وصلت لدار ڨاريت و نزلت .. نحس روحي ثقيل .. مي مورالي راه طالع فور .. حليت لباب بلمفتاح و دخلت .. ضواو طافيين ! .. جبدت تيليفوني كانت ساعة 2 يعني مزال لحال كي كنت عازب كنت ندخل حتى 4 .. طلعت مع دروج رحت للبيت نحيت فيستا و رميتها فناموسيا .. مي ملقيتش نيهاد ؟ .. رحت للاول مكانتش .. و مام فلجاردان مكنتش ؟ وين راها ؟ .. رحت لغرفة ضيوف .. غير حليت لباب شفتها راقدة مادة بضهر غير سمعت لباب نحل دارت شافت فيا .. ناضت مبلاصتها و قدمت عندي .. غزرت فيا بملامح باردة ! مي تبان زعفانة ! ..
نيهاد :
شفته جا فصح تقلقت منه مزال مستوعبت علاه راه هاملني كامل هاك ؟ و لي يدخل لدار حتى 2 !!؟ قدمت عنده غزرت فيه قلبي يضرب .. عينيه مرة اخرى حومر و ذبلالين ! باينة كان يزطل و ياكل دوا و يدخل لدار .. تنهدت و جيت ماشية حتى حكمني مذراعي .. قعد يغزر فعينيا مبعد هودو عينيه على جسدي .. كنت لابسة غوب خفيفة تاع رقاد .. اوكي منيش حاباتو يقرب ليا متزوجتهش باش يفرغ شهوتو فيا !! نحيت يدي و تعديته رحت لصالة ..
عبدو : نيهاد !
درت شفت فيه
_ مالك ؟؟
عبدو : مالكي !!؟
_ علاه جيت ؟؟ كنت تكمل تبات برا !
ضحك بسخرية و عدا يديه على خدي بمرح ..
عبدو : و انا نقد نخلي مرتي صغيرة وحدها فدار و نبات برا !
_ تصبح بخير ..
جيت ماشية ولا حبسني صوته و هو مورايا يتبع فيا
عبدو : منيتك ! غادي ترقدي فصالون ؟
مرديتش عليه رحت لصالة و رقدت فصالون .. شفته قعد اونفاص ليا و قعد يشوف فيا .. ن .. نظراته !! شوفاته وحدهم يذوبو .. ياربي واش هاذ لحالة ..درت مديتله بظهر باش منشوفش فيه ..
_ صايي روح ترقد .. بلاك تعيطلك كاترين شيخ معاها و لا روح كملها برا وين كنت ساهر ..
حسيته يقرب عندي .. خرجت تنهيدة خفيفة .. حسيت يده على وسطي غمضت عينيا بهدوء .. قلبي يرجف ... ناض قعد قدامي و جبرني نوض نقعد ... نضت قعدت نشوف فعينيه ! .. حكم يديا و باسهم بوسة حنينة خلااص ... محسيتش بروحي كيفاه تبسمت معاه ..
عبدو : خلاص سمحتيلي ؟
تنهدت و شفت فالارض .. ولا قرب عندي و حضني راسي على صدره و هو حاط فكه على راسي ... اوكي راح نستعرف حاسة بالامان معاه .. قربه ليا هكا يخليني ننسا كامل همومي .. مي هذا ميفسرش بلي .. ي .. يحبني !؟ .. علاه منسقسيهش ؟ يخي مفيها والو ؟؟ .. هو جامي قالي نحبك !! خذيت نفس عميق و تجرات نسقسيه ..
_ عبدو ؟
عبدو : ايه ؟
نضت عليه و شفت فعينيه
_ باغية نسقسيك ؟
هز راسه ايه يسنا فسؤالي ..
هودت عينيا لتحت نتفادى نشوف فيه و شبكت يديا بتوتر ..
_ ت .. تحبني ؟ يعني انا فالاول كي خطبتني كنت حاسبة تحبني مي كي تزوجنا معاملتك معايا تقول لعكس !
وليت شفت فيه كان يغزر فيا ببرود .. ولا باسني على شفافي بلا مايرد عليا .. بعدت عليه و نضت .. تنهدت نرجف ولا ناض و قدم عندي يشوف فشفافي حسيتو مراهش في عقله ..
_ شراك كالي حمبوك ؟؟
قلب عينيه و نطق ..
_ مرب## ؟ خراا صايي روحي ترقدي ..
قالها و تفاداني ضربني بكتفه و راح للبيت .. ماله دروك ؟؟؟ حسيت بضيقة فنفسي .. علاه كيما هاك ياربي ؟ علاه يتعامل معايا هاك .. علاه تزوجني مين ميبغينيش ؟؟
VOUS LISEZ
_ لعنة الحياة _ ﴿ اللهجة الجزائرية ﴾
Short Story... مرات الانسان يتصادف بصوالح في حياتو جامي يتوقعها ، اذا كان الحب من طرف واحد مراحش تتخيل انو راح يجي نهار و يتحقق حلمك .. مي ايضا مراحش تتخيل كيفاه راح تنقلب حياتك مور مايتحقق هاذ الحلم البسيط ..
