّف ناصر بحماس وابتدوا يجمعون أغراضهم ويرجعون للبيت بس بعد ما مرّو على السّوق