فارق حب

-٤٤-

سبحان الله
و
الحمدلله
و
لا إله إلا الله
و
الله اكبر

واذا شحّ الوصل متشح الطيوف
نسد عيونه وبأحلامنا نشوفك ..

دخلت للحمام ودموعي عشره عشره غسلت نص جسمي ماريد اتاخر عل المره لبست الملابس وطلعت

—افحصج ضروري

—اي تعاي للغرفه دكتوره

علي عيونو عليه كاعد بالاستقبال ويهز ب رجلو فتحت غرفه خاله نمت عل الجربايه فحصتني وكالت

—اسقاط هاذه ماما

—يعني راح وكع مابي امل

—نتأكد بالعياده افضل لو نروح لبيتي عندي سونار حتى افحصج بي

بجيت وكتلها .. مماشي بس ابدل

هزت ب راسها طلعنه صعدت للغرفه اخذت صايه وشال ومستلزمات نسائيه
دالف بالشال وعلي دخل

—هاا شكلتلج

بجيت اكثر لف ايدو عل راسي واحتضن وجهي يدحك بعيوني

—شبيج

—راح

—شنو هو الراح احجي مو موتيني

—الطفل

توسعت عيونو مامصدك كال .. جنتي حامل

هزيت راسي الو ب اي
حط ايدو عل راسو

—دخيلك ياعلي تدررررين شمس

—لا والله مجرد شگ قبل جيتك تاخرت عليه يوم واحد كلت جوز غلطانه بالحساب

—وهسسه شنو

—نروح لبيتها تتاكد

زفر نفس واستغفر كال .. جا امشي يلا فشله من المره
نزلنه هي طلعت ب سيارتها واحنه اني وعلي وراها وصلنه لبيتها نزلت وعلي بقى ينتظرني بره

اخذت سونار وكالت

—مثل ماتوقعت إسقاط منا لباجر اذ مانزل كله نسوي كرداش راح انطيج علاج اخذي بلكت يوكع افضل الج من الكرداش

هزيت راسي الها ب اي اخذت الوصفه وضل تحجي وياي

—ماما العوض عد الله دام نزرع ب رحمج وتلقحت البيضه ماتطولين فتره وتحبلين لتضوجين وانتو بعدكم العمر كدامكم

—تسلمين دكتوره

—خلينه عل اتصال واذ وكع عليج شي هم بلغيني ماشي