السلام عليكم ورحمه الله وبركاته ❤️
عاملين ايه طمنوني عليكم ❤️
البارت اللي فات لفت نظري ان في ناس كتير بتسأل على الابطال خاصة اللي مقرأوش الجزء الاول...
عشان كدا تعالو نتعرف على الابطال عشان اللي مش معانا من الاول...
يونغي × سآني
يونغي عمره 29 سنة تنقل في 4 مجالات طبية على مدار 4 او 5 سنوات من تخرجه...
كان بيدرس في الاول عشان يكون جراح مع تاي وجيمين لكن بشكل مفاجئ في اخر سنة من الجامعة اتصاب بـ الهيموفوبيا اللي هي رهاب الدماء...
فقرر يغير مجال الجراحة ويشوف مجال مفيهوش تعامل مع الدم ودخل مجال باطني لكن بعد فترة انسحب بسبب شغل الطوارئ اللي عادة بيكون مدبحة بردو...
دخل بعدها مجال المخ والأعصاب ودرس سنة دراسة سريرية (يعني اشتغل تحت ايد الاطباء المشرفين) ولكن في النهاية اكتشف ان بردو في جراحات مخ وشلالات دم وقرر يغير المجال تاني...
المرة الرابعة كانت الطب النفسي واللي مازال بيدرس ويشتغل فيه لحد دلوقتي تحت اشراف د. سوكجين ولسة متركش مجال المخ والاعصاب...
يونغي حصله سقوط كبير في حياته بعد سجن باباه بتهم كتير ابسط واحدة فيهم الفساد!
ومن وقتها وهو بيعاني من الكوابيس المتكررة اما متعلقة بوالده وسجنه على ايده او متعلقة برهاب الدماء و غيره
لما راح يتابع مع د.جين قاله ان معندوش علاج غير انه يقحمه في الجراحة لحد ما يدرك ان الدم مش شيء يتخاف منه بالشكل دا خاصة لدكتور وبدأ يجبره هو ونامجون إنه يدخل جراحات كتير بهدف العلاج...
حالة يونغي اتحسنت كتير عن الاول بعد ما كان بيقضي ايام بدون أكل وشرب من شدة التعب الوضع اتحسن ودا معناه ان في تقدم...
........
سآني عمرها 26 سنة
اتخرجت في عمر 22 سنة بسبب ضياع سنة عليها...
هي بتعاني من الم وضعف في معصمها من سنين وقضت شهور في اعادة التأهيل زي ما هيلي كانت بتحكي...
سآني فقدت باباها في برنامج حماية الشهود من وهي عمرها سنتين أو تلاته ومن وقتها وهو بيتواصل معاها عن طريق د.جين
أنت تقرأ
Notification || M_Y
Romance|مكتملة| لا يُوجَدُ شخَصٌ بِالحياةَ لا يَهابُ شَيء، وِكُل خَوفٍ لَهُ سَببٌ وَحتى وإِن كانَ لا يُفَسَر، لَكِنْ أن يَهابُ الإِنسانَ شَيئًا لَيسَ لَهُ أيَ سببٍ او تَفسير هُوَ الأمْرُ الذي لا يَفهَمَهُ العَقل ولا يُصَدِقَهُ... ________________ Min Yoong...
