﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
- سُبحان الله .
- الحَمد لله .
___________
_
_
_
_
{بيت اسرار}
طلعت تحط آخر لمساتها من الفطور وترفع صوتها تناديهم : ضيدان ، حمدان ، عدنان ، سليمان ، الوعد ، يلا تعالوا افطروا قبل الدوام
طلع ضيدان وهو يقفل شنطة الدوام ، وقف يسلم على أمه ويدعي لها كعادته : شيجعل يدك ما تمسها النار ، قولي امين
ابتسمت له برضا : آمين يا امي انت ، يلا اقعد أفطر ، لا تتأخر على دوامك
جلس ضيدان يفطر مع أمه على دخول حمدان و عدنان وصراخهم يسمعه الاصمّ حتى ولا كأنهم جنب بعض : يا حبيبي على كيفك ثوبي ذااا
قفل حمدان اذونه بيده من صراخ عدنان يرد له صراخه : على كيفك انت ، وربي ثوبي مقاسي بعد
دخل سليمان ومعه الوعد رفعوا يدينهم على فمهم ثم جبينهم بقولهم "الحمدالله والشكر" راحوا يجلسون على الطاولة مع ضيدان وامهم اسرار يناظرون لانه صار عاده يومياً هالاثنين صراخ مافي تفاهم رفعت الوعد ملعقتها تاكل : بصرااحه هذول م ادري شلون دخلوا استشارات اسريه و عالم نفس صراخ بصراخ أعوذ بالله
غص سليمان بالمويا وبضحكه : تتخيله يقول للي عنده ، وش فيك وهذاك ساكت شوي يصرخ ويقول بتنطق ولا لا ، هنا عاد فلم صدق
لفوا ع الصمت الي صار وكانوا حاضنين بعض وجاين يفطرون
اسرار : حسافه اليوم خلصتوا بدري ، ليه ؟
عدنان بغمزه لِـ حمدان : انا وأخوي قررنا نتصالح دوروا لكم فلم غيرنا
رفع سليمان يده ع صدره بمسرحية : والان سيداتي سادتي سأقدم لكم فلم الاخو الكفو
تكلم قاصد الوعد : يلا الحين نروح المدرسة
قامت اسرار تجيب مصاريفهم : اصبروا اجيب مصروفكم
دخلت غرفتها تاخذ المصروف وطلعت لهم تعطيهم خذت
الوعد عبايتها تقفلها : سلْموني تكفى لا تطول عليّ اليوم مره هوووت ، ما اتحمل
تكلم سليمان يشوف جدوله : هممم انا اخلص الساعه اثنين ما يمدي
ضيدان بابتسامة : اجل خلاص انا بطلع الساعه 11 أمر عليك ، كم وعوديّ عندنا
ضحكت الوعد بفرحه تبوسه : يانااس احب اخوووي ، فديته
سليمان بزعل مصنطع يروح عند أمه : اقول يا اميمتي سوقي طاح عند بنيتك دلوعتك لا تحبني ولا تفداني ، وانا كنت اونسها شفتي يمه
خذ عدنان المويا يحطها بعيونه ع أساس دموع يقوم يحضنه : لا لا يا اخوي افاا اختنا سوت فيك كذا بنقاطعها ، م ارضى على اخوي
الوعد : افاا يا اخواني انتم عينين براس
اسرار : وامك
حضنت الوعد امها : انت حلوه اللِّبن ، وريديّ وشريانيّ
حضنتها اسرار : يا روحي بنتي
قام حمدان ياخذ كُتبه من جته رساله من احد اخوياه بالجامعه يسلّم على أمه : يلا يلا دوام ، تأخرنا اليوم
وقفوا كلهم ياخذون أغراضهم ويسلمون على امهم يودعونها
طلعوا وذكرت ربها عليهم هم سعادتها وحياتها بكل دنياها استودعتهم الله من كُل قلب ، قفلت الباب ودخلت تاخذ الفطور للمطبخ وتريّح لحد وقت رجعتهم
_
طلعت سياراتهم من البيت وكان الترتيب كالاتي
سليمان ومعه الوعد
اما الباقي كل واحد بسيارته .
_
وصلت الوعد مدرستها على وصول صحباتها
دخلوا المدرسة يبعدون عباياتهم ويحضنون بعض بشووق : يووه بنات اشتقت لكم بالحيل
حضنتها صحبتها غزل : والله مو قد شوقي لكم
وتقدمت أميرة تحضنهم وبضحكه : اتحدا توصلوا لمقدار شوقي لكم
الوعد بحماس : عاد اشتقت لميسو
اميرة بضحكه: اوووف عاد بتوريك الحين كل الغزل الي عطيتيها اياه بالاجازه
ضحكوا مع بعض واتجهوا لفصولهم بعد ما شروا لهم مفرحات من المقصف
_
"لندن"
صحت غيم وقفت تجهز ملابسها و الي كانت عبارة عن تيشيرت ازرق و بنطلون ابيض، دخلت تبدل وبعد ما انتهت طلعت لبست لبس الصلاه و فرشت سجادتها وصلّت ، وبعد ما انتهت وقفت قدام المرايا تشغل لها موسيقى صباحيه وابتدات تسوي شعرها وتحط ميكب صباحي خفيف والي كان بدرجات الوردي الهادئ ، انتهت وطفت جوالها و راحت تاخذ عبايتها البيضاء وشنطتها بالاضافه لجوالها، تطلع من الغرفه،،
أنت تقرأ
ايا غيمه امطري دنيايّ
General Fiction( لا ابيح النقل او اقتباس الروايه!! _______________ عبد الرحمن الي عاش 17 سنه وهو بظنه أنه ولد حــ/ــرام بس كيف بيعرف بحياته السابقه ويعرف من هي البنت المتواجدة بالصورة الوحيده الي عنده ؟ بس كل هذا خلفه شخص واحد يا ترى من هو ؟ _ غيم الي يسكنون امه...
