_ لعنة الحياة _ ﴿ اللهجة الجزائرية ﴾

_03_

نيهاد :

افف ضو على صباح ربي .... يبالي نسيت تاقة محلولة لبارح .. حليت عينيا شفت فيها ، بابا الله يرحمو كان دايمن يجي يغلقها فليل كنت ننساها بزاف ... تبسمت على جنب ، فاتت 5 ايام على موتو و مزال ماتخطيت موتو ... شفت ساعة كانت عاد 9 حكيت عينيا نحاول نصحصح .. نضت من بلاصتي دخلت درت دوش خفيف بعدها لبست بيجامتي ، دروك عادة ني نحس روحي خفيفة ..
هودت لتحت لقيت اسيا موجدة لفطور و قاعدة فطابلة تبسمت معاها بلطف : صباح لخير ..
اسيا : صباح نور قعدي تفطري ..
قعدت فلكرسي بديت ناكل طلعت راسي شفت فيها لقيتها تشوف فيا بنظرات خبث ، ضحكت في وجهها و نطقت : وشبيك خير و هاد شوفات ؟؟
عقدت حواجبها مزال تصحح في وجهي ، حطيت لمغرف و ضميت يديا لصدري : تفضلي احكي متخليهاش في قلبك !
ضمت مام هيا يديها لصدرها و نطقت : ايه راح نحكي طبعا مراحش نخليها في قلبي ..
_ واش كاين ؟
اسيا : واش كاين بينك و بين عبدو
واش قالت ؟ عبدو !! واش جاب سيرته دروك .. زعما تكون عرفت بلي راه عاجبني !
_ واش هاذ سؤال ؟؟
اسيا : قوليلي واش كاين بيناتكم ؟
_ واش راكي تحكي شغادي يكون بيناتنا زعما !
تنهدت و حسيتها تبدلت ملامحها لجدية قالت تشوف فعينيا : نيهاد ! صباح عيطتلي نورا ..
ياربي بديت نتوتر ! واش غادي يكون زعما ياخي مدرت والو !!
_ ايه علاه عيطتلك ؟
نفخت مبعد كملت : قال حابة تخطبك لولدها و غدوا يجيو ..
تحلو عينيا حتى محسيتش كيفاه يديا بداو يرجفو ..
_ كيفااه !!
اسيا : ايه معرفتش مين خرجتلهم هادي تاني و علاه بنتيلهم غير نتي ؟ مبيناتكم والو قولي ؟؟

عبدو غادي يخطبني ! تبسمت بلا منعبا ... حب طفولتي و لي دايمن متمنياته غادي يخطبني ! مزال مستوعب عقلي راني نوم و لا راني بصح ؟ بصح ... علاه انا ! علاه خلاو كامل لنات و بنتلهم انا كيما قالت اسيا ؟ بلاك عجبته ! لا ميمكنش .. بصح زواج فهاد لاج حاسة روحي مزال صغيرة على لمسؤولية و زيد معندي حتى فكرة على زواج ... و فنفس لوقت مراه عندي طاقة لوالو حتى قرايتي و ديسيديت باش نحبس .... يم ..
نتفضت لصوت اسيا شفت فيها
اسيا : راني نحكي وحدي !!
_ اه !
اسيا : وشبيك سقسيتك جاوبيني ! واش بيناتكم ؟
تنهدت و رديت عليها مقلقة : قتلك مبيناتنا والو لكان كانت كاش حاجة بيناتنا تعرفي بلي نتي لولة لي تستخبري ..
حسيتها قتانعت كي سندت روحها على لكرسي مبعد نطقت
اسيا : ايه و واش رايك ؟
_ معلاباليش اسيا ... علابالك بلي مزالني صغيرة بصح ..
اسيا : بصح شاه !؟ حتى لقراية و عمدتي باش تخرجي ! واش حابة ديري دروك ..

صح واش تحكي ، قرايتي لي عليها لعمدة و خرجت منها منيش فحالة تخليني نكملها ، يمكن جاتني فرصة باش نتزوج و نبني عائلة مع لي نحبو عائلتي لي مشبعتش منها و راحت يمكن ندير اخرى و نعوض حنان الام لولادي .. و زيد عبدو ! كما راني نتخيل روحي معاه متتصوروش فرحتي ..
نطقت نشوف فيها مبعد نطقت مترددة : اذا حبو يجيو غدوة مرحبا بيهم ، اذا تعرفت عليه مع لوقت تبان ..
اسيا : ايه مام انا تبالي هذا هو القرار صحيح ..
هزيت راسي ايه و رشفت ملكاس تاع لما ..
_ شي غادي ندي طوموبيل و نخرج اذا كاش ماتسحقي قوليلي ؟
اسيا : نيهاد راكي تسوقي بلا بارمي اذا كاش مايصرا ت...
قاطعتنا و نضت مبلاصتي : مايصرا والو منبعدش نروح غير عند سيرين ..
اسيا : اففف من صغرك راسك خشين ..
طلعت لبيتي نجري لبست قشي و ليسيت شعري .. شفت روحي فلمراية اخيرا دنيا ضحكتلي مرة فزمان .. لازمني نمشي عند صحبتي سيرين نوصلها الاخبار جديدة متاكدة غادي تفرحلي ..