شفنا فدروج فشير صغير هابط يجري مقلق .. ياعمري شححال شباب يبان عمرو 6 سنين هكذا ولا شعرو صفر واصل لرقبتو رطب حرير ... جا يجري لعند خديجة و موراه ولد يبان ف 24 من عمره هكذا
.... : رواح لهنا قتلك ..
نطق شير صغير معصب : بعد عليااا .. ديجا تستاااهل
قالها و راح تخزن مور خديجة ..
عبدو : شكووون راه هنا !!
نتبه هذاك طفل لعبدو و راح يجري عنده عنقه يضحك فرحان ..
عبدو : واش راك لؤي ..
سميته شابة و مام هو كيوت نظن ولد عمه !!
لؤي : غاايا ..
نطق هذاك شير : والله و نلقاك قدامي ...
راح قرب عند عبدو و صافحه بحماس : وشرااك صاحبي
عبدو : صافا خوياا توحشناك وشبيك مراكش تجي بزااف
_ نورمالمون ڨاع متحكيش معايا
قالها مقلق هاذ شير تحس عندو طاقة ايجابية و عفوي !! عكس عبدو ...
نطق مقلق : مقديتش تسناني حتا نجي و دير لعرس !!
ضحك عبدو بسخرية ..
عبدو : معليش لعقبة لعرسك ...
نطق هذاك صغير كاتم ضحكته
لؤي : شكون تتزوجه هذا ؟؟
قالها و هرب يجري ...
خديجة : لؤي متجريش دوك طيح ..
نطقت لجدة : زينو عندو لحق كنت تسنانا حتى نجيو و نقيمو عرسك ..
عبدو : امم نتوما حوسو فماريكان و سكنو تما و انا نسناكم حتى تجيو ...
غزرت فيا جداته قالبة وجهها باستفزاز
جدة : اوموا كنت نخيرلك عروسة شابة ..
تنهدت ، ياربي واش مشكلتها معايا !! غزرت فعبدو لقيته يشوف فيا بملامح جافة ! مبعد فلي يسموه زينو لقيتو جاي عندي بعفوية ..
زينو : اه ! نتي هي لي معندكش زهر لي تزوجتي عبدو !!
ضحكت على تعليقه مي تجي تشوف عندو لحق ..
_ ايه انا ههه
شفت فعبدو لي قلب عينيه بملل ..
مدلي يديه و صافحته ...
زينو : مرحبا بيك ...
_ مرسي ربي يحفضك ...
لتفت زينو لعبدو و نطق ...
زينو : ايه مبروك عليكم لعقبة لذرية صالحة ..
غير قال هاك تفكرت ذرية راها جايته مكاترين مش مني ... تنهدت نشوف فالارض ..
عبدو : نشالله خويا حفضك ...
هاذو كامل لافامي لي راهم هنا ؟ .. ميساء وين راها تفكرت !!
_ ميساء مجاتش ؟؟
قلتها نشوف فطاطا نورا ..
نورا : ايه حقاا راها لفوق مع اسماء ..
منذر : عبدو ديها تشوف دار ..
شفت فعبدو لي وقف بملل و سبقني ..
عبدو : تبعيني ...
واش يدير هااذ .. ؟!! نكره تصرفاته لمتكبرة هاذي ...
وقفت و رحت بخطوات خفاف باش نلحق عليه حتى جيت قدامه نمشيو ..
_ حبس ماتتصرف هاك راني مرتك هنا منسمحلكش تهيني هاك قدامهم ..
عبدو : مشي قلتي نطلقو !!
علاه تبدل هاك كي جينا هنا علاه يتصرف معايا تحسب انا لي غلطت في حقه !
_ ايه نطلقو .. نموت و منكملش معاك حياتي ..
وقف و شاف فيا ببرود ...
عبدو : كمليها برا تعط# فلكباريات ..
قالها و راح ، تسمرت في بلاصتي ... حكمت فدموعي منخليهمش ينزلو ... تنفست و رحت تبعته قعد يوريلي فدار و انا غير نتبع عقلي فجيهة اخرى ... وصلنا لفوق دخلنا لواحد لغرفة كبيرة طاغي عليها لون الابيض ...
عبدو : و هاذي بيتي .. يعني بيتنا ..
شفت فيها كانت كبيرة و فيها قسم تاع وين يبدلو و باب تبان تاع صال دو بان ...
دخلت بشوية نشوف فيها .. كيفاه غرفته !!
_ عندك غرفة تاعك هنا ؟
مردش عليا دخل و غلق لباب موراه .. راح قعد فلكرسي لي يدور و شعل ڨارو يتفرج فيا ! قلبت عينيا بملل ... ناض بشوية و قرب عندي ..
عبدو : راح نقعدو هنا يامات بلاك نطولو شوية ..
ضحكت على جنب باستخفاف
_ نطولو ؟؟ مفهمتش شاجينا نديرو هناا ؟؟ جيت تشوف مانك علاه نقعدو هاذ ليامات ؟؟
عبدو : هكاا متحوسيش تعرفي .. ماني هي لي رباتني كنت عايش هنا .. حمدي ربي لي مقاتليش ولي تعيش هنا ..
_ علابيها عندك هاذ لبيت ؟
كمل لڨارو راح طفاه فطبسي قعدت نتبع فيه بعينيا .. جيت خارجة حكمني مذراعي و دورني ليه لصقت فيه .. جيت ندفعه كبس عليا ..
عبدو : غادي نوصيك حاجة !
شفت فيه باستفسار ..
عبدو : مدابيك تخلي مسافة بينك و بين لي عايشين هنا فهمتي ؟
عقدت حواجبي ..
_ واش تقصد ؟
عبدو : نتي تفهمي ..
حسيت يده هودت مخصري لمؤخرتي .. نتفضت و شفت فيه لقيتو هبط وجهه لرقبتي .. ولا طلع وجهه يشوف فيا .. عينيه !! ميقدوش يكونو بهاذ لجاذبية ! قعدت هاكا باهتة فيهم .. وليت جيت نبعد كبس عليا كثر ..
عبدو : و بالنسبة لهاذ ### لي كونتيه في مخك تاع متقربش ليا و متوشينيش ! منيش ندير فحاجة حرام نتي مرتي و من حقي فهمتي ؟ .. اذا متعلمتيش روحي قراي على لعلاقة زوجية تفهمي
VOUS LISEZ
_ لعنة الحياة _ ﴿ اللهجة الجزائرية ﴾
Short Story... مرات الانسان يتصادف بصوالح في حياتو جامي يتوقعها ، اذا كان الحب من طرف واحد مراحش تتخيل انو راح يجي نهار و يتحقق حلمك .. مي ايضا مراحش تتخيل كيفاه راح تنقلب حياتك مور مايتحقق هاذ الحلم البسيط ..
