سمعتو يطبطب فلباب بجهد ..
عبدو : نيهاد مالكي ؟؟ حلي لباب وشبيك ..
نطقت نعيط و نبكي ..
_ عبدو روح منااا ...
عبدو : صحا حلي لباب ...
_ منحلش بعدني ...
قلتها نبكي و نعيط ...
عبدو : بعدي ...
تسمرت فبلاصتي كي سمعتو يدز فلباب ، مريض هاذا !!! راح يكسر لباب ... نطقت بجهد
_ هبلت ؟؟؟ راح تكسر لباب عليا ..
عبدو : حلي رب# ..
نبرة صوتو صح تخوف ... تقدمت للباب بشوية .. دورت لمفتاح ... حليت لباب لقيتو حاط يد على جنب لباب و ليد الاخرى فلجنب الاخر مستند يسنا فيا ... بديت نبكي بشهقة ... حطيت يديا على وجهي نبكي ... سمعتو تنهد و نطق بصوت هادي ..
عبدو : مراحش تحبسي عليا هاذ دراما ؟؟ كل ما نحكي معاك تولي تبكي دورك !
كملت نبكي مراهش فاهمني و جامي يفهمني خلاص عييت ...
حسيت بيديه تحت ذقني طلعلي راسي نشوف فيه ..
عبدو : نيهاد نقولك كلمة تاع رجال ؟
شفت فيه بعينيا مدمعين نسناه واش راح يقول ..
عبدو : بنتي غير معاك نربيها لي كنت نحكي عليها ، و طلاق غير نسايه جامي نسمح فيك ...
و .. واش ؟؟ ... بنته لي رح يفشسها و يعيشها كي الاميرات .. ب .. بنتنا !! تحلو عينيا نشوف فيه .. قرب عندي بهدوء و باسني على شفافي بوسة حنيينة ... ولا عنقني يديه على وسطي ... جسده لاصق فجسدي ... انفاسي بداو يطلعو و يهبطو .. نحس فراشات فكرشي ملفرحة ... منتخيلش كلمة وحدة معند عبدو حلوة تقدر تبدلي نفسيتي !! ... تبسمت .... راسه على كتافي .... بعد عليا و شاف فيا تبسم معايا ...
_ منطلقوش ؟؟
هز راسه لا يغزر فيا بملامح مفيهاش تعبير !
_ و .. و كاترين ؟
عبدو : متهمنيش ...
_ و بنتك ؟
قعد ساكت يغزر فيا ...
_ بنتك معندهاش ذنب كي راح تزيد و متلقاش باباها ؟
مرر يدو على شعرو ...
عبدو : نمدلها اسمي .. بصح منتزوجش مها ...
_ راح تسقسيك علاه سمحت فيهم ...
عبدو : نيهاااد ...
خرج صوته مقلق ... بلا مانحس طلعت رجليا باش نوصل لطولو و عنقتو بجهد ... حسيت بيديه فخصري مبعد ضحك ..
عبدو : خلاص تصالحنا مالا ؟
ضحكت بسخرية و وليت شفت فيه ...
سمعنا صوت لباب ...
_ دخل ..
تحل لباب ... دخل منه لؤي ..
_ لؤي ! ياروحي دخل ..
دخل يجري و تلاح عنقني .. رفدتو و قعدت نضحك نشوف فيك ..
_ جيت عندي ؟؟
لؤي : اففف يوسف جا داه باباه و قعدت وحدي مع طفل تاع زينو ..
شفت فعبدو لي كان قالب وجهه ... ضحكت عليه
_ خلاص واش رايك تقعد معايا ليوم ؟
لؤي : ايه نقعد ..
عبدو : حاب تسرقلي مرتي ؟
قرب عبدو عندي حاب يبوسني عينيه حمورة مزطلة طاير .. بعدت عليه حشمت ...
_ عبدووو ..
ضحك على جنب بخبث ... ولا مشا طلق روحو فناموسية عيان علخر ...
عبدو : خرجو و طفيو ضوااو ...
_ خلااص رقد ... لؤي هياا نخرجو برا نخليو هاذ شكارة يرقد ..
لؤي : عبدو دايمن يرقد و جداتي تحبو كثر م بابا لي يضل يخدم ..
قالها بصوتو طفولي لي خارج قبيح شفت فعبدو لي غزر فيه بحدة .. رفد حاجة معرفتهاش و رماها عليه ..
عبدو: خرج يا بولسان طويل ...
خرجنا نضحكو و غلقت لباب عليه ... علاه قال جداتي تحب عبدو كثر مباباه ؟؟ تنهدت و شفت فلؤي لي كان يدندن و يغني فرحان ...
لؤي : نيهاد حاب ندوش ...
_ صح ! اول مرة نشوف طفل يحب دوش ...
لؤي : بابا قالي يماك كانت دايمن دوشلك و تمشطلك شعرك و تقول ولدي شعرو كيف لحرير لصفر ...
تبدلو ملامحي للحزن غايضني ... هاذ طفل يقسملي قلبي ... تنهدت و نطقت ...
_ هيا ندوشلك مالا ..
نطق فرحان مشي مصدق ..
لؤي : صح !!!
ضحكت على ردة فعلو
_ ايه علاه نخلعت ؟
لؤي : فدار غير طاطا صفية لي تدوشلي و تحكلي بلحبيلة تحرق ..
قالها عاقد حواجبه مقلق ضحكت عليه ...
_ ايه باش يتنحا لوسخ ...
هز كتافه بلا مبالاة ..
_ حقا قولي شحال في عمرك ؟؟
VOUS LISEZ
_ لعنة الحياة _ ﴿ اللهجة الجزائرية ﴾
Short Story... مرات الانسان يتصادف بصوالح في حياتو جامي يتوقعها ، اذا كان الحب من طرف واحد مراحش تتخيل انو راح يجي نهار و يتحقق حلمك .. مي ايضا مراحش تتخيل كيفاه راح تنقلب حياتك مور مايتحقق هاذ الحلم البسيط ..
