Imagine Forest

CHAPTER 20

🔞 RATED SPG PAALALA:

Heads up, dear cuties! Ang kabanatang ito ay naglalaman ng mga eksena ng matinding aksyon at karahasan. Ang mga detalyadong paglalarawan ng mga eksena ay maaaring magdulot emotional distressed, lalo na sa mga mambabasa na sensitibo sa ganitong uri ng nilalaman.

-CUTE_TOT19

******

Sa loob ng opisina ng police department, ay nagkakagulo. Sumabog ang tensyon sa loob ng interrogation room habang galit na galit ang mga magulang ni Cindy na ipinagtatanggol ang kanilang anak laban sa mga akusasyon.

"Tignan niyo ang anak ko! Iyan ba ang sinasabi niyong mamamatay tao?"

Si Mrs. Gonzales, ang ina ni Cindy, ay hindi na napigilan ang kanyang galit habang kaharap ang mga pulis at magulang ni Veronica.

"Walang kasalanan ang anak ko! Hindi siya ang pumatay kay Veronica!" sigaw ni Mrs. Gonzales, habang mariing hinahawakan ang braso ng kanyang asawa, si Mr. Gonzales, na maging ito ay pinipigilan ang sarili. "Ni hindi nga kayang pumatay ng lamok ang batang yan. Paano niyo siya magagawang pagbintangan na pumatay kay Veronica?"

Nasa gilid naman si Cindy, nanginginig at umiiyak, habang nakatayo sa likod ng kanyang mga magulang. Sa loob ng interrogation room, kasama nila ang principal ng Williams. Maging ang ama ni George, na tahimik lamang sa isang sulok, nais mag-salita ngunit tila natutuyo ang mga salita sa kanyang lalamunan.

Sa kabilang banda, si Mrs. Santos, ang ina ni Veronica, ay nagsisigaw habang umiiyak, ang sakit at galit ay bumabakat sa bawat salita. "Siya ang may kasalanan! Sinira niya ang buhay ng anak ko! Marami pang pangarap ang anak ko para sa amin! Dahil sa anak mo mawawala na lang ang lahat ng pangarap ng anak ko!" Hinagpis niya, hindi mapigilang isisi kay Cindy ang pagkamatay ni Veronica.

"Sinungaling ka, sinungaling ka talaga Araneta! Hindi si Cindy ang may kasalanan!" galit na tugon ni Mrs. Gonzales, sumisigaw na rin habang tinuturo si Gemini na tahimik lamang sa isang sulok. "Bakit hindi niyo imbestigahan nang maayos? Bakit si Cindy ang pinagbibintangan niyo? Hindi lang si Cindy ang kasama ng anak mo sa araw na iyon kundi si Gemini! Mga kaibigan mo 'yun! Kasama ka don! Anong kinalaman ng anak ko? Malayo na nga siya sa inyo na kayong nagpapahirap sa kaniya! Walang araw na hindi umuuwi ng luhaan ang anak ko! Biktema ang anak ko dito! Biktema rin siya! Hindi niyo ba naiisip yun!"

Pinilit ni Chief Detective Mateo na manatiling kalmado sa gitna ng kaguluhan, ngunit ramdam ang bigat ng sitwasyon. "Mrs. Gonzales," panimula niya, ngunit matigas na ang kanyang tono, "ginagawa namin ang lahat para malaman ang katotohanan. Lahat ng anggulo, lahat ng posibleng suspek, iniimbestigahan namin--" "At anong karapatan n'yo para pagbintangan ang anak ko? Kulang kayo sa ebidensya! Wala kayong karapatang pagbintangan ang anak ko sa kasalanang hindi niya ginawa!" sigaw ni Mr. Gonzales, na ngayon ay halos itulak na si Chief Detective Mateo.

"Ganito rin kayo dati, tama oo, ganitong ganito rin ang nangyaring eksena noon year 19**, sinisi niyo rin ang isang inosenteng tao na wala namang ginawa kundi puro kabutihan sainyo!"

"Tama na Rain."

Sabat ni George. Tumingin sa kanya si Mrs. Gonzales. "Kayo! Kayong apat! Kung alam niyo lang ang ginawa nila noon, tsk! Lalo ka na Araneta ikaw ang puno' dulo ng lahat! Sa tingin mo wala akong alam?" agarang pinigilan ni Mr. Gonzales ang asawa at nagmamakaawang huwag ng magsalita.

"Ano Mateo, wala ka bang sasabihin? Hindi ba pamilyar sa'yo ang mga nangyayari? Dalawa na sa taong importante sa'yo ang na sangkot sa ganitong eksena diba, hahayaan mo bang mangyari rin ito sa anak ko? Hahayaan mo rin bang mangyari ito?"