အစားထိုးယောက်ျားလေးဇနီးသည် " ဖူလန် " အဖြစ် ကူးပြောင်းသွားခြင်း

အခန်း (၁၂) - ဆိုင်ခန်းငှားရမ်းခြင်း

Unicode

အခန်း (၁၂) - ဆိုင်ခန်းငှားရမ်းခြင်း

ချန်ရှင်းနဲ့ အဖွားစွင်းတို့ကတော့ အရာရှိနှစ်ယောက်နဲ့ အတူတူ ဆိုင်ခန်းကို ကြည့်ဖို့ လိုက်သွားခဲ့ကြသည်။  မူလက ဒီလိုမျိုးသက်သာတဲ့ ဆိုင်မျိုးရှိရင်တောင်မှ နေရာနဲ့ အခြေအနေတွေက သိပ်ကောင်းမှာ မဟုတ်ဘူးလို့ သူထင်ခဲ့မိတာ ဖြစ်၏။ သိုသော်ငြား  ဆိုင်ရှိရာနေရာဆီ ရောက်သွားပြီး ဆိုင်ခန်းရဲ့ အသွင်အပြင်ကို မြင်လိုက်တာနဲ့ သူ မှားလုပ်မိသွားပြီဆိုတာ သိလိုက်ရလေ၏။

ဆိုင်က လမ်း၏အဆုံးဘက် မြို့ရိုးနံရံဘေး တွင် တည်ရှိ‌နေသည်။ ကြမ်းပြင်တစ်ခုလုံးသည်လည်း သန့်ရှင်းနေပြီး ဆိုင်တစ်ဖက်ခြမ်းက မြို့ရိုးကို ကျောပေးထားကာ ကျန်သုံးဘက်ကတော့ ပွင့်လျက်ရှိကာ သက်ကယ်အမိုးဖြင့် မိုးထားလေ၏။ အတွင်းဘက်မှာ‌တော့ ထိုင်စားဖို့ရာ စားပွဲနှစ်လုံး ထားရှိနိုင်ပြီး  ဆိုင်ရှေ့မှာလည်း အသေးစားနှင့် အလတ်စား မီးဖိုနှစ်လုံးရှိ‌နေလေရာ ယခင်တုန်းက ဤဆိုင်သည်လည်း အစားအသောက် လုပ်ငန်းဖြစ်နို‌င်လေ၏။

ချန်ရှင်းအပျော်ဆုံးအရာက ဆိုင်နဲ့ မနီးမဝေးမှာ ပုဂ္ဂလိကပိုင် ဘဏ်နဲ့ တခြား‌သော ဆိုင်တွေ အများကြီးရှိ‌နေတာပင်။ ထိုသို့ရှိနေခြင်းအား ဖြင့် ဘေးပတ်ဝန်းကျင် လုံခြုံမှုကို အာမခံ ချက်ပေးနေသည်လေ။   ချန်ရှင်း ပထမဆုံး မြင်မြင်ချင်းမှာတင် ဤဆိုင်လေးကို သဘောကျသွားခဲ့ရာ ရေယိုစိမ့်မှုအစရှိသည်တို့ကို  ကာကွယ်ရန်အတွက်  မိုးရေကာဖျင် ဒါမှမဟုတ် သက်ကယ်အမိုးကို ဘယ်နေရာမှာ ရနိုင်မလဲဆိုတာကိုပင် စိတ်ထဲတွင် တွေးတောနေမိတော့သည်။

( ပုဂ္ဂလိကပိုင် ဘဏ် - 錢莊 - ဆိုတာက ချင်မင်းဆက်မှာ ပေါ်လာပြီး မင် မင်းဆက် ရောက်ချိန်မှာ တိုးတက်ကြီးပွားလာခဲ့တဲ့ ဘဏ်လိုမျိုး ငွေကြေးဆိုင်ရာ ဆိုင်တွေကို ပြောတာ‌ပါ )

ချန်ရှင်းကို ခေါ်လာတဲ့ အရာရှိက သူ့ကို ကြည့်လိုက်ကာ အလုပ် ပြီးမြောက်ဖို့ သေချာ လုနီးပါးအခြေအနေရှိနေတာကို သိလိုက်‌၏။  သူက ချန်ရှင်းကို ပြုံးပြီးပြောလာ၏။ " ဘယ်လိုလဲ?  ဒီနေရာက မဆိုးဘူးဟုတ်လား? ဒီဆိုင်ကို အစက လိုင်မိသားစုရဲ့ ဆွေမျိုးတစ် ယောက်က ဦးစီးတာလေ, အဲဒီလူက လိုင်သခင်ကြီးရဲ့ အမြတ်ကြီးစား ခေါင်းပုံဖြတ် အနိုင်ကျင့်တဲ့ ဖြစ်ရပ်တွေမှာလည်း ကြံရာပါ လေ,  ဒီတစ်ကြိမ် စီရင်စုတရားသူကြီး လိုင်မိသားစုကို စာရင်းရှင်းတော့ သူ့ကိုလည်း ထည့်တွက်လိုက်တယ်လေ,  ဆိုတော့ ဒီဆိုင်လည်း လက်ရှိသုံးတဲ့ သူ မရှိဘူးပေါ့ ”