عنقها و قعد يشوف فنيهاد .. لي حسها ضحية فوسط كلشي ... كانت ساكتة و تشوف محال يخسرها .. محال يفرط فيها .. راح يلقا حل و يرد كلشي كيما كان ..
منذر : نيهااد علاه خبيتي عليه علاه مجيتيش تحكيلناا ؟؟
شافت نيهاد فعبدو لي غزر فيها ..
نورا : خ .. خلاص فاتت دروك ..
نطقت كاترين تبكي ..
كاترين : مفهمتش علاه طاطا نورا متحبنيش مفهمتش علاه زوجتي نيهاد لعبدو جيست باش تتهناي مني و انا حامل بحفيدتك ..
تحلو عينين منذر لي راح يموت ملغش ..
منذر : كيفااه !!! عبد رفيع صح هاذ لهضرة ..
تنهد عبدو بملل يشوف فجداته ..
عبدو : ماني لازمني نخرج ... بلاكي على روحك ..
شدت جداته في يديه ...
جدة : عبد رفيع ...
نفخ مقلق ...
منذر : يعني من الاول خطكتو لكلشي و ستغليتو هاذ طفلة معاكم ! هاكا نورا ؟؟
شافت نورا فنيهاد تهز فراسها لا خفيف ..
نورا : لا لا لا لا واش من استغلال !!! انا شفتعا مناسبة لعبدو و مام هو ...
ضحكت نيهاد بسخرية شافو كامل معاها ..
نيهاد : شفتوني لزوج مناسبة ليه !!
عبدو : نيهاد بلعيه ...
قالهالها بحدة غزر فيه منذر ..
منذر : مزاال تحكي نتااا ..
صاح فيه ..
نيهاد : معليش عمو منذر راني موالفة بتصرفاته ...
قالتها ببرود و كملت تحكي تشوف فكاترين ..
نيهاد : رايحين نطلقو ... فاضتلك ساحة اصلا .. تقدي تربي بنتك معاه و نتي مريحة ...
عبدو : نيهاااد ..
وقف و قدم ليها يصيح فيها حبسو منذر ..
منذر : حبس ..
جات طالعة نيهاد حاكمة فدموعها ..
نيهاد : اصلا من الاول كان لازم يصرا هاك ..
مسحت كاترين دموعها بتسوميم ...
نورا : نيهاد واش تحكي واش من طلاق ؟؟
خديجة : ايه حتى انا يبانلي هاك احسن ..
تبسم ادم على جنب و دار يديه فجيوبه ....
نحا عبدو يديه و جا لاحقها ....
تقدمت نورا عند كاترين ...
نورا : خلااص صراا واش حبيتي .. هياا روحي مناا سينون راح نكمل على قسامك هنا ..
منذر : خلاص كاترين ولي نتي لداركم و متخميش راح نلقاو حل ...
هزت راسها ايه و جات خارجة تبعتها ميساء ... خرجو برا قدام لباب ..
ميساء : كاترين واش صراا .. نتي كنتي اونكوبل معا عبدو ؟؟
هزت كاترين راسها ايه ...
ميساء : و علاه مخبرتيناش .. مشي كنا كيف خواتات و اي حاجة تصرا نعرفو حنا لوالا !!
كاترين : ميساء .. عبدو هو لي مكانش حاب باش حد يععرف ... لعب بيا و رماني ...
تنهدت ميساء ...
ميساء : كنتي قادرة تخبريني و نلقاو حل ..
كاترين : كان فات لوقت .. عبدو كان تزوج .. لموهيم انا راح نولي لدار قبل ما يرجع بابا ...
ميساء : خلاص تهلاي في روحك .. تحتاجي اي حاجة قوليلي ...
دخلت ميساء لقاتهم كامل قاعدين و متوترين ...
منذر : راح يجيبلي اخرتي هاذ لولد ..
جدة : خلاص متضغطوش عليه ... صغير و معرفش واش يدير ..
نورا : ايه يعني مكانش كاين حل ..
منذر : كان قادر يتزوجهاا ..
صااح عليهم كامل سكتو ..
منذر : علاه مشا دا بنت صاحبي ... بهدلني مع ناس .. و طفلة قاعدة امانة من صاحبي زاد غبنها ..
خديجة : مي هنا خطأ نورا .. هي لي قاتلو يتزوجها ..
اسماء : يما !! ..
غزرت فيها اسما نطقت نورا بحدة ..
نورا : واش كان لازمني ندير هاا !! واش ؟ ندخل بنت لحرام هاذيك لداري ... لفعة هاذي غير نتوما مشايفينهاش ..
ميساء : خلاص يما ... دوك نلقاو حل ..
VOUS LISEZ
_ لعنة الحياة _ ﴿ اللهجة الجزائرية ﴾
Short Story... مرات الانسان يتصادف بصوالح في حياتو جامي يتوقعها ، اذا كان الحب من طرف واحد مراحش تتخيل انو راح يجي نهار و يتحقق حلمك .. مي ايضا مراحش تتخيل كيفاه راح تنقلب حياتك مور مايتحقق هاذ الحلم البسيط ..
