خضها مدراعها يعيط عليها ... نحات دراعها منه و راحت نحات مونطو رماته فالارض مقلقة و تبكي و مشات لصال دو بان بلعت لباب ... قعد يشوف فيها ولا نفخ ... شوية حتى صونا تيليفونه .. شاف فيه و رفد ..
عبدو : اهلا شكون راه يعيط كيفاه حتى عيطتي ...
_ بلعه يالكلب ، يومين و انا نسنا فيك تجي ..
عبدو : وشبيك ماني لبارح عاد قالولي بلي جيتي ..
_ يالكذاب .. شوف ولاد عمومك كي يحبوني كامل جاو ..
عبدو : سما انا منحبكش ؟
_ كان جيت تحبني تجيب كنتي نشوفها .. نشوفها يلا تصلحلك يلا بنت فاميلية ... تقلقت غير تتزوج بلا ماتشاور ..
ضحك و نفخ بملل ..
عبدو : خلاص ماني دوك نجيو والله ...
_ عشية رواحو كامل راهم عندي ملايمين تقعدو معانا يامات و تمشيو ..
عبدو : عشية !!
_ ايه عشية .. يا كوبي ..
قطعت عليه شاف فساعة شحال لقاها 10:30 .. تنهد و راح لصال دوبان دق فلباب .. مجاه حتى رد .. ولا دق مرة اخرى ..
عبدو : حلي لباب ..
نيهاد : روح متحوسش فيا ...
عبدو : حلي لباب باغي نحكي معاك ..
كانت قاعدة فالارض و تشوف فلفراغ عيانة ، تنهدت و ناضت حلت لباب خفيف .. لقاته في وجهها .. طلع فيها ملتحت للفوق ببرود ..
عبدو : وجدي روحك عشية ماشيين عند ماني عارضتنا
نيهاد : منمشي لحتى بلاصة ..
غزر فيها يميز .. ولا قدم عندها بعدت خطوة للورا و قلبت وجهها بحدة ..
عبدو : غادي عشية تلبسي و توجدي روحك بلا مزيتك .. سمعتي ؟
شافت فيه بحدة عاقدة حواجبها ..
نيهاد : متلقيش عليا الاوامر !!
قلب عينيه و خرج ملبيت ... ستفزها كثر .. لزت على سنيها غادي تهبل .. اوك راح تمشي على رايه مي راح تندمه لي راح يديها ..
هود لتحت للكوزينة دار كاس قهوة ... جبد ماصة لوا فيها حشيش و بدا يتكيف مهبط راسه للارض ... شويا حتى شافها هاودة مع دروج ريحت بارفان تاعها سابقتها .. واش لابسة ؟ بيجامة خفيفة مي شوية عريانة ! قعد يشوف فيها و يطلع فيها ملتحت للفوق .. بيجامة فالاحمر مع مكياج يهبل و غوجالاف فلحمر .. و شعرها الذهبي الطويل مسيب ... ضحك على جنب و طفا لڨارو فطبسي صغير ، ولا شاف فيها ماشية للجاردان بلا ماتغزر فيه ، واش تحاول دير ؟ تزين روحهها و تعمر روحهها بلبارفان ! هز راسه باستهزاء ، ڨارو تاع زطلة هدنه شوية و بدا يخدم فيه اومامطون ... ناض من بلاصته خرج للجاردان لقاها مريحة جا موراها و حاوطها يد على جنب و اليد الاخرى فجنبها الاخر ..
ناضت خفيف وقفت كي حست بيه ، قعدت تغزر فعينيه ولا قرب ليها و جبدها من وسطها ..جات تبعد عليه كبس عليها ..
نيهاد : بعد ماتوشينيش ...
مالڨري كان عاجبها قربه ليها بصح محباش تخسر كرامتها ..
عبدو : صبري يالخرا ..
حكم وسطها يشوف فعينيها نوازات و هي تاني تستنا فيه واش راح يدير ...
قرب لشفافها غادي يبوسها .. بعدت خفيف و دفعاته ..
غزر فيها و هي راحت من قدامه جات داخلة .. تبعها داير يديه فجيوبه و يشوف فيها .. راحت للكوزينة و هو طلع وجد روحه لبس مليح رفد مفاتحه و خرج بلا مايحكي معاها ... اما هي قعدت تشوف فيه و فلحطة لي لابسها ..
VOUS LISEZ
_ لعنة الحياة _ ﴿ اللهجة الجزائرية ﴾
Short Story... مرات الانسان يتصادف بصوالح في حياتو جامي يتوقعها ، اذا كان الحب من طرف واحد مراحش تتخيل انو راح يجي نهار و يتحقق حلمك .. مي ايضا مراحش تتخيل كيفاه راح تنقلب حياتك مور مايتحقق هاذ الحلم البسيط ..
