( ملاحظة : راني نحاول نختاصرلكم الاحداث الاولى باسكو مشي مهمة ، الاحداث لي جاية لي مهمة كثر علابيها راني نختاصر ڨد لي نقد باش نوصلها بسرعة )
قراءة ممتعة
خرج ملباب يدندن بغنية مشي مفهومة يبان موراله مليح و فرحان .. غير حل لباب قابلاته كاترين حالتها حالة كحل سايلها على عينيها و وجهها عرڨان .. واقفة لابسة غوب سامبل و تبان معصبة .. تسمر في بلاصته يشوف فيها باينة ستخبرت تناكت عليه راح يعرف باباه بطفل و يديله ڨاع لاملاك لي عنده ..
عبدو : وشبي رب# نتيي !!
تلاحت عليه تضرب فيه شد دراعها و شاف فيها
عبدو : حبسي ... ماالكي ؟؟
نطقت تبكي
كاترين : الله ياخذك كلب ، نوكل عليك ربي ..
نفخ جرها مدراعها و هي تبكي و تعيط
عبدو : خلاص حبسي متعيطيش دوك يسمعونا
كاترين : خليهم يسمعو ، خليهم يسمعو و يعرفو ولدهم كيش داير يلعب ببنات ناس و يرميهم ..
تسمرو في بلاصتهم كي شافو اكرام و اميمة جايين بلوطو .. ڨاراو و نزلو يشوفو فيهم باستفسار ..
اكرام : عبدو ، كاترين .. وشبيكم واش هاذ لحالة ؟
اميمة : دابزتو ؟؟
عقد حواجبه يشوف فيها ..
عبدو : عجبك دروك ؟؟
قعدو اكرام و اميمة يتفررجو فيهم .. نطق عبدو يهمس و يشير لطوموبيل
عبدو : طلعي
دزها طلعت تبكي .. نطقت اميمة
اميمة : بشوية على طفلة واش كااين عبدو !
عبدو : مكان والو بيناتنا
شافت اميمة فاكرام متعجبة ..
طلع عبدو لطوموبيل و قلع بيها ..
اميمة : واش بيهم واش صرا دروك ؟
طلعت اكرام حواجبها تشوف فيها
اكرام : دوك تبان .. هيا ..
راحو للباب صوناو خرجت نورا سلمو عليها و طلعو عند ميساء للبيت لقاوها تمشط شعرها كان مسيب و منفخ خارجة مدوش .. طلقت اكرام روحهها فناموسيا تريح ..
ميساء : وشبيكم قالبين وجهوكم ..
قالتها تمشط شعرها وتشوف فلمرايا ..
اميمة : ماله خوك ؟
شافت فيها باستغراب : ماله !؟
اكرام : كان مدابز مع كاترين لتحت
ميساء : علاه كاترين كانت هنا ؟! بصح مكانتش عندي
عقدو حواجبهم
اكرام : مالا مالهم ..
ميساء : ياخي تعرفيهم هما هاك دايمن مدابزين ... دوك يتصالحو
اميمة : ايه صح ..
نطقت اكرام تتبسم : اييه كيفاتت لخطبة ؟
ضحكت ميساء بسخرية : كي تبالك !
اميمة : رايحة نخمم ! لخطبة فاتت شابة بزاف بصح عبدو دار كاش مشكل و بطلو !
ضحكو عليها و نطقت اكرام : حتى يبالي دابز معاهم و عائلة لعروسة عايروه !
ميساء : مراحش تتخيلو بصح لخطبة فاتت بزااف شابة حتى انهم تفاهمو على لعرس و لمهر ..
اكرام : معجزة !
اميمة : مليحة بصح اموا عدناا عرس نزهاو شوية ..
اكرام : بصح بيزار ! اخر حاجة تسنايها من عبدو هي زواج
ميساء : والله مام انا جاتني بيزار ..
اميمة : علاه تزيدو فيها حتى هو بنادم و يعشق !
ضحكت ميساء بسخرية : واش من عشق !
اكرام : حقاا شكون هاذي لي خطبها و حبهاا ؟
ترددت ميساء محبتش تقولهم باسكو وصاوها ديجا فاتت فيها و قاتلهم بلي خطبوله ..
ميساء : خليو اومبعد و تعرفو ..
VOUS LISEZ
_ لعنة الحياة _ ﴿ اللهجة الجزائرية ﴾
Short Story... مرات الانسان يتصادف بصوالح في حياتو جامي يتوقعها ، اذا كان الحب من طرف واحد مراحش تتخيل انو راح يجي نهار و يتحقق حلمك .. مي ايضا مراحش تتخيل كيفاه راح تنقلب حياتك مور مايتحقق هاذ الحلم البسيط ..
