မနက်ခင်း ဝေလီဝေလင်း အချိန်တွင် အိပ်ယာမှနိုးလာသည့်လွှမ်းဆက်။ နေရောင်ခြည်များမကျရောက်ခင်အချိန် အမှောင်ရိပ်လွှမ်းနေဆဲဖစ်သည့်အချိန်မို့ အခန်းအတွင်းရှိ မီးရောင်ခပ်ဖျော့ဖျော့အောက်တွင် ပင်ပန်းစွာ နှစ်နှစ်ခြိုက်ခြိုက်အိပ်ပျော်နေသည့် ကောင်ငယ်လေး။ အိပ်နေတာတောင် ပါးလေးနှစ်ဖက်က နှင်းဆီဖူးယောင်သန်းလျှက် ခပ်မို့မို့လေးသာဖြစ်နေသည့် ထိုပါးပြင်လေးအား ကြည်နူးစွာ လက်ချောင်းတို့ဖြင့်တို့ထိမိလိုက်သည်။
မင်းကငါ့အပိုင်ဖြစ်ခဲ့ပြီ ကလေး ၊ မင်းကိုငါဘယ်တော့မှလက်မလွှတ်ဘူး..။
ရင်ခွင်ထဲရှိနှစ်ခြိုက်စွာအိပ်နေသည့် ကောင်ငယ်လေး၏ ပါးဖောင်းဖောင်းအားမွှေးကြူးလိုက်ကာ..ထို့နောက် နှုတ်ခမ်းအိအိလေးတို့ကိုလဲ စုပ်ယူနမ်းရှိုက်လိုက်ပြန်သည်။
အင်းးး..ချိုလှသည်။ ဘယ်တော့မှမေ့ဖျောက်လို့မရတော့မဲ့ အနမ်းလေးတွေ၊ ဒါတွေဟာတည်မြဲပါစေလို့ ကိုယ်ဆုတောင်းတယ် ကလေး၊ မသေချာတဲ့မနက်ဖန်တွေမှာ မင်းလေးကို ကိုယ်နဲ့ပဲဖြတ်သန်းစေချင်တယ်။ ဒါဟာ အတ္တဆန်ရင် ဆန်ပါ့စေ.. ၊ ချစ်လွန်းခဲ့လွန်းလို့ ရယူလိုမှု့တွေရယ်ပါ..
မကြာခင် ရင်ခွင်ထဲမှ အကောင်ပေါက်ကလေးက လှုပ်လှုပ်ယွယွဖြင့်နိုးလာကာ လက်ကလေးနှစ်ဖက်ဖြင့် မျက်လုံးလေးကို ပွတ်နေတော့သည်။
"အဲ့လောက်မပွတ်ရဘူးလေ အသက်ရဲ့ "
"ဟင်.."
"ဘာဖြစ်လို့လဲ"
"ကျနော့်ကို ဘလိုခေါ်လိုက်တယ် "
"အသက်လို့ခေါ်တာလေ ၊ ဘာလို့လဲ အသက်က မကြိုက်ဘူးလား"
"မဟုတ်ပါဘူး ၊ မိန်းမနာမည်ကြီးမို့ "
ဟု ဆိုကာ ရင်ခွင်ထဲကနေ မျက်စောင်းပိစိလေးထိုးကာ နှုတ်ခမ်းကိုဆူလျှက်..
"ဒါဆိုလဲ မိန်းမနာမည်ကြီးပါအောင် မှည့်ပေးထားတဲ့ ကိုယ့်မေမေကို နာမည်သွားပြောင်းခိုင်းမှရတော့မယ်ထင်တယ်"
"အံ့မယ်...ပိုင်ဆိုးပိုင်နင်းနဲ့သူများအမေကိုများ "
"ကလေး မေမေက ကိုယ်နဲ့သဘောတူပြီးသားပါနော် "
YOU ARE READING
Last Light.( Ongoing )( un + Zawgyi )
RomanceSeme ကျောက်စိမ်း လောကရဲ့ ဘုရင် အငြိုးတေးတက်သူ စိတ်ဆက်သူ ကိုယ့်ကိုလာမထိသေးသရွေ့ပြန်မတုန့်ပြန်တက်သူတစ်ဦး ဖြစ်သည့်အပြင် Red flagတစ်ဦး ကျောက်စိမ်း လောကမှာ ဘုရားတစ်ဆူ ။ တစ်ဖက်ခြမ်းတွင်တော့လဲ မှောင်ခိုတို့၏ ဘုရင်တစ်ဆူ။ ************** Uke အသက်20ကောင်လေးတစ်...
