_
_
_
_
يوم جديد
يحمل في طيّاته الكثير من الأحداث
فحان وقت الانفجار ،،،،
المطار
نزّلت عائلة آل سعود بصحبّه مشاري
ودخلوا صالات الانتظار ياخذون شنطهم وبعد وقت طلعوا من المطار رفع جواله مشاري يتصل على غيث : وينك ؟
رد عليه وهو للتّو وقّف سيارته عند أمن المطار : يلا جاي خمس دقائق بس
قفل الاتصال وساقّ سيارته لحدّ مواقف المطار
نطق سطام لـ مشاري : يا رجال امشّ واقعد بالبيت ومتى ما ريّحت روح له !
مشاري بهدوء: ماله داعي والله هذا هو قرّب ، ويكفي عليكم سارة وغيم اصلا مدري كيف وافقت عليهم
مهيار بعبط : افا يا خال ترا بس يومين انت خذيت عمتي 24 سنه يا كبرهاا ، خلاص خلها ترتاح من وجهك يومين بس
ضربه مشاري بخفه : وش فيه وجهي ع فكره وجهي ذا تحاربوا عليه البريطانيات يا بابا
ساره بقهر : يعني بتعيد وتزيد !
غيم: ويت ماما بابا ما يلاقي بريطانيه زيك ولا انتِ بتلاقي سعودي زيه ، انا الي بغار ما معي بريطاني
مشاري : من ذا البريطاني الي تبينه
غيم بعبط : للحين محتاره
لفت لـ ميار : ابيك بعدين تختارين معي لان محتاره بين اربعه
رفع حاجبه مشاري يناظرها يدري انها تطقطق لكن نطق يمازحها : بالاخير يطلع زي ****
ضحكوا بعلوّ والتقوا بسيارة غيث الي و قفت ونزل منها سلّم على العيال ولف مشاري ياخذ أغراضه بمساعده غيث
لفّت غيم : غثيث هناا بعد !!!
سمعها غيث وابتسم بهدوء يتجه للسيارة ونطقت ميار : يا ورعه والله مزيوون
غيم بصدق : يعني هو مزيون بس يغّث
ميار بتأييد : برضوا ممكن
ركب مشاري مع غيث والتفّوا لـسياراتهم يركبونها باتجاه البيت
__
بيت هادي
صحّت فاديه كعادتها تقوم وتشوف أن هادي صاحي من قبل
بعدّت المفرش بخفه ، رفعت الفراش ترتبه و وقفت تتجه للحمام (الله يكرمكم) وبعد ما انتهت طلعت تصلي ثم وقفت للدولاب تطلع منه فستان صباحي كان باللون الزهري بكمّ طويل ومن تحت قصير شوي دخلت تبدل وبعد ما انتهت طلعت تحّط شويه مرطبات وميكب خفيف جدا عباره عن روج بلون توتي ومرطّب للبشره ، اكتفت بلبس اثنين من بناجرها وعقد ذهب خفيف ، انتهت وخذت وشاح فرّو خفيف ثم اتجهت ولبست صندّل خفيف بلون ابيض وخذت جوالها تطلع ،، دخلت الصاله تشوف هادي جالس ورافع رجوله على الطاوله ويشرب قهوته وعنده صحن التّمر ، ناظرها مقبلّه تجلس ينطق بـ : جهزي أغراضنا بنروح بيت جدي من يومين لاسبوع
هزّت راسها باستغراب : وش فيه ؟
هادي بهدوء: فيه واحد من الأهل رجع ويبونا نجتمع ،
وقف يعدّل ملابس دوامه : انا بمشي وقفلي الباب وبرجع اخذك إذا قربّت من البيت بتصل عليك تنزلين
هزّت راسها بتمام وطلع من البيت لدوامه ودخلت تقفل الباب وتروح للمطبخ تسوي لها فطور
__
بيت راجح
طلعت ميساء بعد ما لبست لجل الدّوام و طلعت يارا معها نطق خالد : جهزتوا ولا بعد ؟
يارا : بس ثواني اعدّل عباتي
تقدّمت ميساء تطلع : عجلي
عدّلت يارا عبايتها واتجهوا للمدرسه
__
بيت سحاب
فتحت سحاب تشوف رساله رهف لها
محتواها "ألف مبروووك سيمو فتح لك ملف واسمك فيّاض "
عقدّت سحاب حواجبها تتصل عليها وتنطق بسرعه
"يا هو وش فيّاض اسم ثاني مافي ؟
رهف بطقطه
" لا الحين ما باعوه
سحاب بضحكه
" لا جد وش فيّاض اسم غريب
رهف بصراحه
" وانا شعرفني بس قلت لخالي تبي اسم غريب وعطاني إياه المهم فياضيّ متى تعزمني ؟
سحاب بضحكه
" يا عيون فيّاضك مشغول هاليومين ولا عندي فلوس توي ادرس ، أن شاء الله اذا اني عطوني مصروف باحوّل لك ريال ريالين كذا يعني
رهف بضحكه عاليّه
" وجع فيّااضيي ، اخخخ ي ربي بموت ضحك سحابوو
سحاب بضحكه أعلى من رهف لدرجه انها انخنقت وبدأت تكّح
نطقت رهف بضحكه
" سلااامااات فيّووضييي
كحّت سحاب
" حسبي الله تكفين خلاص ي ربي ما اتحمل هههههههههههههههه
ضحكت رهف
"اقول يلا خلاص داوم نبي معاشات وعزايّم
ضحكت سحاب بخفه
" ابشري عاد اول معاش لك ، احبك والله سلمي على الأهل بروح اجهز
ضحكت رهف وسكروا
ولفّت سحاب ترتب على السريع لبست قميص جابته لها رهف من يومين وبعد ما لبست وكل شيء خذت نظاره تلبسها تعيد اجابتها للاسئلة الي بتتلقاها عن سبب جيّتها له المدرسه : اسمي فيّاض من جدّه ، نقلت لظروف خاصه
حركت وجهها يمين ويسار : وش ظروف خاصه بيسالون وش ذي ، وفضوليين اكيد !
بدأت تحاكي نفسها وتمشي بالغرفه رايحه جايه : ظروفي همم وظيفه ؟ لا ما تمشي ، طلاق الاهل ؟ برضوا ماله دخل ، همم مالي غير اقول.....
أنت تقرأ
ايا غيمه امطري دنيايّ
Ficção Geral( لا ابيح النقل او اقتباس الروايه!! _______________ عبد الرحمن الي عاش 17 سنه وهو بظنه أنه ولد حــ/ــرام بس كيف بيعرف بحياته السابقه ويعرف من هي البنت المتواجدة بالصورة الوحيده الي عنده ؟ بس كل هذا خلفه شخص واحد يا ترى من هو ؟ _ غيم الي يسكنون امه...
