فارق حب

-١٣-

سبحان الله
و
الحمدلله
و
لا اله إلا الله
و
الله اكبر

ياروحي ويانبضي ويا كل الأيام
———————————————————————————-
هجران

حيل تعودت عل امو صارت ام اليه عوضتني صارت تجيب أعشاب گ علاج والحمدلله راحت مني سالفه التدرر
تفرش فراشي بصفها انام بالغرفه متحب تنام عل جربايه مع العلم اكو بس هي تنام بالكاع متعوده حنينه بشكل مو طبيعي
تأخذني للزياره وتقرالي قصص صاحب المرقد اكثر من مره نروح للإمام الحسين والعباس عليهم السلام
اشترتلي ملابس وين متطلع تطلعني وياهاا كد ما مهتمه بيه كمت اصيح الها يمه
وره تقريبا شهرين او اكثر بيوم جانت كاعده تحطلي حنه ل شعري اني شعري اشكر وهي تحطلي حنه ف يصير لونه عل برتقالي

ف دتحط لشعري ودخل نفسه عمو ابو الليل
—السلام عليكم
—هلا ياحبيب شلونك يمه
—هلا يوم شلونج حجيه
—الحمدلله وليدي شخبارك
—الحمدلله
كوه رفعت صوتي وكتله ... شلونك عمو
—هلا عمي شلونج
—الحمدلله
باوع ب وجهي وكال ... هاي شدسيوين الها يمه
—احط حنه لشعرها
—شلها بي
—دوه للشعر فوت ارتاح وليدي

نزع بسطاله غسل اديه ودخل لغرفته
صار يدور عل بيت جدي مسافرين ل كندا ماباقي غير خالي وماقبل يوديني يمه ماكال السبب ماعرف ليش
ضليت يمهم رتب امور مدرستي صرت اروح وارجع حطلي خط دائما يوصي بيه

يوم بعد يوم اتعلق ب امه اما هو ابد مااحتگ بي ولا اسولف وياه
بعد مابلغت وهنا خاله تجيب وتحط اكل كدامي بدت تبرز ملامحي الانثويه واني مو ناعمه ولا خشنه بيوم جنت داروح للمدرسه بدلت

الشال ماعرف البسه ف جابتلي حجابات الاميره دورت عليهن دورت ماكو وخاله طالعه لسوك
ماكو بس هو نايم وماريد اروح اله حطيت لشال عل راسي ردت دنبوس ماكو عاد بس ذبيته دك هورن ابو الخط طلعت ماكدرت ابد اكون صديقات واصير اجتماعيه الانطواء صار جزء مني
وصلنه للمدرسه دخلنه للصفوف خلصنه وبالطلعه وكفنه ننتضر ابو الخط شويه واجى نص الطريق وصار عنده بنجر باوعت مو كلش بعيد عن البيت بعد شارعين وماباقي غير بس تلث بنات ثنين نزلن وبقت بس وحده واني
نزلت وكتله ... عمو اني رايحه
—براحتج عمي
طلعت اتمشى بس خايفه دنيا ظهر دامشي وصار وراي خيال متت خوف صرت اسرع ب خطواتي جمد الدم ب جسمي لمن صار يذب حجي ابد محلو
—مادري عدنه بالمنطقه هيج حمامه اوكف ياحلو نحجي وياك

مشيت سريع همزين فات واحد من ولد الشيخ
—ها بويه شعندج هنا
—عمو الخط بنجر
هو شاف الولد خله وكمل طريقه بس شنو اني اريد قطره دم ماكو ب وجهي وصلني للبيت دخلت ارجف ركضت ل خاله مادري لشال واكع عل جتفي من جنت امشي سريع
—يمه
—اسم الله هجوره شبيج
—لحگني ولد صار يحجي حجي مو حلو
لطمت عل صدرها وماشوف غير ابو الليل طفر اني عبالي ماموجود
—شلووووووون
فزيت مخروعه رجعت ليوره كلي ارجف هسه هاذه منين طلعلي كوه اريد احجي ماكدر
—ع عم
—لتعوعوين واحجيييي شجابه عليججججج
—غيث يمه مو هيج الحجي استهدي بالرحمان طلعت روحهه للبنيه من الخوف دشوف شلون صارت اذ يصير بيها شي ربحي بيك بذاك الساق..
—يمه خل افتهم منها لخاطر الله احجي لج شجابه عليج ابو الخط وين وليش طبيتي شالج مو عل راسج هجرررران سوالج شي
—عمو والله ماسوالي شي ابو الخط سيارته بنجرت وكفنه بعد شارعين قسم من البنات نزلن لان قريب واني نزلت مشيت وهاذه ل ولد مدري منين طلع بس همزين طلع واحد من ولد الشيخ وصلني هو من شاف الرجال كمل طريقه
—شكلللج شحجى وياج
نصيت راسي
—مادري ماركزت جنت خايفه